Sunday 16 Jestha, 2073 |
Menu

समाज

republica-headerdiscount-subscribe1

istl

विदेशी पनि करोडौं सम्पत्तिको स्रोत खुलाउन नसक्दा सम्पत्ति मुद्दामा

(0 votes)
काठमाडौं - करोडौं सम्पत्तिको स्रोत खुलाउन नसक्दा दुई वर्षयता एक दर्जन विदेशीविरुद्ध विशेष अदालतमा सम्पत्ति मुद्दा पर्यों। अदालतले बिगो जफत, जरिवाना र कैद फैसला पनि सुनायो, तर अभियुक्त न सम्पर्कमा आए, न पुनरावेदन लिएर सर्वोच्च नै पुगे। सम्पत्ति शुद्धीकरण अनुसन्धान विभागले चार चिनियाँ र आठ भारतीयविरुद्ध सम्पत्ति मुद्दामा सजाय सुनाए पनि उनीहरूको पूरा ठेगाना नखुल्दा कार्यान्वयन अलपत्र छ।
nepali-patro-may
विभिन्न समयमा मुद्दा चलाइएका उनीहरुबाट बरामद रकम र विभिन्न बैंकमा रहेका करोडौं सम्पत्ति भने अदालतले बिगोबापत जफत गरेको छ। 
सम्पत्ति मुद्दामा तानिएका विदेशी व्यापार र घुमघाम सिलसिलामा नेपाल आएकाहरू हुन्। केही नेपालीसँग सम्बन्धित भएर पनि कानुनी दायरामा आएका छन्।
विशेषले चार चिनियाँबाट करिब ८ करोड रुपैयाँ बिगोबापत असुल गरेको जनाएको छ। फैसला भएको वर्षदिन बित्दा पनि ठेगाना नखुलेपछि नेपाली र अंग्रेजी पत्रपत्रिकाबाट म्यादी सूचना जारी गरिएको विशेषका रजिस्ट्रार धीरबहादुर चन्दले बताए। 
चन्दका अनुसार दुई वर्ष अवधिमा सजाय सुनाइएका चिनियाँमा उलिङ साङ, सोनाम नोर्बु, लिउ सिउ लिन र अर्का एकजना छैन। उनका अनुसार सबै चिनियाँ अभियुक्तबारे अंग्रेजी पत्रिकामा म्यादी सूचना दिइएको छ।
उलिङले असीम क्षेत्रीका नाममा नेपाल–बंगलादेश बैंक भैंसेपाटीमा पठाएको १० लाख अमेरिकी डलरको स्रोत नखुल्दा अदालतले त्यसबाट ६ करोड ७४ लाख ५० हजार रुपैयाँ बिगो जफत गरेको छ। बिगोबमोजिमको जरिवाना र एक वर्ष कैद फैसला भएकोमा उलिङको अत्तोपत्तो छैन।
त्यस्तै, बौद्धमा सोनाम नोर्बुबाट बरामद भएको २२ लाख रुपैयाँको स्रोत नखुलेकोमा उक्त रकम जफत र सोहीबराबर जरिवाना र एक वर्ष कैद सुनाइएको छ। लिउविरुद्धको मुद्दामा गत मंंसिरमा २१ लाख २५ हजार जरिवाना र एक वर्ष कैद सजाय सुनाइएको थियो। लिउको एक लाख ५० हजार निजी आर्जनको मात्र स्रोत खुलेको थियो। उनले नेपालमा चढ्ने गरेको गाडीसमेत अवैध खुलेपछि जफत गरिएको अदालतका एक कर्मचारीले बताए। अर्काे नाम खुल्न नसकेका चिनियाँको खातामा रहेको ४९ लाख रुपैयाँ पनि जफत गरिएको छ।
यसैगरी, भारतीयहरु भने भ्रमणका क्रममा नेपाल आउँदा बोकेको रकम र यहाँका बैंकमा राखेको रकमको स्रोत नखुल्दा कानुनी दायरामा तानिएका हुन्। नेपाल आउने क्रममा सुनील जैसवाल र श्रवण साहबाट बरामद २८ लाख ४० हजार रुपैयाँको स्रोत उनीहरुले खुलाउन सकेनन्। अदालतले जैसवाललाई १९ लाख २० हजार जरिवाना, १ वर्ष कैद एवं साहलाई ९ लाख २० हजार जरिवाना र एक वर्ष कैद सजाय सुनाएको छ।
यसैगरी, जनकपुरमा चेकजाँचका क्रममा धर्मवीर पासवानबाट २० लाख ५० हजार रुपैयाँ बरामद भयो। त्यसको स्रोत खुलाउन सक्दा गत असारमा उनीबाट बिगो जफत गर्दै सोहीबराबर जरिवाना र कैद सजाय सुनाइएको थियो। यसैगरी, भारतीय उमेशकुमार शर्मा, मुकेशकुमार शर्मा र आदित्यकुमार शर्मालाई गत चैतमा बरामद जफत गर्दै कैद सजाय सुनाइयो। उनीहरुबाट १ करोड ६५ लाख बराबरको बिगो असुल गरिएको थियो।
यसैगरी, प्रदीपकुमार रस्तोगीले विभिन्न बैंकमा राखेको २ करोड १५ लाख ३२ हजार ४ सय ३७ रुपैयाँ स्रोत खुलाउन सकेनन्। उनीविरुद्ध दर्ता भएका दुइटा मुद्दामा गत वैशाखमा भएको फैसलामा बिगो जफत र तीन वर्षको कैद जरिवाना तोकिएको छ।
रजिस्ट्रार चन्दका अनुसार मुद्दामा हारेका विदेशी पुनरावेदनका लागि सर्वोच्च जान सक्छन्। ‘विशेषको फैसला सर्वोच्च अदालतले सदर गरेमात्र उनीहरुले कैद भुक्तान गर्नुपर्छ,'उनले भने।

प्रतिक्रिया

आपराधिक समूहको निसानामा उद्योगी

बारा- बिहीबार साँझ महागढीमाई नगरपालिका–२ पसाह खोलाको पुलबाट अपहरणमा परेका वीरगन्ज खाद्य उद्योगका सञ्चालक सुरेश केडियाको अवस्था अझै अज्ञात छ। केडियाको उद्धार गर्न नेपाली सुरक्षाकर्मीले भारतीय सुरक्षाकर्मीको सहयोगमा बिहारको मोतिहारी...

भक्तपुरलाई साँस्कृतिक सहरको रुपमा विकास गरिने

भक्तपुर- सरकारले भक्तपुर नगरलाई साँस्कृतिक नगरको रुपमा विकास गर्ने घोषणा गरेको छ। शनिबार सार्वजनिक आगामी आर्थिक वर्ष २०७३।७४ को आयव्ययको वार्षिक विवरण (बजेट) मार्फत यस्तो घोषणा गरिएको हो।

'हनुमानढोका पुनर्निर्माण ठेक्कामा गर्नहुन्न'

'हनुमानढोका पुनर्निर्माण ठेक्कामा गर्नहुन्न'

काठमाडौं- हनुमानढोका दरबारक्षेत्र भित्र रहेको सम्पदा पुनःनिर्माण गर्दा ठेक्का प्रथाबाट गर्न नहुने सम्पदा संरक्षणमा लागिरहेका स्थानीय अग्रजहरूले माग गरेका छन्। ठेक्का प्रथाबाट गर्दा सम्पदाको मौलिकता हराउने भएकोले पुनःनिर्माण गर्दा सम्बन्धित...

सधैं अस्तव्यस्त सूर्यविनायक

भक्तपुर-विदेशको झल्को दिने ६ लेन चौडा सडकको दुवै छेउ भने खाल्डाखुल्डी अनि पानी पर्दा हिलाम्मे र घाम चर्कंदा धुलाम्मे। त्यसमाथि पनि फुटपाथमा नानाथरी पसल र जथाभावी सवारी पार्किङ। यो हो,...

पुनर्निर्माण पाँच वर्षभित्र

काठमाडौं- सरकारले भूकम्पपछिको पुनर्निर्माण गर्न आगामी वर्ष झन्डै डेढ खर्ब रुपैयाँ खर्चने भएको छ। व्यवस्थापिका संसद्मा शनिबार आर्थिक वर्ष २०७३/७४ को बजेटमार्फत सरकारले पुनर्निर्माणका लागि १ खर्ब ४० अर्ब ६६...

८२ हजार जनालाई सम्मान

८२ हजार जनालाई सम्मान

काठमाडौं- सरकारले गणतन्त्र दिवसको अवसरमा करिब ८२ हजार जनालाई विभिन्न पदक, प्रशंसा र सम्मानबाट विभूषित गर्ने घोषणा गरेको छ। सरकारले ९ औं गणतन्त्र दिवसको अवसरमा एकैपटक मानपदवी, अलंकार, पदकद्वारा दलका...

सामाजिक सुरक्षा भत्ता दोब्बर

काठमाडौं- सरकारले आर्थिक वर्ष २०७३ र ०७४ को बजेट वक्तव्यमार्फत सामाजिक सुरक्षा भत्ताको रकम दोब्बर बनाएको छ। अर्थमन्त्री विष्णु पौडेलले शनिबार बजेट वक्तव्यमार्फत ज्येष्ठ नागरिक, एकल महिला, अपांगता भएका व्यक्ति...

कर्मचारी तलब २५ प्रतिशत बढ्यो

काठमाडौं- सरकारले कर्मचारीको तलब २५ प्रतिशतले बढाएको छ। २०७१ सालमा १० प्रतिशत बढेको तलब यसपटक २५ प्रतिशतले बढाइएको हो। तलब बढेसँगै भत्तासहित कार्यालय सहयोगीको तलब स्केल १७ हजार २ सय...