Monday 21 Ashad, 2072 |
Menu

राजनीति

ist-cc

११ विद्यार्थी संगठनको संयुक्त प्यानल

(0 votes)
काठमाडौं - त्रिभुवन विश्वविद्यालयअन्तर्गत मुलकभरका कलेजमा हुन गइरहेको स्ववियु चुनावमा ११ विद्यार्थी संगठनले संयुक्त प्यानल बनाउने भएका छन् । एकीकृत माओवादीनिकट अखिल (क्रान्तिकारी) को बागबजारस्थित कार्यालयमा बसेको 'समानुपातिक र समावेशी' पक्षधर विद्यार्थी संगठनले उक्त निर्णय गरेको हो।
'जुन कलेजमा जुन संगठनको प्रभाव छ, त्यसैलाई आधार बनाएर उम्मेदवार चयन गरी संयुक्त प्यानल उठाउने सहमति भएको छ,' अखिल (क्रान्तिकारी) का अध्यक्ष हिमाल शर्माले भने, '११ विद्यार्थी संगठनलाई समेटेर उम्मेदवार तय गरिनेछ।' विद्यार्थी हकहितका लागि स्वच्छ र पारदर्शी स्ववियु निर्माण गर्न विद्यार्थी संगठन सहमत भएको शर्माको भनाइ छ। 
स्ववियु चुनावलाई स्वच्छ र पारदर्शी बनाउनेबारे बैठकले चारबुँदे निर्णय समेत गरेको छ। अखिल (क्रान्तिकारी) का उपाध्यक्ष जागृत रायमाझीले ११ विद्यार्थी संगठनको संयुक्त बैठकले गरेको निर्णय कार्यान्वयनका लागि देशभरका कलेजमा संयुक्त रूपमा पहल गरिने बताए। 
रत्न राज्यलक्ष्मी कलेज र त्रिभुवन विश्वविद्यालयमा वैद्य पक्षधर माओवादीनिकट अखिल क्रान्तिकारीले तालाबन्दी गरेकाले चुनावलाई मध्यनजर गरी ताला खोलाउन पहल गर्ने निर्णय बैठकले गरेको छ। 
यसैगरी, स्ववियु चुनावको मुखमा रत्नराज्य लगायत कलेजमा नियमविपरीत गरिएको एकमुष्ठ विद्यार्थी भर्ना खारेजी हुनुपर्ने, रत्नराज्य, पाटनलगायत कलेजमा जनआन्दोलनका घाइतेको नाममा नक्कली कार्ड बनाएर गरिएको विद्यार्थीको भर्ना खारेजीको माग गर्ने निर्णय भएको छ। 'कलेजले त्रिभुवन विश्वविद्यालयको सिफारिसबिनै जनआन्दोलनको नक्कली कार्ड बनाएका विद्यार्थीको धमाधम भर्ना गरेका छन्,' उपाध्यक्ष रायमाझीले नागरिकसँग भने, 'त्यस्ता विद्यार्थीलाई स्ववियु चुनावमा सहमागिता नगराउन त्रिविसँग अपिल गर्नेछौं।'
बैठकमा अखिल (क्रान्तिकारी), मधेसी विद्यार्थी फोरम (लोकतान्त्रिक), तराई मधेसी विद्यार्थी फ्रन्ट, मधेसी विद्यार्थी फोरम, अखिल नेपाल राष्ट्रिय विद्यार्थी युनियन, विद्यार्थी मञ्च, नेपाल लोकतान्त्रिक विद्यार्थी संगठन, क्रान्तिकारी विद्यार्थी नेपाल, अग्रगामी विद्यार्थी युनियन, नेपाल विद्यार्थी परिवार र अखिल पाँचौ गरी कूल ११ विद्यार्थी संगठन सहभागी थिए। बैठकमा अनेरास्ववियु र नेवि संघ भने सहभागी भएनन्। 
मधेसी विद्यार्थी फोरम (लोकतान्त्रिक) का अध्यक्ष कपिलेश्वर यादवले आफूहरू संगठनको प्रभावको आधारमा नेतृत्वसहितको संयुक्त स्ववियु निर्माणमा सहमत भए पनि अखिल क्रान्तिकारीले हालै सबै कलेजमा अध्यक्ष उम्मेदवार घोषणा गरेकोमा असन्तुष्टि रहेको बताए। 'मधेसका कलेेजमा समेत क्रान्तिकारीले अध्यक्षमा उम्मेदवार घोषणा गरेर हाम्रो पहिचानमा नकरात्मक असर पार्ने काम गरेको छ,' यादबले भने 'मधेसका कलेजमा मधेसवादी विद्यार्थी संगठनले नै नेतृत्व गर्न पाउनुपर्छ।'

संवैधानिक अदालत आवश्यक नभएको सर्वोच्चको निष्कर्ष

काठमाडौं–सर्वोच्च अदालतका अधिकांश न्यायाधीशहरुले 'न्यायाधीश सम्मेलन'को घोषणापत्रलाई आधार मानेर नयाँ संविधानमा न्यायपालिक सम्वन्धी व्यवस्था हुनुपर्ने सुझाव संविधानसभामा पठाउनु पर्ने राय फूलकोर्ट वैठक राखेका छन्।

अध्यक्ष झालाई मातृशोक

रौतहट— संघिय सदभावना पार्टीका राष्ट्रिय अध्यक्ष अनिलकुमार झालाई मातृशोक परेको छ। रौतहट जिल्ला मत्सरी गाविस वडा ६ घर भएका झाकी ८६ वर्षिया आमा आनन्दी देवीको सोमवार विहान घरमै निधन भएको...

देश निर्माणको जिम्मा लिन युवालाई मन्त्री पण्डितको आग्रह

काठमाडौं– बुढा नेताहरुले देशको नेतृत्व गरिरहेको बेला सामान्य प्रशासन मन्त्री लालबाबु पण्डितले देश निर्माणको नेतृत्व लिन युवा पुस्तालाई आग्रह गरेका छन्।

माघ १५ अघि स्थानीय निकायको निर्वाचन गराउन सकिँदैन– आयुक्त यादव

सुरुङ्गा (झापा)– निर्वाचन आयोगका आयुक्त अयोधीप्रसाद यादवले माघ १५ भन्दाअगाडि स्थानीय निकायको निर्वाचन गराउन नसकिने बताएका छन्।

नयाँ संविधानमा थ्रेसहोल्ड राख्न सभासद्हरुको माग

काठमाडौँ-संसदीय व्यवस्था प्रदूषित भएकाले त्यसलाई वास्तविक रुमपा जनप्रतिनिधिको थलो बनाउन नयाँ संविधानमा मत प्रतिशत थ्रेसहोल्ड सीमा राख्नुपर्नेमा सभासद्हरुले जोड दिएका छन् ।

जोखिममा रहेका बस्तीलाई सुरक्षित स्थानमा सारः मानव अधिकार आयोग

काठमाडौं– राष्ट्रिय मानव अधिकार आयोगले चितवनको शक्तिखोर र जुटपानी, नवलपरासीको देवचुली र किर्तिपुरको वस्ती सुरक्षित स्थानमा सार्न सरकारलाई आग्रह गरेको छ।

सद्भावना अध्यक्षले सर्वपक्षीय बैठकमै माफी मागेपछि कर्मचारी आन्दोलन फिर्ता

रौतहट– नेपाल नगरपालिका कर्मचारी एशोसियसन इकाइ गौरको आह्वानमा आइतबार बन्द रहेका रौतहटका तीन नगरपालिका र एक जिविस सोमबारबाट खुलेका छन्। सदभावना पार्टीका रौतहट जिल्ला अध्यक्ष शेख जमशेदले गौर नगरपालिकाका कार्यकारी...

संविधान नामको कागज च्यात्दैमा संविधान निर्माणमा कुनै असर गर्दैन:ओली

दमक-नेकपा (एमाले) अध्यक्ष केपी ओलीले एक/दुईजनाले संविधान नाम लेखेको कागज च्यात्दैमा संविधान निर्माणमा कुनै असर नगर्ने बताएका छन।