Thursday 28 Magh, 2072 |
Menu

समाज

republica-headerdiscount-subscribe1

istl

विस्ताररित सडक पेटी मापदण्डभन्दा कम

  • मङ्गलबार ७ जेष्ठ, २०७०
  • नारायण न्यौपाने/रासस
  • DISQUS_COMMENTS
(0 votes)
काठमाडौं - काठमाडौं उपत्यकामा विस्तारित कतिपय सडकका पेटी तोकिएको मापदण्डभन्दा कम चौडाइका पाइएको छ। प्रधानमन्त्री तथा मन्त्रिपरिषद कार्यालयका सचिव कृष्णहरि बाँस्कोटा नेतृत्वको सरकारी टोलीले सोमबार निरीक्षण गर्दा सडक पेटी निर्माणमा स्थानीयबाट अझै अवरोध भइरहेको पनि भेट्यो।
nepalipatro-nagarik
२०३३ सालको मापदण्डअनुसार अहिले विस्तारित राजधानीका ११ मिटर चौडा सडकमा डेढदेखि दुई मिटर तथा आठ मिटर चौडामा एक मिटर सडकपेटी निर्माण गर्ने नीति बनाइएको छ। 
'सामान्यतया सडक पेटी दुई मिटरको बन्नुपर्ने हो, तर विस्तारित सडकको छेउमा बनाइएका पेटी ठाउँठाउँमा कम देखिन्छ' सचिव बाँस्कोटाले भने, 'फुटपाथ कायम गर्ने सम्बन्धमा काठमाडौं र ललितपुर दुवै जिल्लामा उस्तै समस्या देखिएको छ।' 
सडक विस्तार क्रममा छेउका संरचना भत्काउँदा निस्केको फोहर, टेलिफोन र केबुल चुँडिएका तार असरल्ल भेटिएको टोलीमा सहभागी अधिकारीले बताए। 
कतिपय विस्तारित सडक कालोपत्रे गरेको ठाउँमा समेत खाल्टाखुल्टी परिसकेको छ। एक वर्षभित्र खाल्टाखुल्टी परे वा बिग्रिए सम्बन्धित निर्माण व्यवसायीले बनाउनुपर्ने व्यवस्था सम्झौतामा छ।
विस्तारित सडकमा भइरहेको प्रगतिबारे मन्त्रिपरिषद अध्यक्ष, मुख्यसचिव तथा अख्तियार दुरूपयोग अनुसन्धान आयोगका प्रमुख आयुक्तले निकै चासो राखेर निर्माण कार्यलाई तीव्रता दिन निर्देशन दिएको अनुगमनका क्रममा सचिव बाँस्कोटाले बताए। 
सरकारले राजधानीका सडक विस्तार गर्दा आउने बाधा र अप्ठेरो सुल्झाउन तथा निर्माणमा भइरहेको प्रगति अनुगमन गर्न सरकारी सचिवहरू सम्मिलित समिति गठन गरेको छ। समितिले प्रत्येक महिना कम्तीमा एकपटक सडक विस्तारमा भइरहेको आकस्मिक निरीक्षण गर्दै आएको छ। सडक विभागले हात हालेका सडक आगामी असार मसान्तसम्ममा ९० प्रतिशत पूरा गर्ने लक्ष्यसाथ काम भइरहेको बाँस्कोटाले बताए। 
उनका अनुसार हालसम्म १६ किलोमिटर सडकको कालोपत्रे सकिएको छ। ३६ किलोमिटर ग्राभेल भएको छ। विभागले हात हालेको मध्ये ८१ किलोमिटरमा आगामी असारभित्र निकै काम सकिने उनले बताए। 
त्यसैगरी, महानगरपालिकाले पनि केही सडक विस्तारमा काम गरिरहेको छ। काठमाडौं उपत्यका विकास प्राधिकरणले २०३ किमी सडक दायाँवायाँ चिह्न लगाएर विस्तार कार्य अघि बढाइरहेको छ। काठमाडौंमा सडक विस्तार गर्दा सम्भव भएसम्म साइकल लेन र अपांगमैत्री सडक बनाउने लक्ष्य सरकारको छ।
बाटो निर्माण गरिएको ठाउँमा टेलिफोन र विद्युत् तारमा पनि आधुनिकीकरण गर्ने सोच छ। त्यसका लागि निश्चित र उपयुक्त स्थानमा मात्र टेलिफोन क्याबिनेट र बिजुलीका ट्रान्सफर्मर राख्ने व्यवस्था मिलाइएको छ। राणाकालीन समयमा बिच्छ्याइएका र अत्यन्तै पुराना खानेपानीका पाइप हटाएर सडकको दुवै किनारमा आधुनिक पाइप राख्ने काम भइरहेको सचिव बाँस्कोटाले बताए। 
पहिलो चरणमा राजधानीको २०० किमी सडक विस्तार भइरहेको छ। दोस्रो चरणमा ४०० किमी सडक विस्तार गरिनेछ। सडक विस्तारमा ढिलाइ गर्नेको ठेक्का रद्द गर्ने तथा छिटो र गुणस्तरीय काम गर्नेलाई पुरस्कार दिने नीति अवलम्बन गरिएको छ। 
सोमबार सडक विस्तारसँग सम्बन्धित मन्त्रालयका सचिव, महानगरीय ट्राफिक प्रहरी कार्यालय, काठमाडौं उपत्यका विकास प्राधिकरण, नेपाल टेलिकम, विद्युत् प्राधिकरणका प्रमुखसहितको टोलीले निरीक्षण गरेको थियो।

प्रतिक्रिया

मधेस आन्दोलनताका अपहरण र असुलीमा संलग्न पक्राउ

बारा–प्रहरीले व्यापारीको अपहरण,रिलायन्स चिनी मिलको चिनी लोड गरेको ट्रकमा गरेको आगजनी र मोटरसाईकल चोरी अभियोगमा बुधबार उमेश यादवलाई पक्राउ गरेको छ।

वर्ष बित्यो तर मिटर आएन, अँध्यारोमै बस्न बाध्य

कपिलवस्तु– आवेदनसहित शुल्क बुझाएको एक वर्ष बित्दा पनि जिल्लाका सर्वसाधारणहरुको घरमा अझै मिटर जडान भएको छैन।

झापामा तीन सातादेखि खोप सेवा ठप्प

झापा– बालबालिका तथा गर्भवतीलाई अनिवार्य गरिएको खोप सेवा झापामा तीन सातादेखि ठप्प भएको छ।

सात वर्षीय बालकको घाँटी रेटी हत्या

कोहलपुर– चारदिन अघिदेखि बेपत्ता रहेका सात वर्षीय बालकको कोहलपुरमा हत्या गरिएको अवस्थामा शव फेला परेको छ।

जंगली हात्तीको आक्रमणबाट महिलाको मृत्यु

चितवन– चितवनमा जंगली हात्तीको आक्रमणमा परेर एकजना महिलाको ज्यान गएको छ।

पाटे बाघको छाला र हड्डीसहित ८ पक्राउ

धनगढी– प्रहरीले पाटे बाघका २ छाला र हड्डीसहित ८ जनालाई पक्राउ गरेको छ। पक्राउ परेकाहरुले पेशा नै बनाएर बाघ मार्ने काम गरेको प्रहरीको भनाइ छ।

पानी खानजाँदा मृत्यु

महोत्तरी-महोत्तरीको गौशाला नगरपालिका– १० निगौलमा एक युवकको मृत्यु भएको छ। गौशाला नगरपालिका– १० का ३६ वर्षीय रामसृष्ठ महतोको मृत्यु भएको छ।

काेइरालाकाे चीर शान्तिकाे कामना गर्दै शान्ति पाठ

काठमाडौँ-नेपाली काँग्रेसका सभापति एवम् पूर्व प्रधानमन्त्री स्वर्गीय सुशील कोइरालाको आत्माको चिरशान्तिको कामना गर्दै सेतो गुम्बाका बौद्ध गुरुले बौद्ध परम्पराअनुसार शान्ति पाठ गरेका छन् ।