16 Shrawn, 2072 |
Menu

राजनीति

ist-cc

असन्तुष्टको एजेन्डा– 'निर्वाचन सार्नुपर्छ'

(0 votes)
काठमाडौं– सरकार गठन प्रक्रियाप्रति असन्तुष्ट नेकपा–माओवादीसहित २५ दलको मोर्चाले वार्तामा दोस्रो संविधानसभा निर्वाचन सार्नुपर्ने विषयलाई प्रमुखतासाथ उठाउने भएको छ।
अन्तरिम चुनावी सरकार र चारदलीय उच्च राजनीतिक समितिको पत्रलाई सकारात्मक रूपमा लिँदै वार्तामा बस्न तयार मोर्चाको सोमबार बसेको बैठकले चुनाव सार्नेलगायत पुराना एजेन्डा दोहोर्‍याएको हो। ११ बुँदे राजनीतिक सहमति, २५ बुँदे बाधाअडकाउ फुकाऊ र खिलराज रेग्मी सरकारको राजीनामा प्रमुख मुद्दा भएको माओवादी नेता देव गुरुङले बताए।
'११ बुँदे राजनीतिक सहमति र २५ बुँदे बाधाअड्काउ फुकाऊ खारेज हुनुपर्छ। त्यससँगै प्रधानन्यायाधीश खिलराज रेग्मी नेतृत्वको सरकारले राजीनामा दिनुपर्छ,' बैठकपछि गुरुङले पत्रकारहरूसँग भने, 'सरकार दलीय नेतृत्वमा हुनुपर्छ भन्ने हो।'
यी सबै प्रक्रिया पूरा गर्दा मंसिर ४ मा चुनाव सम्भव नहुने भएकाले मिति सार्नुपर्ने उनले बताए। चार दलको उच्चस्तरीय राजनीतिक समिति र असन्तुष्ट दलहरूबीच मंगलबार प्रारम्भिक वार्ता हुँदैछ। नेकपा–माओवादीले उठाउँदै आएको सर्वपक्षीय राजनीतिक सम्मेलनबाट दलीय नेतृत्वको सरकार गठन गर्नुपर्ने मागलाई पनि मोर्चाले अघि सारेको छ।
समितिसँग मंगलबार १ बजे वार्तामा बस्नुअघि भाषा मिलाएर एजेन्डालाई अन्तिम रूप दिने मोर्चाले जनाएको छ। बैठकमा सबै दलले आ–आफ्नो पार्टीका धारणालाई एजेन्डामा समावेश गर्न सुझाव दिएका थिए। 'भोलि बिहान कार्यदल बसेर ऐजेन्डा तय गर्नेछ। यसका लागि सबैले राय दिएका छन्,' नेकपा एकीकृतका नेता रामसिंह श्रीसले भने, 'मंगलबार वार्तामा जान्छौं।'
चार दल भने मंसिर ४ को चुनावबाट पछि नहट्ने अडानमा छन्। संविधानसभा चुनाव मंसिर ४ मै हुनुपर्ने र प्रधान न्यायाधीश खिलराज रेग्मी नेतृत्वको सरकारले नै चुनाव गराउने अडान राख्दै आएका चार दलले मोर्चासँग अन्तिमपटक वार्ता प्रयास गर्ने निर्णय यसअघि गरेको थियो।
मोर्चामा नेकपा–माओवादी, मातृका यादव नेतृत्र्वको माओवादी, परि थापा नेतृत्र्वको नेकपा (एकीकृत), मणि थापा नेतृत्र्वको कम्युनिस्ट क्रान्तिकारीबाहेक अन्य दलको नाम सुनिएको छैन। ३३ दलीय मोर्चा भनिए पनि अझै दल र नेतृत्र्वको नाम मोर्चाले सार्वजनिक गर्न सकेको छैन।

प्रतिक्रिया

चार मधेसी दलद्वारा संघर्षका कार्यक्रम सार्वजनिक

काठमाडौं–प्रमुख चार राजनीतिक दलबीच भएको १६ बुँदे सहमतिको विरोधमा रहेका चार मधेस केन्द्रित दलले संघर्षका कार्यक्रम सार्वजनिक गरेका छन् ।

एजेण्डा केन्द्रित विरोध गर्नुस् :भट्टराई

काठमाडौं–संवैधानिक राजनीतिक संवाद तथा सहमति समितिका सभापति बाबुराम भट्टराईले संविधानमा आफ्ना एजेण्डा समावेश गर्ने अहिले उचित समय भएको बताएका छन् ।

सीमांकनसहितको संविधान: देउवालाई मोदीको सुझाव

सीमांकनसहितको संविधान: देउवालाई मोदीको सुझाव

काठमाडौं– नेपाली कांग्रेसका बरिष्ठ नेता शेरबहादुर देउवाले सबैलाई मिलाएर सीमांकनसहितको संविधान छिटो जारी गर्न भारतीय प्रधानमन्त्री नरेन्द्र मोदीले सुझाव दिएको बताएका छन्।

विवाद टुंगो 'अन्तिम मस्यौदामा'

काठमाडौं- संविधानको प्रारम्भिक मस्यौदामाथि आएका सुझाव समेटेर परिमार्जित मस्यौदा तयार पार्ने जिम्मा पाएको विशेष समितिले राजनीतिक प्रकारका विवाद थाती राखेर अघि बढ्ने समझदारी गरेको छ। त्यस्ता विवाद संविधानको अन्तिम मस्यौदा...

विदेशीलाई अपार्टमेन्टबारे कारण माग

काठमाडौं– सर्वोच्च अदालतले विदेशीलाई अपार्टमेन्ट खरिद गर्न दिने व्यवस्था बजेट भाषणमार्फत गर्नुको कारण माग गरेको छ। प्रधानन्यायाधीश कल्याण श्रेष्ठको एकल इजलासले यस्तो निर्णय गर्नुको कारण लिखितरूपमा अदालतसमक्ष पेस गर्न भनेको...

संसदमा गाैरीशंकरले गल्ती गर्दा गाैरीकुमारीलाई दोष (अडियो)

काठमाडौं—सभामुख सुवास नेम्वाङले शुक्ररबार संसद बैठकको शून्य समयमा बोल्ने सभासदको नाम उच्चारण गरे-'माननीय श्री गाैरी कुमारी वली।'अलि टाठो मिजासमा महिला आवाज माइकमा सुनियो 'सम्माननीय सभामुख महोदय मैले आज बोल्ने लिस्टमा...

नेपालमा छिट्टै शान्ति–स्थायित्व कायम होस्ः भारतीय राष्ट्रपति मुखर्जी

नेपालमा छिट्टै शान्ति–स्थायित्व कायम होस्ः भारतीय राष्ट्रपति मुखर्जी

काठमाडौं– भारतीय राष्ट्रपति प्रणव मुखर्जीले नेपालमा छिटो लोकतान्त्रिक संविधान जारी भएर शान्ति र स्थायित्व कायम होस् भन्ने चाहना व्यक्त गरेका छन्।

सीमांकनसहितको संविधान जारी गर्ने पक्षमा छौंः देउवा

काठमाडौं– भारत भ्रमणमा रहेका नेपाली कांग्रेसका बरिष्ठ नेता शेरबहादुर देउवाले आफूहरु सीमांकनसहितकै संविधान जारी गर्ने पक्षमा रहेको स्पष्ट पारेका छन्।