Friday 15 Shrawn, 2072 |
Menu

समाज

ist-cc

खोज पत्रकारिता पुरस्कारको घोषणा

(0 votes)
काठमाडौं – भ्रष्टाचार लगायतका विषयमा खोजमूलक पत्रकारिता गर्ने पत्रकारलाई सम्मान गर्न १० हजार अमेरिकी डलर बराबरको कोष स्थापना गरिएको छ। बारबरा पिस फाउन्डेसनकी संस्थापक अध्यक्ष बारबरा एडम्सले उक्त रकम बराबरको पुरस्कार कोश स्थापना गरेकी हुन्।

बिहीबार बारबरा पिस फाउन्डेसन र त्रिवि पत्रकारिता तथा आमसञ्चार केन्द्रीय विभागले 'बारबरा एडम्स खोजी पत्रकारिता सम्मान' घोषणा गरे। 'नेपाल संसारमा सबैभन्दा सुन्दर देश हो। यहाँ नभएको कुरा भनेको नैतिकता नै हो,' पुरस्कारण घोषणा गर्दै एडम्सले भनिन्, 'खोजी पत्रकारिताबाट भ्रष्टाचार बाहिर ल्याउन यो पहल गरेकी हुँ।' उनले युवाहरुलाई भ्रष्टाचारविरुद्धको अभियानमा लाग्न आग्रह गरिन्।


यो पुरस्कार पत्रकारिता तथा आमसञ्चार विभाग मातहतमा रहने छ। 'बारबरा एडम्सको व्यक्तित्व र पत्रकारितासँग उहाँका लामो आवद्धता रहेका कारण नै हामीले विभाग अन्तर्गत यसलाई स्वीकारेका हौं,' विभागीय प्रमुख प्राध्यापक पी खरेलले भने, 'जोसुकैले स्थापना गर्न खोज्ने पुरस्कार हामी स्वीकार्दैनौं।' खरेलले हरेक वर्ष ५१ हजार रुपियाँको पुरस्कार दिने तय भएको जानकारी दिए। लोकतन्त्र दिवश वैशाख ११ गते यो पुरस्कार दिने तय गरिएको छ।


५० वर्षअघि देखि नेपालमा रहँदै आएकी अमेरिकी एडम्सले केही वर्षअघि मात्रै नेपाली नागरिकता पाएकी थिइन्। उनी सुदूर पश्चिमका जिल्लाहरुमा महिला अधिकारका लागि अहिले पनि सक्रिय छिन्। पहिलो पटक रिपोर्टिङ गर्न नेपाल आएकी उनी त्यसपछि नेपाललाई नै घरकारुपमा मान्दै आएकी छिन्। पछिल्लो समय अखबारमा स्तम्भ लेखनमा सक्रिय उनी ९० वर्ष नाघेकी छिन्।

प्रतिक्रिया

फेरि सत्याग्रह गर्ने डा. केसीको घोषणा

काठमाडौं- चिकित्सा क्षेत्रको विकृतिविरुद्ध लड्दै आएका वरिष्ठ हाडजोर्नी विशेषज्ञ डा.गोविन्द केसीले सरकार पुराना सम्झौता कार्यान्वयन गर्न इमान्दार नभएकाले आफू अर्को सत्याग्रहको नजिक पुगेको बताएका छन्।

साझा बसमा महानगरको १० करोड

काठमाडौं- रात्रि बस सञ्चालन असफल भएपछि काठमाडौं महानगरपालिकाले दुई वर्षदेखि सेवा विस्तार गर्न नसकेको साझा बसमा १० करोड रुपैयाँ लगानी गर्ने भएको छ। महानगरवासीलाई रातिसम्मको सेवा दिन निजी व्यवसायीले सहकार्य...

योगी पुनर्स्थापन गर्न अल्टिमेटम

काठमाडौं- अख्तियार दुरुपयोग अनुसन्धान आयोगका प्रमुख आयुक्त लोकमानसिंह कार्कीको गाडीले सडक जाम गराएको तस्बिर लिँदा जागिर खोसिएका सञ्चारकर्मी सन्दिप योगीलाई पुनर्स्थापन गर्न इमेज च्यानलका सञ्चारकर्मीले माग गरेका छन्।

चेपाङ बस्तीमा भागाभाग

चेपाङ बस्तीमा भागाभाग

शक्तिखोर (चितवन)- चितवनमा पहिरोले चेपाङ गाउँमा बुधबार राति भागाभाग भएको छ। पहिरो खस्न थालेपछि पहाडी इलाकाबाट भागेर स्थानीय शक्तिखोर आएका छन्। बिहीबार दिउँसो शक्तिखोरमा अलपत्र अवस्थामा भेटिएका उनीहरुले भागेर ज्यान...

चार घन्टामा २८९ मिलिमिटर वर्षा

चार घन्टामा २८९ मिलिमिटर वर्षा

पोखरा- अत्यधिक वर्षाकै कारण बुधबार राति कास्कीलगायत जिल्लामा पहिरो गएको मौसमविदको भनाइ छ। पश्चिमाञ्चल क्षेत्रीय हावापानी कार्यालयका अनुुसार पोखराबाट करिब ३० किलोमिटर टाढाको लुम्लेमा २४ घन्टा अवधिमा २ सय ८९...

भीषण वर्षासँगै पहिरो : ३५ को मृत्यु, डेढ दर्जन बेपत्ता

भीषण वर्षासँगै पहिरो : ३५ को मृत्यु, डेढ दर्जन बेपत्ता

पोखरा/म्याग्दी- बुधबार राति भीषण वर्षासँगै कास्की, म्याग्दी, बाग्लुङ र चितवनका विभिन्न ठाउँमा गएका छुट्टाछुट्टै पहिरोमा ३५ जनाको ज्यान गएको छ। पहिरोमा डेढ दर्जनभन्दा बढी बेपत्ता छन्, यत्तिकै संख्यामा घाइतेको विभिन्न...

बालिकालाई करणी प्रयास गर्ने पक्राउ

कोहलपुर–घरमै बसिरहेकी ११ वर्षीय बालिकालाई जवरजस्तीकरणीको प्रयास गर्ने युवकलाई कोहलपुर प्रहरीले पक्राउ गरेको छ ।

राससमा पहिलाे पटक महिला महाप्रबन्धक

काठमाडाैं– सरकारले राष्ट्रिय समाचार समिति (रासस) का महाप्रबन्धकमा नायब महाप्रबन्धकका रुपमा काम गर्दै अाउनु भएकी निर्मला आचार्यलाई नियुक्त गरेको छ।