Friday 18 Ashad, 2072 |
Menu

समाज

ist-cc

महिनामा साझाको साढे ६ लाख नाफा

(1 Vote)
काठमाडौं – १२ वर्षपछि पुनः सञ्चालित साझा बसले वैशाख महिनामा साढे ६ लाख नाफा कमाएको छ। यस अवधिमा ३८ लाख २६ हजार १ सय ५६ रुपैयाँको टिकट बिक्री भएकोमा कर्मचारीको तलबभत्ता र तेल खर्च कटाएर ६ लाख ५६ हजार ७ सय ८ रुपैयाँ नाफा कमाएको साझाले जनाएको छ।
२०७० वैशाख १ देखि नियमित सेवा दिन थालेको साझाले एक महिनामा २ लाख ६८ हजार ५ सय ८२ जनालाई सेवा प्रदान गरेको छ। राजधानीबासीले साझा बसलाई माया गरेको साझा यातायातका प्रबन्धक महेन्द्रराज पाण्डेले बताए। साझाले सुरुदेखि नै यात्रुको मन जितेको र आउँदा दिनमा पनि स्तरीय सेवा प्रदान गरिने उनको भनाइ छ। साझाको रुट विस्तार गर्न यात्रुबाट माग आए पनि हाल त्यस्तो योजना नरहेको पाण्डेले जनाए। 
साझाले उपत्यकाका दुई रुटमा १६ बस सञ्चालन गर्दै आएको छ। कमजोर व्यवस्थापनका कारण साझा बसले २०५८ सालमा सेवा बन्द गरेको थियो। कलंकी, कालिमाटी, त्रिपुरेश्वर, नयाँ बानेश्वर, सिनामंगल हुँदै एयरपोर्ट एउटा रुट र लगनखेल, जावलाखेल, त्रिपुरेश्वर, जमल, लैनचौर, टिचिङ अस्पताल, महाराजगन्ज हुँदै नयाँ बसपार्क (गोंगबु) अर्को रुट तय गरिएको छ। साझा बसले यात्रुका लागि १५, १७ र २० रुपैयाँ भाडादर तोकेको छ। विद्यार्थी, अपांग र वृद्धवृद्धालाई १० रुपैयाँ भाडामा यात्रा गराउँदै आएको छ।

बस्तीमा ठूलो ढुंगा खस्न लागेपछि ८ घर जोखिममा

खोटाङ– भूकम्पका कारण बस्तीमा ढुंगा खस्न लागेपछि खोटाङको डम्बर्खुसिवालयमा ८ घर जोखिममा परेका छन्। वैशाख–१२ गते गएको भूकम्प र पटक–पटक गएको पराकम्पनले बस्तीभन्दा माथिको ठूलो ढुंगा हल्लिएर खस्न लागेपछि डम्बर्खुशिवालय–४...

बलात्कार आरोपमा ट्याक्टर चालक पक्राउ

खोटाङ– बालिका बलात्कार गरेको आरोपमा खोटाङमा ट्याक्टर चालक पक्राउ परेका छन्। ओख्रेडाँडागाउँकी १४ वर्षीय बालिकालाई बलात्कार गरेको आरोपमा इटहरी नगरपालिका–२ का २९ वर्षीय बाबुराम भन्ने हर्कबहादुर मगर पक्राउ परेका हुन्।

विमानस्थल कर्मचारीमाथि हातपात गर्ने सभासद पुत्र २२ घन्टा हिरासतमा

काठमाडौं— त्रिभुवन विमानस्थलको अध्यागमन डेस्कमा कागजपत्र जाँच्न बसेका कर्मचारीलाई हातपात र गालीगलौज गर्दा भारतीय नागरिक जुबेर खानले २२ घन्टा अध्यागमन हिरासतमा बस्नुपरेको छ। नेपाली कांग्रेसकी सभासद कौशर साहका छोरा जुबेरलाई...

काठमाडौं खतराको सूचीमा परेन

काठमाडौं— युनेस्कोले काठमाडौंलाई विश्व सम्पदा क्षेत्रको खतरा सूचीमा नराख्ने भएको छ। युनेस्को विश्व सम्पदा समितिको जर्मनीको बोन सहरमा आइतबार सुरु ३९ औं बैठकले काठमाडौंलाई खतरा सूचीमा नराख्ने निर्णय गरेको हो।

भवन बनाउँदै राधाकृष्ण सत्संगी

काठमाडौं— राजधानीको नक्सालस्थित नन्दी रात्रि माध्यमिक विद्यालयमा खटिएका दर्जनौं कामदार सबै डकर्मी होइनन् तर दिनहुँ उनीहरु डकर्मीभन्दा कम्ती काम गर्दैनन्। उनीहरुमा सीप पनि डकर्मीको भन्दा कम छैन।

इक्यान शैक्षिक मेला शुरु

काठमाडौं– भृकुटीमण्डपमा बिहीबारदेखि नवौं इक्यान शैक्षिक मेला शुरु भएको छ। मेलाको एक समारोहका बीच शिक्षामन्त्री चित्रलेखा यादवले उद्घाटन गरिन्।

यातायातका कर्मचारी 'घुस'सहित पक्राउ

बुटवल-अख्तियार दुरुपयोग अनुसन्धान आयोगको टोलीले यातायात व्यवस्था कार्यालय बुटवलका एक कर्मचारीलाई आज घुस लिँदालिँदै पक्राउ गरेको छ।

डब्लुएफपीले फिर्ता पठाएको दाल गोदाममा राख्ने पक्राउ

चितवन–विश्व खाद्य कार्यक्रम (डब्लुएफपी)ले खान अयोग्य ठानेर बीरगञ्ज फिर्ता पठाएको दाल चितवनमा भण्डारण गरेर राख्नेलाई प्रहरीले समाएको छ।