Wednesday 14 Shrawn, 2071 |
Menu

समाज

बुढ्यौलीमा नागरिकता

  • बिहीबार २ जेष्ठ, २०७०
  • समुन्द्र पौडेल
  • DISQUS_COMMENTS
(0 votes)
तनहुँ - ७५ वर्षको उमेरमा हातमा नागरिकताको प्रमाणपत्र पाउँदा मंगलबार तनहुँ देउराली–९ फुर्लुङका मित्रबहादुर भुजेल मख्ख थिए। श्रीमती सेती भुजेलसंगै ३ दिन हिँडेर छिपछिपे गाविसको भृकुटी माध्यमिक विद्यालय पुगेका उनले एकिकृत घुम्ती सेवाबाट नागरिकता लिएका हुन्।
'गाईगोठाला जादाँ के का लागि चाहियो?’ उनले भने, 'गाउँमै नागरिकता बनाउन टोली आएको छ भनेपछि आयौं।’ शनिवार घरबाट हिडेका उनीहरु सोमबार माविमा पुगेका थिए। 'हिजो यताउता गर्दैमा काम सकिएन’, मित्रबहादुरले भने, 'मेरो नागरिकता बन्यो, अब बुढीको बनाउनु पर्छ।’ 
बाल्यकालमै बाबुआमा गुमाएका मित्रबहादुरले गाउँका ८ जनाले सनाखत गरेपछि नागरिकता पाएका हुन्। उनकै सनाखतको आधारमा ७२ वर्षीया सेती भुजेलले समेत नागरिकता प्रमाणपत्र लिइन्। 
जेष्ठ नागरिक भत्ताबारे अनविज्ञ रहेको भुजेल दम्पतीलाई सरकारी कर्मचारीले जेष्ठ नागरिक भत्ताबारे जानकारी गराउँदा उनीहरु झन खुसी भए। 'भत्ता पैसा पाइन्छ भन्ने केही थाहा थिएन’, उनले भने, 'अब नागरिकता बनेपछि पैसा पनि पाइन्छ भनेका छन्।’ मित्र बहादुर र सेती भुजेल दुबैले मंगलबारै फोटो सहित मतदाता नामावलीमा नाम दर्ता गराए। 
१९९० सालमा जन्मिएकी देउराली–९ कै धनकुमारी भुजेलले पनि बुधबारै नागरिकता प्रमाणपत्र लिइन्। 'गाउँमै नागरिकता पाइन्छ भनेर गाउँलेले भनेपछि बनाउन आए’, ८० वर्षीया धनकुमारीले भनिन, 'बुढेसकालमा टाढा जान सक्थिन, गाउँमै नागरिकता पाए।’ सोमबार र मंगलबार छिपछिपेमा संचालन भएको घुम्ती सेवामा ६५ वर्ष माथिका ८ जनालाई नागरिकता प्रमाणपत्र वितरण गरिएको टोली प्रमुख सुर्यदर्शन पण्डितले बताए। शिविरमा ३ सय ८६ जनाले नागरिकता प्रमाणपत्र लिएका थिए। 
जिल्ला प्रशासन कार्यालयले गाउँ गाउँमा एकिकृत घुम्ती सेवा संचालन गर्दा जेष्ठ नागरिक र महिलालाई बढी लाभ मिलेको तनहुँका प्रमुख जिल्ला अधिकारी शंकरप्रसाद खरेलले बताए। कार्यालयले जिल्लाको गोठादी, साँखे र छिपछिपेमा एकिकृत घुम्ती सेवा गरिसकेको छ भने जेठ ६ र ७ गते पुर्काटको बाइसजाँगरमा सञ्चालन गर्नेछ।

गोरु काट्नेहरु पक्राउ

मनाङ— गोरु काटिरहेका ताचेबगरछाप–५ तिलार बस्ने ३५ बर्षीय कुल प्रसाद थकाली, नुवाकोट जिल्ला बामे दवङ–४ घर भएका ४५ बर्षीय मंगले तामाङ, स्याङजा जिल्ला चिलाउनेबास–९ घर भएका २६ बर्षीय शम्भु परियार...

चार्टड विमानद्वारा श्यामर रिन्पोछेको शव काठमाडौं ल्याइयो

काठमाडौं—सरकारको अनुमतिपछि १४ औं श्यामर रिन्पोछेको शव भुटानबाट मंगलबार काठमाडौं ल्याइएको छ। ड्रुक एयरको चार्टर फ्लाइटबाट उनको शव अन्तिम संस्कारका लागि काठमाडौं ल्याइएको हो।

जंगली हात्तीको आक्रमणमा महिलाको मृत्यु

रौतहट- जंगली हात्तीको आक्रमणबाट रौतहटमा मंगलवार एक महिलाको मृत्यु भएको छ। कनकपुर गाउँ विकास समिति ५ सिमरी टोलका पार्वती माझीको जंगली हात्तीको आक्रमणबाट मृत्यु भएको हो।

न्यायाधीशविरुद्ध भ्रष्ट्राचारको उजुरी

खोटाङ-आर्थिक लेनदेनमा गम्भीर प्रकृतिको मुद्दा मिलाएको भन्दै जिल्ला न्यायाधीश ईश्वरीप्रसाद गौतमविरुद्ध न्यायपरिषद्मा उजुरी परेको छ।

च्याउबाट थप एक मृत्यु, मृत्यु हुने ३ पुगे

दैलेख– दैलेखको डाँडापराजुल–१ आरुखर्कमा जंगली च्याउ खाएर विरामी भएका एकै परिवारका ५ जनामध्ये ३ जनाको मृत्यु भएको छ। मृत्यु हुनेहरुमा ५ वर्षिया बालिका झरना गाहा, ७ वर्षिय विशाल गाहा र...

बुहारी जिस्काएको विषयमा झडप, एकको मृत्यु

कपिलवस्तु— बुहारीलाई जिस्क्याएको बिषयमा दुई परिवारबीच भएको झडप हुँदा मंगलवार बिहान शिवरजा नगरपालिका– ५ सन्डीमा एक ब्यक्तिको मृत्यु भएको छ। सोमवार राति १० बजेतिर गोठबाट घरतर्फ आइरहेका बेला बुहारीलाई छिमेकमा...

काठमाडौंबाट राहदानी लिने धेरै

गुल्मी - जिल्ला प्रशासन कार्यालयमा मेसिन रिडेबल पासपोर्ट (राहदानी) को फारम भरेका युवाहरुले दु्रत सेवा प्रयोग गरिरहेको जिल्ला प्रशासन कार्यालयको तथ्याङले देखाएको छ।

सोह्र गाविस सचिव अख्तियारको फन्दामा

गौशाला- गाविसको बजेट अनियमितता गरेको आरोपमा यस जिल्लाका विभिन्न १६ वटा गाविसका सचिव अख्तियार दुरुपयोग अनुसन्धान आयोगको फन्दामा परेका छन्।