Wednesday 13 Jestha, 2072 |
Menu

समाज

रातो मच्छिन्द्रनाथको रथ तान्दै

  • सोमबार ३० बैशाख, २०७०
  • उपेन्द्र लामिछाने
  • DISQUS_COMMENTS
(0 votes)
रातो मच्छिन्द्रनाथको रथ तान्दै
ललितपुर -पानीका मुहान मासिँदा पाटनका अधिकांश ढंुगेधारा सुकेका छन्। खेतीयोग्य जमिन नासिँदा धानका भकारी रित्तिएका छन्। तैपनि, सहकालका देवताप्रति सहरबासीको आस्था घटेको छैन। यहाँका सर्वसाधारण वर्षा र सहकालका देवता मानिने रातो मच्छिन्द्रनाथको जात्रामा उत्साहसाथ जुटेका छन्।

'धारामा पानी नआउनू र  धान नफल्नू, भगवानको होइन, हामी आफैंको दोष हो,' ललितपुर पुल्चोकका ७० वर्षीय काजीलाल महर्जनले भने,'धान खेतमा घर बन्यो। अव्यवस्थित रूपमा घर बनेपछि पानीका मुहान बन्द भए।'  सहकालका देवता मच्छिन्द्रनाथले  खेतमा धान नफलाए पनि घरमा पैसा (घरभाडा ) फलाउन भने नछाडेको उनले सुनाए।

भगवानले पानी पार्दा पनि  जमिनमुनि छिर्न नपाएका कारण ढुंगे धारा सुकेको हुनसक्ने उनको बुझाइ छ। 'सबैतिर ढलाने छत र अँागन छ,' उनले भने, 'जमिनभित्र पानी नछिरेकाले इनार सुके।'

उनको जस्तै धारणा राख्छन्,  ७२ वर्षीय बाबुकाजी महर्जन। विगतमा १२ रोपनीमा खेतीपाती गर्दै आएका महर्जनले अहिले ती सबैमा घर बनेको सुनाउँछन्। 'कोदालो बोकेर खेतमा बाउसे गरेको अब  कथाजस्तो भयो,' पुल्चोकको दक्षितर्फका अग्ला भवन देखाउँदै उनले भने, 'घर बनेका ठाउँमा हामी बाउसे गरेर भोज खान्थ्यौ।' घुम ओढेर खेतमा पुगेको अनि घुम ओढेरै फर्केको अस्तिजस्तो लागेकेा उनले सुनाए। 'पानी र अन्न  पर्याप्त थियो,' उनले सुनाए, 'त्यही  खुसीमा मच्छिन्द्रनाथकोे जात्रा झनै जीवन्त हुन्थ्यो।'

६३ वर्षीय जगनाथ महर्जनले समयसँगै किसानको जीवनशैली  फेरिएको सुनाए। 'अब किसानले भकारीको धान कुटाएर होइन, बोराको चामल किनेर खान्छन,' उनले थपे, 'इनार सुकेपछि जारको पानी पिउन बाध्य छन्।' यति हुँदाहुँदै पनि जात्राप्रतिको मोह भने नघटेको उनले सुनाए। 'यो श्रद्धाको जात्रा हो,' उनले भने, 'यसप्रति मानिसको विश्वास घटेको छैन।'

उपत्यकाको सबैभन्दा ठूलो जात्रा मानिने रातो मच्छिनरद्रनाथको रथजात्रा सोमबार देखि सुरु हुँदैछ । रथ तान्ने परम्पराअनुसार सोमबार  अपराह्न ललितपुरको पुल्चोकमा राखिएको रथ नटोल हुँदै गावहालमा पुर्‍याइनेछ।  स्थानीय गुठियार तथा दाफा भजनका परम्परागत धिमेबाजा, गुरुजु पल्टन र भक्तजनको लावालस्करका साथ रथ तानिन्छ। रथयात्रा सुरु गर्न गत शुक्रबार  मच्छिन्द्रनाथलाई रथारोहण गराइएको थियो। करिब १ हजार ६ सय वर्ष पुरानो मच्छिन्द्रनाथको रथजात्रा वैशाख शुक्ल प्रतिपदादेखि सुरु भएर असार शुक्ल चौथीसम्म करिब दुई महिनासम्म मनाइन्छ।

चितवनमा गोली चल्यो, एकजना घाइते

चितवन-चितवनको भरतपुरस्थित यज्ञपुरीमा गएराती गोली चल्दा एक घाइते भएका छन्। चोरीको उद्देश्य राखेर गोली चलेको प्रहरी श्रोतले जनाएको छ।

हावाहुरीले सयौं घरको छाना उडायो

गोलबजार (सिरहा)-गए राति आएको तीव्र गतिको हावाहुरीले सिरहाका सयौं घरकोे छाना उडाएको छ।

रिङरोडमा सर्‍यो चौतारा बजार

रिङरोडमा सर्‍यो चौतारा बजार

सिन्धुपाल्चोक-सिन्धुपाल्चोक उद्योग वाणिज्य संघका प्रथम उपाध्यक्ष श्यामकृष्ण श्रेष्ठ सदरमुकाम चौताराका चलेका व्यापारी हुन्। चौतारा, प्रेसचोकस्थित आफ्नै घरमा उनी किराना सामग्री तथा ग्यास पसल सञ्चालन गर्थे। महाभूकम्प र निरन्तर पराकम्पनले उनको...

कक्षाकोठा बनाउँदै विद्यार्थी

कक्षाकोठा बनाउँदै विद्यार्थी

मुच्चोक (गोरखा)-मुच्चोक– १ स्थित चतुर्माला उच्चमाविको नौ कक्षामा पढ्ने सुरज गुरुङ चार दिनदेखि विद्यालय भवन बनाउन व्यस्त छन्। अझै तीन दिन काम गरेपछि मात्रै अस्थायी टहरा र विद्यालयसम्म जाने बाटो...

‘पहिरोले थिच्ने भो, विज्ञ पठाइदेऊ'

‘पहिरोले थिच्ने भो, विज्ञ पठाइदेऊ'

फिकुरी (नुवाकोट)-दिनभर टन्टलापुर घाम। भूकम्प र निरन्तर अनुकम्पनले खोक्रिएको बस्ती। जताततै धाँजा फाटेका जमिन। त्यसमाथि मुसलधारे वर्षाले पहिरो बग्न थालेपछि नुवाकोटका अधिकांश गाउँ जोखिममा छन्। सुतेकै बेला पुरिने डरले स्थानीय...

माझीले ठड्याए ढलेको विद्यालय

माझीले ठड्याए ढलेको विद्यालय

पोखरे माझीगाउँ (सिन्धुपाल्चोक)-वैशाख १२ को महाभूकम्पले साँगाचोक–९, पोखरे माझीगाउँकी सुनमती माझीको घर भत्कायो। उनको सम्पत्ति भन्नु नै त्यही थियो। राहतमा पाएको त्रिपालमुनि छोरीसहित घुसि्ररहेकी एकल महिलासँग लडेको घर उठाउने सामर्थ्य...

भाडामा राहत दिँदै घरबेटी

काठमाडौं-काठमाडौं बौद्धका दुर्गानाथ दाहालको घरमा ६ परिवार बहालमा बस्छन्। घर बहालबापत दाहालले मासिक ४० हजार रुपैयाँ आम्दानी गर्छन्। तर, विनाशकारी भूकम्पपछि दाहालले आफ्नो घरमा बस्ने सबै परिवारको वैशाख महिनाको घर...

पाल ठगी अभियोगमा लक्ष्मण थारु पक्राउ

पाल ठगी अभियोगमा लक्ष्मण थारु पक्राउ

काठमाडौं- मधेसी जनअधिकार फोरम लोकतान्त्रिका केन्द्रीय सदस्य लक्ष्मण थारु पाल ठगी अभियोगमा पक्राउ परेका छन्। पाल ल्याइदिन्छु भन्दै उनले शेर्पा संघबाट ३० लाख रुपैयाँ बुझेका थिए। तर पाल आपूर्ति नगरी...