Sunday 16 Jestha, 2073 |
Menu

समाज

republica-headerdiscount-subscribe1

istl

स्थानीयले बुझाए, वन कर्मचारीले मारेर खाए

(0 votes)
रौतहट - गाउँलेले उद्दार गरेर बुझाएको हरिण जिल्ला वन कार्यालयका कर्मचारीले मारेर खाएको स्थानीयले आरोप लगाएका छन्। राष्ट्रिय निकुञ्ज तथा वन्यजन्तु संरक्षण ऐन २०२९ ले कुनै पनि वन्यजन्तुको ओसारपसार र शिकार गर्नेलाई पा“चदेखि १५ वर्ष कैद वा ५० हजारदेखि एक लाख रुपैयाँ जरिवाना वा दुवै सजाय हुने व्यवस्था गरेको छ। जिल्लामा राष्ट्रिय निकुञ्ज तथा वन्यजन्तु संरक्षण विभाग अर्न्तगतका कार्यालय नहुँदा त्यस क्षेत्रका वन्यजन्तु संरक्षण गर्ने सबै जिम्मेवारी वन कार्यालयको हो।
nepali-patro-may
शनिबार बिहानै नेपाल प्रहरीका पूर्वआइजिपी प्रदीप शमशेर जबराको बसबिट्टी जिंगडियाको निवासनजिकै देखापरेको ठूलो हरिण स्थानीयले समातेर जिल्ला वन कार्यालयलाई बुझाएका थिए। बिहान बुझाएको हरिणको मासु बेलुकी केही स्थानीयको घरमा आएपछि हरिण मारिएको रहस्य खुलेको स्थानीय रामलाल यादवले बताए।
गाउँमा हरिण आएको खबर फैलिनासाथ स्थानीयले लखेटेर समात्न खोज्दा भाग्ने क्रममा वडा नं. ३ का शेख मजहरको घरमा पसेको थियो। भाग्ने क्रममा हरिणको खुट्टा र टाउको साइकलमा फसेको थियो। स्थानीयले समातेर पूर्वआइजिपी जबराको निवासमा लगेपछि जबराकै सल्लाहमा हरिणबारे जिल्ला वन कार्यालय रौतहटलाई खबर गरिएको थियो। त्यसलगत्तै आएको वनको टोलीलाई स्थानीयले कागज बनाई हरिण हस्तान्तरण गरेका थिए। 
पूर्वआइजिवी जबराकै रोहबरमा वनका जमदार शेख वबैदुल्लाहलाई हस्तारण गरिए पनि साँझ जिंगडियाकै केही घरमा हरिणको मासु आएपछि आफूहरुले बुझाएको हरिण मारिएको खुलासा भएको स्थानीयको भनाइ छ।
जिल्ला वन कार्यालयले भने हरिण ल्याउँदाल्याउँदै बाटोमा नै मरेको जनाएको छ। जिल्ला वन कार्यालय रौतहटका प्रमुख नन्दलाल यादवले मरेको हरिणको दाहसंस्कार गरिएको र खुर, छाला तथा सिङलाई प्रमाणको रुपमा राखिएको यादवलाई उद्धृत गर्दै प्रमुख जिल्ला अधिकारी दिलबहादुर घिमिरेले बताए।
हरिण वन कार्यालयमा बुझाउन सहयोग गरेका पूर्व आइजिपी जवराले स्वस्थ अवस्थाको हरिण आफ्नै रोहबरमा कागज गराएर बुझाएको जानकारी दिए। 'त्यो कसरी मर्योथ, म आफैं आश्चर्यमा परेको छु,' उनले भने। 
इलाका प्रहरी कार्यालय चन्द्रनिगाहपुरका डिएसपी ध्रुवराज राउतले जिंगडियाबासीले समातेर बनलाई बुझाएको हरिण आफूले मरेको अवस्थामा देखेको जानकारी दिए। 'घाँटीमा डोरीको दाग जस्तो देखिएकोले वनको मुचुल्कामा मैले सहिछाप गरिन। प्रहरीको रोहबरमा हरिणको दाह संस्कार पनि भएको छैन,' उनले भने। 
आफूहरुले बुझाएको हरिण आरक्षमा बुझाउनुको साटो मारेर खाने वनका कर्मचारीको विषयमा छानबिन गरी कार्यवाही हुनुपर्ने स्थानीयले माग गरेका छन्।
वन प्रमुख यादवले हरिण गाउँलेको लखेटाइबाट दौडदादौडदै थाकेपछि बेहोस भएकाले जंगलमा छोडन नमिलेको उल्लेख गर्दै भने, 'कार्यालयमा आफैं मरेपछि वन ऐनअनुसार दाहसंस्कार गर्यौं ।'

प्रतिक्रिया

आपराधिक समूहको निसानामा उद्योगी

बारा- बिहीबार साँझ महागढीमाई नगरपालिका–२ पसाह खोलाको पुलबाट अपहरणमा परेका वीरगन्ज खाद्य उद्योगका सञ्चालक सुरेश केडियाको अवस्था अझै अज्ञात छ। केडियाको उद्धार गर्न नेपाली सुरक्षाकर्मीले भारतीय सुरक्षाकर्मीको सहयोगमा बिहारको मोतिहारी...

भक्तपुरलाई साँस्कृतिक सहरको रुपमा विकास गरिने

भक्तपुर- सरकारले भक्तपुर नगरलाई साँस्कृतिक नगरको रुपमा विकास गर्ने घोषणा गरेको छ। शनिबार सार्वजनिक आगामी आर्थिक वर्ष २०७३।७४ को आयव्ययको वार्षिक विवरण (बजेट) मार्फत यस्तो घोषणा गरिएको हो।

'हनुमानढोका पुनर्निर्माण ठेक्कामा गर्नहुन्न'

'हनुमानढोका पुनर्निर्माण ठेक्कामा गर्नहुन्न'

काठमाडौं- हनुमानढोका दरबारक्षेत्र भित्र रहेको सम्पदा पुनःनिर्माण गर्दा ठेक्का प्रथाबाट गर्न नहुने सम्पदा संरक्षणमा लागिरहेका स्थानीय अग्रजहरूले माग गरेका छन्। ठेक्का प्रथाबाट गर्दा सम्पदाको मौलिकता हराउने भएकोले पुनःनिर्माण गर्दा सम्बन्धित...

सधैं अस्तव्यस्त सूर्यविनायक

भक्तपुर-विदेशको झल्को दिने ६ लेन चौडा सडकको दुवै छेउ भने खाल्डाखुल्डी अनि पानी पर्दा हिलाम्मे र घाम चर्कंदा धुलाम्मे। त्यसमाथि पनि फुटपाथमा नानाथरी पसल र जथाभावी सवारी पार्किङ। यो हो,...

पुनर्निर्माण पाँच वर्षभित्र

काठमाडौं- सरकारले भूकम्पपछिको पुनर्निर्माण गर्न आगामी वर्ष झन्डै डेढ खर्ब रुपैयाँ खर्चने भएको छ। व्यवस्थापिका संसद्मा शनिबार आर्थिक वर्ष २०७३/७४ को बजेटमार्फत सरकारले पुनर्निर्माणका लागि १ खर्ब ४० अर्ब ६६...

८२ हजार जनालाई सम्मान

८२ हजार जनालाई सम्मान

काठमाडौं- सरकारले गणतन्त्र दिवसको अवसरमा करिब ८२ हजार जनालाई विभिन्न पदक, प्रशंसा र सम्मानबाट विभूषित गर्ने घोषणा गरेको छ। सरकारले ९ औं गणतन्त्र दिवसको अवसरमा एकैपटक मानपदवी, अलंकार, पदकद्वारा दलका...

सामाजिक सुरक्षा भत्ता दोब्बर

काठमाडौं- सरकारले आर्थिक वर्ष २०७३ र ०७४ को बजेट वक्तव्यमार्फत सामाजिक सुरक्षा भत्ताको रकम दोब्बर बनाएको छ। अर्थमन्त्री विष्णु पौडेलले शनिबार बजेट वक्तव्यमार्फत ज्येष्ठ नागरिक, एकल महिला, अपांगता भएका व्यक्ति...

कर्मचारी तलब २५ प्रतिशत बढ्यो

काठमाडौं- सरकारले कर्मचारीको तलब २५ प्रतिशतले बढाएको छ। २०७१ सालमा १० प्रतिशत बढेको तलब यसपटक २५ प्रतिशतले बढाइएको हो। तलब बढेसँगै भत्तासहित कार्यालय सहयोगीको तलब स्केल १७ हजार २ सय...