Thursday 11 Baishak, 2071 |
Menu

समाज

पूर्व सभासद हत्या छानविन टोली घटनास्थलमा, राजमार्ग अझै अवरुद्ध

  • बुधबार ८ जेष्ठ, २०७०
  • रासस
  • DISQUS_COMMENTS
(0 votes)
सप्तरी – बिघटित संबिधानसभाका सदस्य सदरुल मियाँ हकको हत्याको छानविनका लागि सरकारले गठन गरेको छानविन समिति आज विहान घटनास्थल आइपुगेको छ। प्रहरी नायव महानिरीक्षक दिनकर शमशेर राणाको संयोजकत्वमा पूर्वाञ्चल प्रहरी प्रमुख र अनुसन्धान कार्यालयका पूर्वाञ्चल प्रमुख सदस्य रहेको टोली कल्याणपुर २ बिसनपुर पुगिसकेको र अहिले केही बेरमा काम सुरु गर्ने सप्तरीका प्रमुख जिल्ला अधिकारी हरिकृष्ण पौडेलले दिए।
हत्या गरिएका पूर्व सभासद् हकको शवपरीक्षणका लागि गएराति बिपी कोइराला स्वास्थ्य विज्ञान प्रतिष्ठान धरान लगिएको छ।

यसैबीच हत्या प्रकरणमा हिजो बिहानदेखि सुरु भएको राजमार्ग जाम अहिलेसम्म जारी रहेको छ। पूर्व–पश्चिम राजमार्गअन्तर्गत सप्तरीको विभिन्न ठाउँमा रुख ढालेर प्रदर्शनकारीले सडक अवरुद्ध गरेका छन्। लगातार २४ घन्टाको राजमार्ग अवरुद्धले एक हजारभन्दा बढी सवारीसाधन थन्किएका छन्।

प्रदर्शनकारीले सदरमुकाम राजविराजको विभिन्न ठाउँमा टायर बालेर बिहानैदेखि प्रदर्शन गरिरहेका छन्। उनीहरुले आज पनि राजविराज बजार पूर्ण रुपमा बन्द गराएका छन् भने यहाँबाट सञ्चालित कुनै पनि सबारीसाधन चल्न सकेका छैनन्।

हत्या छानबिनका लागि धरानबाट ल्याइएको प्रहरीको तालिम प्राप्त कुकुर बाटो सुँघ्दै हिजो इलाका प्रहरी कार्यालय कल्याणपुरमा गएर बसेपछि स्थानीयहरुले प्रहरीमाथि नै शङ्का गर्दै छानबिनको माग गरेका छन्। सोही कुकुरले हिजो हत्या भएको स्थलदेखि तीन सय मिटर उत्तरमा रगतले लतपतिएको एउटा सर्ट, डायरी र चप्पल फेला पारेको थियो।

पूर्व सभासद् हकको सोमबार राति कल्याणपुर– २ स्थित उहाँको आफ्नै पेट्रोल पम्पमा धारिलो हतियार प्रहार गरी हत्या गरिएको थियो। हत्याराको अहिलेसम्म पहिचान हुन सकेको छैन भने हत्याको कुनै कारण पनि खुल्न नसकेको जिल्ला प्रहरी प्रमुख एसपी सञ्जयसिंह बस्नेतले बताए।

प्रदर्शनकारीले हत्यारालाई पक्राउ गरी कारबाही नगरिएसम्म चक्काजामलगायतका विरोध कार्यक्रम नरोक्ने बताएका छन्।

चौतारी र क्रान्तिकारीको सहकार्यमा थारु पत्रकार संघको समर्थन

काठमाडौं- थारु पत्रकार संघले प्रेस चौतारी र क्रान्तिकारीबीच भएको सहकार्यप्रति समर्थन जनाएको छ। नेपाल पत्रकार महासंघको वैशाख २० र २१ गते हुने २४औं महाधिवेशनले महासंघको विधानलाई थप समावेशी चरित्रको बनाउने...

भोजपुरमा खानेपानी अभाव

भोजपुर - भोजपुर सदरमुकाममा खानेपानीको अभाव भएको छ। खडेरी सुरु भएसँगै पानीको अभाव चुलिएको हो। दैनिक रुपमा विहान बेलुका आपूर्ति हुँदै आएको पानी कटौती भएसँगै उपभोक्ता समस्यामा परेका छन्।

साना सवारीको रुट पर्मिट बन्द

काठमाडौं-सरकारले उपत्यकाका सडकमा सार्वजनिक सवारी साधनको अस्तव्यस्तता र मनपरी नियन्त्रण गर्न २५ सिटभन्दा साना सवारीको नयाँ यातायात सञ्चालन अनुमित (रुट पर्मिट इजाजत) बन्द गरेको छ।

धमाधम निजीको किताब बिक्री

नेपालगन्ज-मध्यपश्चिमका विभिन्न सामुदायिक विद्यालयमा अनुमतिबेगर निजी प्रकाशनगृहले पुस्तक बिक्री–वितरण गरिरहेको पाइएको छ।

डाक्टर एक, बिरामी ५० हजार

धनगढी-सुदूरपश्चिममा एक डाक्टरले ५० हजार जनाको उपचार गर्नुपर्ने स्थिति छ। जनसंख्या एक करोड भएका बेला तोकिएको डाक्टर दरबन्दी तीन गुणा जनसंख्या बढिसक्दा पनि थपिएको छैन।

अख्तियारद्वारा काठ तस्करीको छानबिन

इटहरी-सुनसरीको चारकोसे जंगलमा भएको श्रृंखलाबद्ध काठ तस्करीमा वन उपभोक्ता समूहका दर्जनौं पदाधिकारी संलग्न रहेको आशंका गर्दै अख्तियार दुरुपयोग अनुसन्धान आयोगले छानबिन थालेको छ।

मेडिकल कलेजमा आकस्मिक छड्के

काठमाडौं-निजी मेडिकल कलेजहरूले भौतिक तथा प्राज्ञिक मापदण्ड पूरा नगरी जथाभावी विद्यार्थी भर्ना गरिरहेको भन्दै अख्तियार दुरुपयोग अनुसन्धान आयोग र नेपाल मेडिकल काउन्सिलले आकस्मिक निरीक्षण अभियान सुरु गरेका छन्।

झगडा मिलाउन गएकी महिला प्रहरी घाइते

काठमाडौं– घरायसी झगडा मिलाउन गएको प्रहरी टोलीमाथी उल्टै चक्कु प्रहारहुँदा एक महिला प्रहरी घाइते भएकी छिन्। ज्ञानेश्वरमा घरायसी वादविवाद भएको सूचनाको आधारमा पुगेको महानगरीय प्रहरी वृत्त कमलपोखरीको प्रहरी टोलीलाई दिलकुमारी...

Our website is protected by DMC Firewall!