Friday 17 Baishak, 2073 |
Menu

राजनीति

republica-headerdiscount-subscribe1

istl

आचार्य र दाहाल अध्यक्षका दाबेदार

  • आइतबार ९ भाद्र, २०७०
  • बालकृष्ण अधिकारी
  • Be the first to comment!
(0 votes)
काठमाडौं - नेपाली कांग्रेसनिकट नेपाल टे्रड युनियन कांग्रेस स्वतन्त्रले २३ वर्षपछि नयाँ नेतृत्व पाउने भएको छ। टे्रड युनियन कांग्रेस स्वतन्त्रको आइतबारबाट चितवनमा हुने पाँचौं महाधिवेशनले लक्ष्मणबहादुर बस्नेतलाई नेतृत्वबाट बिदा गर्नेछ।
nepalipatr-april

मजदुर संगठनमा नेतृत्व हत्याउन सभापति सुशील कोइराला र वरिष्ठ नेता शेरबहादुर देउवा पक्षका मजदुर नेता मैदानमा छन्। संस्थापन पक्षबाट पुष्कर आचार्य र देउवा पक्षबाट खिलानाथ दाहाल अध्यक्षको प्रतिस्पर्धामा छन्। दुवै पक्ष आ–आफ्ना उम्मेदवारलाई जिताउन सक्रिय छन्।
महाधिवेशन उद्घाटन सत्रमा सहभागी हुन शनिबार नै चितवन पुगेका कांग्रेस सभापति सुशील कोइरालाले आफू बसेकै होटलमा आचार्य र पाण्डेलाई बोलाएर सहमति गराउने प्रयास थालेका छन्।
संस्थापन पक्षबाट समानान्तर दुई प्यानल देखिएपछि पार्टी नेताले हस्तक्षेप गरी आचार्यलाई बस्नेतको उत्तराधिकारी अघि सारिएको छ। नेतृत्वको दाबी गर्दै आएका अच्युत पाण्डेलाई महासचिवमा उठाउने तयारी भएको छ।
संस्थापन पक्षको नेतृत्व दाबी गर्दै आचार्यले निर्वाचनमा दुई समूह मात्र रहने बताए। 'अर्को समूहका साथीले नसमेटेका सबै साथी मसँग रहन्छन्,' सभापति कोइरालालाई साँझ भेटेपछि उनले नागरिकसँग भने, 'मेरो टिममा रामजी कुँवर, महेन्द्र यादव, अच्युत पाण्डेसहितका साथी रहनुहुन्छ।'
पाण्डेले भने आफ्नो उम्मेदवारी कायमै रहेको भन्दै सबैलाई मिलाएर लैजाने अवस्थामा आफू महासचिवमा तयार भएको बताए। 'अहिलेसम्म कुरा मिलेको छैन,' उनले नागरिकसँग भने, 'तीनवटै प्यानल निर्वाचनमा जाने सम्भावना बढेको छ।'
अध्यक्षमा बस्नेतसँग प्रतिस्पर्धा गरेका आचार्य उनकै उत्तराधिकारी बन्न नसक्ने पाण्डेको भनाइ छ। आचार्य वीरगन्ज महाधिवेशनमा बस्नेतसँग अध्यक्षमा प्रतिस्पर्धा गरेका थिए।
'संस्थापन पक्षबाट दुई प्यानल देखिएपछि त्यसलाई मिलाउन कसरत भइरहेको छ,' संस्थापन पक्षका एक केन्द्रीय सदस्यले भने, 'दुवै तर्फका साथीहरू मिलाएर पदाधिकारीको एउटा प्यानल तयार हुन्छ।'
संस्थापन पक्षबाट आचार्यको समूहबाट वरिष्ठ उपाध्यक्षमा रामजी कुँवर, उपाध्यक्ष खुलामा गणेशप्रसाद निरौला, महासचिवमा महेन्द्र यादव, उपमहासचिवमा सूर्य नेपाल, टंकमणि अधिकारी र कोषाध्यक्षमा योगेन्द्र कुँवर र सहकोषाध्यक्षमा नेत्रविक्रम थापा देखिएका छन्।
त्यस्तै, पाण्डे समूहबाट वरिष्ठ उपाध्यक्षमा रीता खनाल, उपाध्यक्ष खुलामा बमबहादुर डिसी, केसमाया जोसी, महासचिवमा तेजजंग कार्की कोषाध्यक्षमा मोहन बस्नेत, सेवा क्षेत्रमा किशोर गौतम, उत्पादनमा ललित श्रेष्ठ, उपमहासचिव महिलामा आशासिंह राठोर, सहकोषाध्यक्षमा सञ्जय श्रेष्ठको दाबी छ।
आर्चाय समूहबाट उपाध्यक्षको उम्मेदवारी घोषणा गरेका निरौलाले सबै पक्षलाई मिलाएर लैजाने प्रयास जारी रहेको बताए।
देउवा पक्षबाट वरिष्ठ उपाध्यक्षमा कृष्णप्रसाद पौडेल, उपाध्यक्ष खुलामा अयोध्याप्रसाद यादव र राधकान्त देव, महिला उपाध्यक्षमा रमा पौडेल, उपाध्यक्ष सेवा क्षेत्रमा हरिकृष्ण शाह र उत्पादन क्षेत्र उपाध्यक्षमा दावा सांगे लामा छन्। महासचिवमा धु्रवचन्द्र गौतम, उपमहासचिवमा केदार कोइराला र सञ्जय मिश्र, कोषाध्यक्षमा ऋषभदेभ घिमिरे र सहकोषाध्यक्षमा जनार्दन निरौलाको प्यानल नै घोषणा भएको छ।
महाधिवेशनले पदाधिकारी, खुला १५ र महिला ७ गरी ३७ जनाको नयाँ कार्यसमिति चयन गर्नेछ। सदस्यमा ५ सयभन्दा बढीले दाबी गर्दै आएका छन्। निर्वाचन समितिले सोमबार उम्मेदवारी मनोनयन र मंगलबार मतदान कार्यक्रम तय गरेको छ। महाधिवेशनमा २५ आबद्ध संघ तथा ७२ जिल्ला समितिका १६ सय प्रतिनिधि सहभागी हुनेछन्।
उद्घाटन आज
नेपाल ट्रेड युनियन कांग्रेस स्वतन्त्रको पाँचांै महाधिवेशन कांग्रेस सभापति सुशील कोइरालाले आइतबार चितवनको टाँडीमा उद्घाटन गर्ने कार्यक्रम छ।
उद्घाटन सत्रमा कांग्रेस सभापति कोइरालाले श्रमिकसम्बन्धी समझदारीपत्रमा हस्ताक्षर गर्नेछन्। श्रमिकका मुद्दालाई पार्टीले प्रमुखताका साथ उठाउने र राज्यका हरेक निकायमा उनीहरूको उपस्थिति सुनिश्चित गर्नेगरी समझदारीपत्र तयार गरिएको एक नेताले जानकारी दिए।
उद्घाटन सत्रमा सहभागी हुन पार्टीका शीर्ष नेताका साथै अन्तर्राष्ट्रिय महासंघ आइटियुसीका एसिया प्यासिफिक महासचिव नोरियोकी सुजुकी, जापानी टे्रड युनियन रिडगोका प्रतिनिधि ओजु सुजुकी, अमेरिकी ट्रेड युनियन एएफएलसीआइओ सोलिडारिटी सेन्टरका सजेन्द्र  भिगाराज र डेनमार्कको एलओएफटिएफका प्रतिनिधि शनिबार नै चितवन पुगेका छन्।

प्रतिक्रिया

भूकम्पपीडितलाई बाँड्न थप रकम

काठमाडौं– राष्ट्रिय पुनर्निर्माण प्राधिकरणले भूकम्पपीडितलाई पहिलो किस्ता अनुदान दिन ११ अर्ब ६७ करोड ७९ लाख रुपैयाँ थप रकम निकासा गरेको छ।

'नेपाल-भारतका थारुमा पनि रोटी-बेटी सम्बन्ध छ'

'नेपाल-भारतका थारुमा पनि रोटी-बेटी सम्बन्ध छ'

चितवन- नेपाल र भारतका थारुहरुको दुई दिने राष्ट्रिय सम्मेनले तीन बुँदे घोषणा पत्र जारी गरेको छ। चितवनको सौरहामा बुधबार र बिहीबार भएको प्रथम राष्ट्रिय भेलाले दुई देशमा भएका थारुहरुको राजनीतिक,...

पुनर्निर्माणको काम जादु होइन: प्रधानमन्त्री

इटहरी-प्रधानमन्त्री केपी शर्मा ओलीले भूकम्पले पुर्याएको क्षतीको पुनर्निर्माणको काम जादु नभएकाले गर्दा समय लाग्ने बताएका छन्। उनले पुर्ननिर्माणमा आठ लाख घर निर्माण गर्नु ठट्टा नभएर काम गरेर देखाउनुपर्ने हुदाँ समय...

सरकारले ल्याउन लागेको नीति,कार्यक्रम र बजेटबाट तर्सिनु पर्दैन: प्रधानमन्त्री

सरकारले ल्याउन लागेको नीति,कार्यक्रम र बजेटबाट तर्सिनु पर्दैन: प्रधानमन्त्री

धरान- प्रधानमन्त्री केपी शर्मा ओलीले प्रधानमन्त्री ओलीले आफ्नो सरकारले ल्याउन लागेको नीति तथा कार्यक्रम र बजेटबाट केही मान्छे तर्सिएको बताएका छन्।

एमाओवादी निष्कर्ष- शक्ति विभाजित हुँदा मुलुक समस्यामा

काठमाडौं- एकीकृत नेकपा (माओवादी)ले विभाजित अवस्थामा रहेका सबै माओवादी घटकसँग पार्टी एकताका लागि गम्भीररुपले छलफल अगाडि बढाउने भएको छ। एमाओवादी अध्यक्ष पुष्पकमल दाहाल निवास लाजिम्पाटमा आज बसेको स्थायी समितिको बैठकले माओवादी...

संसद् नियमावली पारित गर्नेबारे सहमति जुटाउन देउवा र घर्तीबीच भेटवार्ता

काठमाडौं- प्रमुख प्रतिपक्षी दल नेपाली काँग्रेसका सभापति शेरबहादुर देउवा र सभामुख ओनसरी घर्तीबीच संसद नियमावली पारित गर्न सहमति जुटाउने सम्बन्धमा छलफल भएको छ।

दाहाल-वैद्य एकीकरण होला?

काठमाडौं- सत्तारुढ एकीकृत नेकपा माओवादीले मोहन वैद्य नेतृत्वको नेकपा क्रान्तिकारी माओवादीसँग एकीकरण गर्ने उद्देश्यसहित छलफल सुरु गरेको छ। जारी स्थायी समिति बैठकले वैद्य नेतृत्वको केन्द्रीय समितिका बहुमत सदस्य आफ्नो पार्टीसँग...

न्यायाधीशलाई अभद्र व्यवहार गरेकाे भन्दै सांसद आलमविरुद्ध अवहेलना मुद्दा

न्यायाधीशलाई अभद्र व्यवहार गरेकाे भन्दै सांसद आलमविरुद्ध अवहेलना मुद्दा

बारा– आफूले भने अनुसारको श्रीमानको हत्यारालाई कैद सजाय नगरिएको भन्दै बुधवार अदालतमै न्यायाधीशलाई गाली गलौज गर्ने एमाले सांसद नेजमा आलमसहित १९ जनाविरुद्ध बारा जिल्ला अदालतमा बिहीबार अवहेलना मुद्दा दायर भएको...