Sunday 2 Falgun, 2072 |
Menu

समाज

republica-headerdiscount-subscribe1

istl

दोषीलाई जोगाउन डाक्टरहरुको आन्दोलन

  • बिहीबार २ जेष्ठ, २०७०
  • रोहित राई
  • DISQUS_COMMENTS
(0 votes)
धरान - लापरवाहीपुर्ण तरिकाले पत्थरीको अप्रेशन गरेपछि विरामीको मृत्यु भएको घटनाका दोषी चिकित्सकलाई जोगाउन आकस्मिक बाहेक सबै उपचार सेवा ठप्प बनाएर बीपी कोइराला स्वास्थ्य विज्ञान प्रतिष्ठानका फ्याकल्टि चिकित्सकहरु आन्दोलनमा उत्रिएपछि बुधबार पीडितका आफन्त र स्थानीयले उपकुलपति कार्यालयमा घेराउ गरेका छन्।
nepalipatro-nagarik
छानबिन समिति गठन भइसकेको र सर्जरी विभागमा लगाएको तालासमेत खोलिसकेको अवस्थामा चिकित्सकले छानबीन नै प्रभावित पार्ने गरि दोषीलाई जोगाउने षडयन्त्र गरेको भन्दै पीडितका आफन्त र स्थानीयले घेराउ गरेका हुन्। विरामीको मृत्युसमेत भइसकेको अवस्थामा चिकित्सकहरुले आन्दोलन गरेर पीडित परिवार र जनतालाई थप पीडा दिने काम गरेको पीडित पक्षले जनाएको छ। 
'मंगलबार बेलुका नै छानबीन समिति बनेपछि ताला पनि खोल्यौं, त्यसको केही समय पछि विरामी पनि बित्नुभयो’, समिति सदस्य जनकऋर्षि राईले भने, 'मानवीय क्षति भएको छ र, पनि हामीले संयमता अपनायौं, तर आज चिकित्सकले घटनाबारे छानबीन नै नहोस् भन्दै षडयन्त्रमा लागेपछि दबाबस्वरुप मौन आन्दोलन गर्न बाध्य भयौं।’ 
दिउसो तीन बजेदेखि करिब साढे ६ बजेसम्म उपकुलपति कार्यालयमा उनीहरु धर्ना बसेका थिए। धर्ना क्रममा आफन्त र प्रतिष्ठान पदाधिकारीबीच भएको वार्तामा बिहीबारदेखि समितिले काम शुरु गर्ने सहमति भएको थियो। समितिको संयोजकमा काठमाडौंबाट युरोलोजिष्ट गुणकुमार श्रेष्ठ आउने प्रतिष्ठानले जनाएको थियो। साता दिनअघि पत्थरीको अप्रेशन गरिएकी धरान–११ सृर्जना मार्गकी मनमाया तामाङको मंगलबार राती सघन उपचार कक्षमा मृत्यु भएको प्रतिष्ठानले घोषणा गरेको थियो। पीडित परिवारजनले समितिले निष्पक्ष काम शुरु नगरेसम्म शव जिम्मा नलिने जनाएको छ।
सर्जरी विभाग प्रमुख डा.सिएस अग्रवालले अप्रेशन गर्दा लापरवाही गरेको भन्दै आफन्तले विभागमा ताला लगाएपछि प्रतिष्ठानले मंगलबार पाँच सदस्यीय छानबीन समिति गठन गरेको थियो। समिति गठन भएपछि विरामीका आफन्तले तत्कालै विभागको ताला खोलेका थिए। 
बुधबार अचानक चिकित्सकहरु आन्दोलनमा उत्रिएपछि ओपिडी सेवा ठप्प भएको थियो। चिकित्सकहरुले एक विज्ञप्ती जारी गर्दै सर्जरी विभागका प्रमुखको कार्यकक्षमा ताला लगाउन संलग्नहरुलाई कारबाहीको माग गरेको थियो।

प्रतिक्रिया

सार्क विदेश मन्त्रीस्तरीय बैठक पोखरामा पक्का

पोखरा–दक्षिण एसियाली क्षेत्रीय सहयोग संगठन (सार्क) को विदेशमन्त्री स्तरीय बैठक पोखरामा हुने भएको छ। पोखराबाट काठमाडौं फर्कने क्रममा शुक्रबार पत्रकारहरुमाझ उपप्रधान तथा परराष्ट्र मन्त्री कमल थापाले यो जानकारी दिएका हुन्।

भरुवा बन्दुक सहित राई पक्राउ

धनकुटा–धनकुटाको पाख्रिवासवाट प्रहरीले भरुवा बन्दुक सहित एक जनालाई पक्राउ गरेको छ।

पेट्रोलियम पदार्थ तस्करी कायमै

इटहरी–नेपाल आयल निगम पूर्वाञ्चल क्षेत्रीय कार्यालय विराटनगरले उपभोक्तालाई पुग्दो तेल दिइरहेको छ। सबै नाका सहज भएसँगै भारतीय आयल कर्पोरेशनले नेपाल आयल निगम क्षेत्रीय कार्यालयलाई तोकिएकै कोटा अनुसार तेल दिए अनुसार...

नागरिककर्मी गौतम सम्मानित

नागरिककर्मी गौतम सम्मानित

काठमाडौं–नागरिक दैनिककर्मी सुवोध गौतम सम्मानित भएका छन्। वातावरणको क्षेत्रमा निरन्तर कलम चलाएको भन्दै स्टेप फर माईल्सले गौतमलाई सम्मान गरेको हो।

पुजारी र भक्तजनले हेर्न नहुने 'कालभैरव'

रामपुर(पाल्पा)-भैरवस्थानस्थित कालभैरव मूर्ति विकराल भएकाले पुजारी र दर्शनार्थी कसैलाई पनि प्राचीनकालदेखि नै हेर्न दिइँदैन।

कागज कारखानामा भीषण आगलागी

ललितपुर-ललितपुरको बागमति करिडोरमा रहेको एस आर सप्लायर्समा आललागी भएको छ।

बन्दुक बोक्ने सेना बिरामीको उपचारमा

बन्दुक बोक्ने सेना बिरामीको उपचारमा

सिरहा- समान्यतः सेना ब्यारेकमा बस्ने, जनतासँगको सम्पर्क कमै गर्ने रिजर्व किसिमको फौज हो। तर सिरहामा अचेल नेपाली सेनाले नयाँ अभ्यास सुरु गरेको छ 'सेना नागरिक सम्बन्ध सुधार'। सिरहाको चोहर्वास्थित नयाँ...

वीरगन्ज नाका तस्करी नियन्त्रणबाहिर

वीरगन्ज नाका तस्करी नियन्त्रणबाहिर

वीरगन्ज- मधेसी मोर्चाको आन्दोलन र भारतीय नाकाबन्दीसँगै वीरगन्ज नाकामा चुलिएको तस्करी नाका सहज भइसक्दा पनि निरन्तर छ। वीरगन्ज भन्सार कार्यालय भएर निस्केका मालवाहक गाडीमै दिनहुँ प्रज्ञापनपत्रभन्दा बढी परिमाण र मूल्यका...