15 Kartik, 2071 |
Menu

समाज

ब्राउन सुगरको बिगबिगी

  • मङ्गलबार २२ श्रावण, २०७०
  • निर्मल घिमिरे
  • DISQUS_COMMENTS
(0 votes)
बर्दिया - नेपाल र भारतको सीमा क्षेत्रमा र गुलरिया नगरका पसलबाट लागूऔषध भेटिन थालेपछि स्थानीय अभिभावक आतंकित भएका छन्। नेपाल र भारतको सीमा क्षेत्रका गाविस जमुनि, कालिका, सानोश्री र गुलरिया नगरपालिकामा प्रहरीले खानतलासी गर्दा लागूऔषध ब्राउन सुगर फेला पार्न थालेपछि स्थानीय अभिभावक आतंकित  भएका हुन्।

लागूऔषधबारे स्थानीयले प्रहरी पटकपटक नियन्त्रण गर्न दबाब दिएपछि परिचालित प्रहरीले लागूऔषध ब्राउन सुगर धमाधम समाउन थालेको छ।
गत शुक्रबार गुलरिया–८ स्थित विशाल टेलरबाट बिक्री गर्न राखेको अवस्थामा १५ वटा पोका बनाएर राखेको १५ ग्राम लागूऔषध ब्राउन सुगर प्रहरीले बरामद गरेको छ।
सादा पोसाकमा गएका प्रहरीलाई टेलर मालिक २७ वर्षे अब्दुल मल्लिक दर्जीले प्रहरीलाई बिक्री गर्न थाल्दा प्रहरीले पक्रेको थियो। दर्जीले १ ग्रामको १ पोका ५ हजारसम्ममा बेच्ने गरेका प्रारम्भिक बयानबाट खुलेको प्रहरी भनाइ छ।
यसअघि गत चैतमा भारतमा बस्ने रियाज अन्सारीलाई इलाका प्रहरी कार्यालय मैनापोखरको टोलीले जमुनीबाट ८० ग्राम ५१ मिलिग्रामसहित पक्रेको थियो।
 यसैगरी नेपाल भारतको सीमा क्षेत्र कालिकामा भारतबाट ल्याउँदै गरेको अवस्थामा ३ ग्राम ६० मिलिग्राम भारतीय नागरिक रामकान्त चौधरीसहित २ जना र सानोश्री बस्ने २ जनालाई प्रहरीले पक्रेको थियो।
 सीमा क्षेत्रबाटै पटकपटक गरी २० केजीभन्दा बढी चरेस प्रहरीले बरामद गरेको छ।
दर्जीलाई प्रहरी प्रशासनले हिरासतमा राखी अनुसन्धान गरिरहेको प्रहरीले बताएको छ। जिल्ला प्रहरी कार्यालय नजिकै अवैध रुपमा बिक्रीवितरण हँुदा र सेवनकर्ता बढ्दै गए पनि प्रहरीले बेवास्ता गरिरहेको स्थानीय अभिभावको आरोप छ।
यसअघि ब्राउन सुगर ओसारपसार गर्ने व्यक्ति वा सामान बरामद नभए पनि केही महिनादेखि प्रहरीको सक्रियताले गुलरिया नगर र सीमा क्षेत्रबाट लागूऔषध धमाधम बरामद हुन थालेको हो।
लागूऔषध सेवन गरेकै कारण बजार क्षेत्रमा धेरै युवा मानसिक तनावमा रहने गरेको स्थानीय अभिभावक बताउँछन्। एक अभिभावकले भने, ‘प्रहरीले शंकास्पद ठाउँमा निगरानी गरी त्यस्तो गतिविधिलाई निस्तेज पार्नुपर्छ।’
‘बजारमा किनेपछि सजिलै पाइने हुनाले सेवनकर्ता बढेका हुन्, व्यवसाय गर्ने पनि धेरै छन्,’ उनले भने।
एक महिनाभित्रै पटकपटक नशालु औषधी, चरेश र ब्राउन सुगर प्रहरीले बरामद गर्दा स्थानीय अभिभावक त्रसित भएको उद्योग वाणिज्यका अध्यक्ष अमरबहादुर खड्काले बताए। ‘प्रहरी सक्रियताले छोटो समयमै यति धेरै मात्रामा लागूऔषध बरामद भयो,’ उनले भने, ‘लागूऔषध ओसारपसार गर्ने गराउने गिरोह प्रहरीले पक्राउ गरे अभिभावक भयभीत हुने अवस्था छैन।’
प्रहरीको विशेष कारबाही योजना सुरु भएपछि लागूऔषध बरामद हुन थालेको हो। यसअघि प्रहरीले सुरक्षा रणनीति अनुसार गतिविधि सञ्चालन नगर्दा आपराधिक गिरोह प्रहरीले पक्रन सकेको थिएन।
अभिभावकका अनुसार सन्तोषी टोल, नगरका चियापसल, खैरापुर लगायत ठाउँमा युवा  समूह बनाएर सेवन गर्छन्। भारतको महिपुरुवा, नानपारा लगायत ठाउँबाट ब्राउन सुगर नेपाल भित्र्याउने समूह सक्रिय रहेको प्रहरीले दाबी गरेको छ।
अहिलेसम्म पक्राउ परेका व्यक्तिबाट भारतबाट लागूऔषध नेपाल भित्र्याउने गरेको खुलेको इलाका प्रहरी कार्यालय, मैनापोखरका प्रहरी निरीक्षक सागरविक्रम राणाले बताए। ‘खुला सीमाको फाइदा उठाई आपराधिक क्रियाकलाप गर्न थालेका छन्,’ उनले भने, ‘आपराधिक गतिविधि रोक्न सीमाक्षेत्रमा प्रहरीले विशेष निगरानी गरिरहेको छ।’
प्रहरी जाँच तीव्र
विशेष सुरक्षा कारबाही योजना अन्तर्गत प्रहरीले जिल्लाका विभिन्न ठाउँमा जाँच तीव्र पारेको छ।
प्रहरीले सोमबार सुरु गरेको जाँचले निरन्तरता पाउने प्रहरी प्रमुख सुरेशबिक्रम शाहले बताए।
उनका अनुसार सीमा क्षेत्र र राजमार्गमा प्रहरी परिचालित भएका छन्।
‘सुरक्षा चाँज तीव्र पारेपछि सुरक्षा सुधारका लागि धेरै उपलब्धि मिलेको छ,’ उनले भने, ‘सहज रुपमा आपराधिक गतिविधि सञ्चालन गर्ने गिरोहले सजिलै घटना घटाउन सक्दैनन्।’
उनका अनुसार अञ्चल प्रहरी कार्यालयबाट थप बल मगाएर प्रहरीले जाँच तीव्र पारेको छ।

मकवानपुर बस दुर्घटना: इलाममा शोक

इलाम-पूर्व-पश्चिम राजमार्गअन्तर्गत मकवानपुर जिल्लाको बसामाडी गाविसको बस्तीपुरमा आज बिहान भएको सवारी दुर्घटनामा ज्यान गुमाउने ९ जनाको परिवारमा रुवावासी मच्चिएको छ। दुर्घटनाको खबरले झिसमिसेबाटै ब्युँझिएको इलाम शोकमा डुबेको छ।

रारातालबाट नौबुँदे जलवायु घोषणा

रारातालबाट नौबुँदे जलवायु घोषणा

राराताल (मुगु)-रारातालको किनारमा शुक्रबार सम्पन्न जलवायु परिवर्तनसम्बन्धी दुईदिने राष्ट्रिय सम्मेलनले जलवायु परिवर्तनबाट सिर्जित समस्याबाट हिमाली र पहाडी क्षेत्रका समुदाय आक्रान्त भएको स्विकार्दै विश्वका विकसित र शक्तिशाली मुलुकलाई तत्काल समस्या सम्बोधन...

विज्ञको सुझाव – विपद् हेर्न छुट्टै मन्त्रालय

विज्ञको सुझाव – विपद् हेर्न छुट्टै मन्त्रालय

सिन्धुपाल्चोक– नेपालमा विपद् व्यवस्थापनका लागि छुट्टै स्वतन्त्र निकायको आवश्यकता विज्ञले औंल्याएका छन्। कान्ले पहिरोको स्थलगत अध्ययनपछि सरकारलाई बुझाइएको प्रतिवेदनमा भूगर्भविद्ले प्रधानमन्त्रीको अध्यक्षतामा विपद् व्यवस्थापन मन्त्रालय वा निकाय गठन गर्न सुझाएका...

जर्मनी जाने विद्यार्थी बढे

काठमाडौं– नेपालबाट जर्मनीका विभिन्न विश्वविद्यालय तथा कलेजमा अध्ययन गर्न जाने विद्यार्थीको संख्या बर्सेनि बढ्दै गएको छ। अघिल्लो वर्ष ९ सयभन्दा बढी नेपाली विद्यार्थी भित्र्याएको जर्मनीले यस वर्ष (सन् २०१४) १...

सकियो रारा सम्मेलन, ९ बुँदे घोषणापत्र जारी

सकियो रारा सम्मेलन, ९ बुँदे घोषणापत्र जारी

राराताल (मुगु)– जलवायु परिवर्तनसम्बन्धी रारा सम्मेलनले जलवायु परिवर्तनबाट सिर्जित समस्याबाट हिमाली र पहाडी क्षेत्रका समुदाय आक्रान्त भएको स्वीकार गर्दै विश्वका विकसित र शक्तिशाली मुलुकलाई समस्या तत्काल सम्बोधन गर्न आग्रह गरेको...

क्रेडिट कार्ड दुरुपयोग गरी ८ हजार डलर निकाल्ने पक्राउ

काठमाडौं—अरुको क्रेडिट कार्ड दुरुपयोग गरी रकम निकालेको अभियोगमा प्रहरीले प्रल्हाद पौडेललाई पक्राउ गरेको छ। सिन्धुपाल्चोक मांखा घर भएका पौडेलले जमलमा ल्याण्ड लक ट्राभल एजेन्सी संचालन गर्दै आएका थिए।

काठमाडौंबाट अन्तरीक्ष केन्द्र देखिने

काठमाडौं— काठमाडौंको मौसम सफा रहे आज साँझ ५ बजेर ४३ मिनेट जाँदा अन्तर्राष्ट्रिय अन्तरीक्ष केन्द्र देखिनेछ। ४१ डिग्रीबाट हेर्दा पश्चिम उत्तर (डब्लुएनडब्लु) देखिने केन्द्र ६ मिनेटमा दक्षिण पूर्वी (एसएसइ) दिशामा...

घुम्नेलाई मौसमको साथ

घुम्नेलाई मौसमको साथ

इलाम-'तिहारपछि चाहिँ परिवारै आउने' अन्तुडाँडामा भेटिएका झापा जयपुरका सुवास खतिवडा झुल्केघाम नियालिसकेपछि भन्दैथिए, 'गज्जबकै ठाउँ रहेछ नि!' पूर्व–पश्चिम राजमार्गको झापास्थित चारआलीबाट ५५ किमी दूरीमा अवस्थित अन्तुडाँडा सूर्योदयको दृश्यावलोकननिम्ति मुलुक प्रसिद्ध...