18 Baishak, 2073 |
Menu

समाज

republica-headerdiscount-subscribe1

istl

नारायणीमा अपहरण फस्टाउँदो

(0 votes)
रौतहट- भारतसँग सीमा जोडिएको नारायणी अञ्चलअन्तर्गत रौतहट, बारा र पर्सा जिल्लामा अपहरणको शृंखला पुनः सुरु भएको छ। सात महिनायता यी तीन जिल्लामा भएका सातैवटा अपहरण घटनामध्ये कुनैमा पनि प्रहरीले अपहृतको उद्धार गर्न सकेको छैन।


nepalipatr-april
गरुडा बजारबाट महिनौंअघि अपहृत १४ वर्षीय सुनिल बैठा र पौने दुई महिनाअघि भारत बैरगनियाबाट अपहृत १८ वर्षीय रामचन्द्र साहको अवस्था अज्ञात छ। समनपुर९ हथियौलका अच्छेलाल बैठाका छोरा सुनिलकुमार बजारबाटै १७ असोजमा अपहरणमा परेका थिए। 

यसैगरीमत्सरी८ का फेकु साह बनियाँको १८ वर्षीय छोरा रामचन्द्र साह घरायसी सामान किन्न सीमावर्ती भारतीय बजार बैरगनिया जाँदा चैत १८ गते अपहरणमा परे। अपहृत दुवैको अवस्था अज्ञात छ। अपहृतको अवस्था प्रहरीले पत्ता लगाउन सकेको छैन। अपहरणकारीले पटकपटक ८४१५९८३९१३ नम्बरको भारतीय मोबाइलबाट साहलाई सम्पर्क गरी एक करोड रुपैयाँ फिरौती मागेका छन्।  

तिम्रो छोरा बैरगनियामै सुरक्षित छकेही पैसा खर्च गरे फिर्ता ल्याइदिन्छु भन्दै किसुनी सहनीका छोरा चन्दनले रकम मागेको फेकुको दाबी छ। 

प्रहरीले अपहरणको मुख्य योजनाकार भन्दै सहनीलाई हिरासतमा लिए पनि अपहृतको अवस्था अज्ञात छ। चन्दनलाई प्रहरीले नियन्त्रणमा लिएपछि उनका दुई दाजु र बुबा फरार भए। 

निम्न आर्थिक अवस्थाको बनियाँ परिवारका लागि बिहान बेलुकी हातमुख जोर्नसमेत मुस्किल पर्ने छिमेकी दिपेन्द्र झाले बताए। अपहरणकारीले भारतीय मोबाइल र भूमिको प्रयोग गरिरहेकाले भारतीय सुरक्षाकर्मीको सहयोगमा अपहरणकारीसम्म पुग्ने प्रयास भइरहेको रौतहटका प्रहरी उपरीक्षक गोविन्दराम परियारले बताए।

नारायणीकै पर्सामा असोज २१ गते अपहृत वीरगन्ज६ कुम्हालटोलका १९ वर्षीय राजु प्रजापतिकात्तिक ८ गते अपहृत मुर्लीका दशरथ कम्कडमंसिर २६ गते अपहृत २४ वर्षीय ब्रजेश महतोको अवस्था अझै अज्ञात छ। प्रजापति अपहरण दाबी गर्ने भारतको बिहार मोतियारीका दिनेश सिंहलाई राजुका अभिभावकले १० लाख रुपैयाँ फिरौती बुझाए पनि अझैसम्म उनी घर फर्किएका छैनन्। 

प्रहरीलाई सूचना चुहाएको आरोपमा भारतीय अपहरणकारीले राजुको हत्या गरेको दाबी गरे पनि नेपाल प्रहरीले यसको आधिकारिक पुष्टि गर्न सकेको छैन।

आफ्नो छोराको उद्धार गर्न आग्रह गर्दै ब्रजेशका बाबु असर्फी महतोले नारायणी अञ्चल प्रहरी कार्यालयमा पटकपटक आग्रह गरे पनि प्रहरी वरिष्ठ उपरीक्षक सर्वेन्द्र खनालबाट आश्वासनबाहेक केही पाउन नसकेको गुनासो गर्छन्।

नारायणी अञ्चलमा एसएसपी रहिसकेका पूर्व एआइजी मदनबहादुर खड्का खुल्ला सिमाना र सशस्त्र समूहका कारण तराईमा अपहरण बढेको बताउँछन्।

असोज २५ गते बाराको निजगढ८ का ५२ वर्षीय भीमलाल श्रेष्ठ र सोही टोलका ५५ वर्षीय इन्द्रलाल चौलागाईं स्थानीय जंगलबाट अपहरण भएको महिनांै बिते पनि दुवैको अवस्था अज्ञात छ। 

नारायणी अञ्चल प्रहरी कार्यालयका प्रहरी वरिष्ठ उपरीक्षक सर्वेन्द्र खनाल अपहृतको उद्धार प्रयास भए पनि सफलता नमिलेको बताउँछन्। उनले टेलिफोन सम्पर्कमा भने, 'हामीले विशेष टोली बनाएर यसको अनुसन्धान गरिरहेका छौं र छिट्टै सफलता पाउँछौं। 

फिरौती र व्यक्तिगत रिसइबीले तराईमा अपहरण हुने नेपाल प्रहरीका प्रवक्ता डिआइजी केशव अधिकारी बताउँछन्। भारतसँग सीमाना जोडिएका जिल्लामा अपहरणकारीले पहिचान लुकाउन सजिलो भए पनि गम्भीरतापूर्वक गरिएको अनुसन्धानमा प्रहरीले अपहृतको उद्धार र दोषीको गिरफ्तारीमा सफलता पाएका धेरै उदाहरण रहेको उनले बताए। 

प्रतिक्रिया

जेष्ठ नागरिक लुट्ने गिरोह पक्राउ

जेष्ठ नागरिक लुट्ने गिरोह पक्राउ

ललितपुर-काठमाडौं उपत्यकामा भएका पचास भन्दा बढि एकैप्रकारको लुटको घटनामा संलग्न तीनजनालाई प्रहरीले पक्राउ गरेको छ। एकआपसमा संकेत र एउटा फलामको टुक्राका भरमा काठमाडौं उपत्यकामा तीनवर्षदेखि एकै प्रकारको लुटमा संलग्न तीनजना...

३६ वर्षपछि नरदेबी श्वेतकालीको नाच

३६ वर्षपछि नरदेबी श्वेतकालीको नाच

ललितपुर- काठमाडौं उपत्यकाका काठमाडौं, पाटन र कीर्तिपुरमा ३६ वर्षको अन्तरालपछि ङतभुलु अजिमा (नरदेबी श्वेतकालीमाई) को नाच पाटन दरबार क्षेत्रमा भैरहेको छ। काठमाडौंमा रहेको नरदेबीका १९ अवतार रहने गुठियारमध्यका मुल नाईकेलाई...

जंगलमा लागेको आगो निभाउने क्रममा २ जनाको मृत्यु

गुल्मी- गुल्मीमा आगो निभाउने क्रममा दुई जनाको मृत्यु भएको छ भने एक जना गम्भीर घाईते भएका छन्। जिल्लाको दोहोली गाविसको जुकेखोला सामुदायीक वनमा शुक्रवार बिहान देखि लागेको लागेको आगो निभाउने...

न्यायाधीशलाई गाली गर्ने एमाले सांसदलाई सात दिनभित्र उपस्थित हुन आदेश

बारा- अदालतमै न्यायाधीशलाई गाली गलौज गर्ने एमाले सांसद नेजमा जिल्ला अदालतले सात दिनभित्र उपस्थित हुन आदेश दिएकाे छ। आलमविरुद्ध दायर भएको अवहेलना मुद्दामा जिल्ला अदालतले सात दिनभित्र उपस्थित हुन शुक्रबार...

थप दुई नक्कली इन्जिनियर पक्राउ

काठमाडौं- प्रहरीले शुक्रबार थप २ जनालाई नक्कली इन्जिनियरको आरोपमा पक्राउ गरेको छ। महानगरीय अपराध महाशाखाबाट खटिएको अनुसन्धान टोलीले उनीहरुलाई पक्राउ गरेको हो।     

पानी माग्दै देवताको भाकल

जुम्ला-लामो खडेरीका कारण जमिन सुकेपछि स्थानीयले देवताको भाकल गरेर पानीको माग्न थालेका छन्। जुम्ला चन्दननाथ नगरपालिका ३ भण्डारीगाउँ महिला पुरुष खडेरीले वालीनाली सुकेको भन्दै वर्षा गराईदिन माग गर्दै चन्दननाथ मन्दिरमा...

नितम्ब प्रत्यारोपण गराउनेहरु अधिकांश गाउँले

काठमाडौं- घुँडाको जोर्नी बिग्रिएर हिँड्न नसक्ने अवस्थाबाट छुटकारा पाउन गरिने प्रत्यारोपण उपचार नेपालमा लोकप्रिय हुँदै गएको छ। यस्तै नितम्बको प्रत्यारोपण गराउनेको सङ्ख्या पनि उत्तिकै बढेको छ।

घरबाट हराएका बच्चा मृत फेला

रौतहट- घरबाट हराएका एक बालकको शव गाउँ नजिकैको पोखरीमा फेला परेको छ। रौतहटको मौलापुर-६ का सियाराम ठाकुरको ५ वर्षे छोरा ललन ठाकुरको शव फेला परेको हो।