Wednesday 12 Jestha, 2073 |
Menu

समाज

republica-headerdiscount-subscribe1

istl

अपराधमा विदेशी खेलाडी

(0 votes)
काठमाडौं - फुटबल खेलाउन ल्याइएका विदेशी खेलाडी आपराधिक गतिविधिमा संलग्न भएको तथ्य खुलेको छ। जावलाखेल युथ क्लबले गत वर्षको डिभिजन लिग खेलाउन ल्याएको जोन डाइक पक्राउपछि सो तथ्य खुलेको हो।
nepali-patro-may
प्रहरीको केन्द्रीय अनुसन्धान ब्युरोले इन्डोनेसियाको समूहसँग मिलेर चिट्ठा परेको प्रलोभन देखाएर ठगी गरेको अभियोगमा उनका सहयोगी सिरियाली नागरिक अर्नेस्ट पि कामरा र नेपाली सहयोगी सम्झना परियारलाई शुक्रबार पक्राउ गरेको हो।  
ब्युरोका डिआइजी केशबहादुर शाहीका अनुसार ए डिभिजन लिग खेल्न आएका अर्नेस्टलाई कुनै क्लबले नलिएपछि उनी विभिन्न गिर्जाघरमा पास्टरको आवरणमा लुक्दै बसेका थिए। जोन जावलाखेल युथ क्लबबाट लिग खेलिसकेपछि उनी गैरकानुनी रुपमा बस्दै आएका थिए।
अनुसन्धान अधिकारीका अनुसार उनीहरुले इन्डोनेसियाको जकार्तामा सक्रिय समूहसँग मिलेर पेप्सी अन्तर्राष्ट्रिय मोबाइल चिट्ठा जितेको वेब एसएमएस पठाएर ठगेका थिए। ब्युरोमा सम्पर्कका लागि आएकाको आधारमा उनीहरुले दुईजना नेपालीबाट करिब १२ लाख रुपैयाँ ठगेको खुले पनि ठगिनेको संख्या बढी हुन सक्ने प्रहरी आशंका छ। डिआइजी शाहीका अनुसार उनीहरुले पाँच लाख पाउन्ड जितेको एसएमएससँगै उक्त रकम लिनुअघिका प्रक्रिया पूरा गर्न शुल्क लाग्ने भन्दै प्रतिव्यक्ति १० हजार अमेरिकी डलरसम्म असुलेका थिए।
'एसएमएसमा इमेल ठेगाना दिएर सम्पर्क गर्न लगाई विभिन्न शुल्कको बहानामा रकम असुलेर ठग्ने गरेको देखियो,' शाहीले नागरिकसँग भने, 'उनीहरुले नेपालकै बैंकमा रहेको खातामा रकम जम्मा गराएर ठगी गरेका थिए।'
शाहीका अनुसार उनीहरुले कानुनी शुल्क, प्रक्रिया अगाडि बढाउने शुल्क, चिट्ठा कर, बिमालगायत शीर्षकमा नेपाल इन्भेस्टमेन्ट बैंकको खातामा पैसा जम्मा गराएका थिए। उनीहरुले ठगी प्रक्रियालाई विश्वसनीय बनाउन पेप्सी, कानुनी परामर्शदाता, विदेशी बैंकलगायतको नक्कली इमेल आइडी बनाएर प्रयोग गरेका थिए।
ठगीमा प्रयोग भएको बैंक खाता परियारको नाममा भए पनि कारोबार अर्नेस्टले गर्थे। भनेको शुल्क बैंकमा जम्मा भएपछि उनीहरु सम्पर्कविहीन हुन्थे।
ब्युरोमा रुपेश प्रजापतीले आफू वेब एसएमएसबाट ठगीएको निवेदन दिए पनि प्रहरी अनुसन्धान सफल हुन सकेको थिएन। नेपाल इन्भेस्टमेन्ट बैंकको एक खाताको कारोबार शंकास्पद लागेपछि बैंक आफैंले प्रहरीलाई जानकारी गराएको थियो।
सो जानकारीको आधारमा खातावालको खोजी गर्दा परियार पक्राउ परिन्। उनले चर्चमा भेटिएका विदेशी नागरिकले विदेशबाट आफ्ना लागि आउने पैसा झिक्न भन्दै आफ्नो खाता प्रयोग गरेको बयान दिएपछि प्रहरीले कपनबाट बिहीबार बाँकी दुईजनालाई पक्राउ गरेको थियो।
अर्नेस्टले ठगेको रकम परियारलाई पनि दिन्थे। प्रहरीले उनीहरुको डेरामा चार लाख १७ हजार रुपैयाँ, ल्यापटप, विदेशी सिमकार्डलगायत सामग्री भेटेको छ।
उनीहरुले एभरेष्ट बैंकको खाताबाट समेत दुई लाख रुपैयाँ निकालेको देखिएको जानकारी दिँदै शाहीले उनीहरुलाई महानगरीय प्रहरी परिसर काठमाडौंको हिरासतमा राखेर ठगीमा संलग्न समूहको खोजीमा अनुसन्धान जारी रहेको बताए।

प्रतिक्रिया

भैरहवा-लुम्बिनी सडकमा हावाहुरीले रूख र पाेल ढालेपछि...

भैरहवा-लुम्बिनी सडकमा हावाहुरीले रूख र पाेल ढालेपछि...

लुम्बिनी–बुधबार चलेको हवाहुरीका कारण ढलेका रुख र विजुलीका पोलले रुपन्देहीको भैरहवा—लुम्बिनी सडक खण्ड केहीबेर अवरुद्ध बन्यो। सडक छेउका दजनौं रुख र विजुलीका पोलहरु ढलेर सडक अवरुद्ध बनेको थियो।

काेहलपुरबाट छुटेनन् रात्री बस, यातायात व्यवसायी अान्दाेलित

कोहलपुर– ट्राफिक नियम उल्लंघन गरेवापत सरकारले जरिवाना वृद्धि गरेपछि बाँके जिल्लाका यातायात व्यवसायी तथा मजदुरले बुधबार साँझदेखि आन्दोलित भएका छन्। बेलुका जिल्लाबाट राजधानी, पोखरा, विराटनगर, काँकडभिट्टा, बागलुङ छुट्ने सम्पूर्ण लामोदूरीका...

द्वारिका उदय प्रतिष्ठानद्वारा पुरस्कार स्थापना

काठमाडौं–द्वारिका उदय प्रतिष्ठानले पाँचलाख अक्षयकोषसहित द्वारिका उदय समाजसेवी पुरस्कार एवं द्वारिका चलचित्र पत्रकारिता पुरस्कार स्थापना गरेको छ।

जंगली च्याउ खाँदा एकै परिवारका पाँच विरामी

पाँचथर–जंगलबाट ल्याएको च्याउ खाँदा ५ जना विरामी भएका छन् । जिल्लाको आङ्ना–१ मा जंगली च्याउ खाँदा एकै परिवारका ५ जना विरामी परेका हुन् ।

नक्कली प्रमाण पेश गरी जागिर खाएको आरोपमा सईविरुद्ध आरोप पत्र दायर

काठमाडौं– अख्तियार दुरुपयोग अनुसन्धान आयोगले महानगरीय प्रहरी वृत्त बौद्धमा कार्यरत प्रहरी नायव निरीक्षक सुधिर विक्रम शाहविरुद्ध भ्रष्टाचार मुद्धा दायर गरेको छ।

तीन महिनामा ६० जना जेल चलान

उदयपुर-वर्षाैंदेखि अदालतले दोषी ठहर गरी दण्ड, जरिवाना र कैद तोकिएका प्रहरी नजरका 'फरार' पाँच दर्जन अभियुक्त पक्राउ परेका छन् । प्रहरीले चालेको 'भिगरस अप्रेसन' अन्तरगत तीन महिनामा ६० अपराधी पक्राउ...

५ करोड मूल्य पर्ने कोकिनसहित चारजना पक्राउ

काठमाडौं–प्रहरीले चारजना लागु औषध कारोबारी पक्राउ गरेको छ। उनीहरुको साथबाट २ केजी ६ सय ८३ ग्राम कोकिन बरामद भएको छ। प्रहरीका अनुसार सो कोकिनको मूल्य ५ करोड ३६ लाख बराबर...

एक किलो सुनसहित दुई भारतीय पक्राउ

लुम्बिनी (रुपन्देही)-एक किलो सुनसहित दुई भारतीय नागरिक भैरहवाबाट पक्राउ परेका छन् ।