Tuesday 12 Shrawn, 2072 |
Menu

राजनीति

ist-cc

वैद्य माओवादी बारे भारतीय प्रधानमन्त्री मनमोहन सिंहको चासो

(0 votes)

काठमाडौं— भारत भ्रमणमा रहेका नेपाली कांग्रेसका सभापति सुशील कोइरालाले भारतीय प्रधानमन्त्री मनमोहन सिंहसँग नयाँ दिल्लीमा भेट गरेका छन्। भेटका अवसरमा कोइराला र प्रधानमन्त्री सिंहबीच नेपालको चुनावलाई लिएर छलफल भएको छ।

चुनावकै प्रसंगमा उनले संविधान सभा चुनावलाई जुनसुकै हालतमा असफल पार्ने बताउँदै आएको वैद्य नेतृत्वको माओवादी बारे प्रश्न गरेका थिए। 'मोहन बैद्य नेतृत्वको नेकपा–माओवादी निर्वाचन आउने अवस्था छ कि छैन ?'  सिंहको जिज्ञासा राखेका थिए। प्रतिउत्तरमा कोइरालाले असन्तुष्ट पक्षलाई समेटेरै चुनावमा जान प्रयास भइरहेको बताएका थिए।

लोकतान्त्रिक शक्तिहरुको एकतामा जोड दिँदै भारतीय प्रधानमन्त्री सिंहले लोकतान्त्रिक व्यवस्था संस्थागत भएपछि मात्र राजनीतिक स्थायित्व हुने र त्यसपछि आर्थिक सम्वृद्धिकोको दिशामा मुलुक अघि बढ्ने बताएको नयाँ दिल्लीबाट पत्रकार ऋषि धमलाले जनाएका छन्।

कोइरालासँगको भेटमा प्रधानमन्त्री सिंहले निर्वाचन मंसिर ४ गर्न के कस्ता कठिनाइ छन् भन्ने बारे बुझेका थिए। 'चुनावका लागि भारत सरकार नेपाललाई जुनसुकै किसिमको सहयोग गर्न तयार छ', सिंहको भनाइ उदृत गर्दै बैठकमा सहभागी नेपाली नेताले भने। यद्यपि उनले नेपालमा निर्वाचन गर्ने नेपालका राजनीतिक दलहरुकै सहमतिमा हुनुपर्ने र भारतको त्यसमा सहयोग र सद्भाव मात्र रहने बताए।

भेटमा सभापति कोइराला, महामन्त्री द्वय प्रकाशमान सिंह, कृष्णप्रसाद सिटौला र भारतकालागि कार्यबाहक नेपाली राजदुत खगनाथ अधिकारी सहभागी थिए। भारतको तर्फबाट प्रधानमन्त्री सिंह, विदेश सचिव सुजाता सिंह र नेपालका लागि भारतीय राजदुत जयन्त प्रसाद सहभागी थिए।

आजै सभापति कोइराला नेतृत्वको टोलीले नयाँ दिल्लीमा भारतीय प्रधानमन्त्री डा मनमोहन सिंहका सुरक्षा सल्लाहकार शिवसंकर मेननसँग भेट गरेका छन्। मेननले नेपालमा स्थायित्व र समृद्धि नहुँदा भारतमाथिको सुरक्षा खतरा कायमै रहने भन्दै त्यसतर्फ गम्भीर ध्यानआर्कषित गराएका थिए।

कोइरालाले भारतको सुरक्षा चासोलाई नेपालले गम्भीरतापूर्वक लिएको र आफूहरु नेपालको भूमि भएर हुने छिमेकीविरुद्धको गतिविधि हुन नदिनेतर्फ सचेत रहेको बताएका थिए।

प्रतिक्रिया

नेता नेपाल घर फिर्ता

काठमाडौँ-नेकपा (एमाले)का नेता माधवकुमार नेपाल स्वास्थ्य लाभ गरी मंगलबार घर फर्किएका छन ।

बोक्सीको आरोप (कसुर र सजाय) विधेयक पारित

काठमाडौँ-व्यवस्थापिका संसद्को आजको बैठकले बोक्सीको आरोप (कसुर र सजाय) विधेयक २०७१ सर्वसम्मतिले पारित गरेको छ ।

संविधान जारी गर्दा स्थापित विधि, प्रक्रिया र मूल्य मान्यता मिचिँदैन: नेम्वाङ

काठमाडौँ- संविधानसभाका अध्यक्ष सुवास नेम्वाङले संविधानको प्रारम्भिक मस्यौदामा नागरिकबाट आएको सुझावलाई गम्भीरतापूर्वक लिई त्यसलाई सम्बोधन गर्ने प्रक्रिया सुरु भइसकेको बताएका छन् ।

भट्टराई भने– प्रत्यक्ष निर्वाचित कार्यकारी प्रमुख उचित

काठमाडौं–संवैधानिक राजनैतिक सम्वाद तथा सहमति समितिका सभापति बाबुराम भट्टराईले दिगो शान्ति, स्थायी सरकार, राजनीतिक स्थायित्व तथा आर्थिक समृद्धिको लागि जनताबाट निर्वाचित प्रत्यक्ष कार्यकारी प्रमुखको आवश्यक रहेकोमा जोड दिएका छन् ।

धर्ममा नयाँ सहमति, नागरिकताको विषयलाई थप स्पष्ट पारिने

काठमाडाैँ– प्रमुख चार राजनीतिक दलले संविधानको प्रारम्भिक मस्यौदामा जनताले दिएको सुझावलाई आधार मानेर धर्मको विषयमा नयाँ सहमति र नागरिकताको अस्पष्टतालाई स्पष्ट पार्ने भएका छन्।

परराष्ट्र मन्त्री पाण्डे र माल्दिभ्सका विदेश मन्त्री मौमुनबीच भेटवार्ता

काठमाडाै– परराष्ट्र मन्त्री महेन्द्र बहादुर पाण्डेले सोमबार मालेमा माल्दिभ्सका वैदेशिक मामिला मन्त्री डुन्या मौमुनसँग उनकै कार्यकक्षमा भेटवार्ता गरेका छन्।

नेता नेपालको स्वास्थ्यमा क्रमिक सुधार

काठमाडौँ-नेकपा (एमाले) का नेता एवम् पूर्व प्रधानमन्त्री माधवकुमार नेपालको स्वास्थ्य अवस्था सामान्य बन्दै गएको छ । उच्च रक्तचापका कारण टाउको दुखेपछि उनलाई अघिल्लो दिन वीर अस्पतालमा भर्ना गरिएको थियो ।

नेकपा माओवादीका सात नेता–कार्यकर्ता गिरफ्तार

गुल्मी–नेत्रविक्रम चन्द नेतृत्वको नेकपा माओवादी गुल्मीका जिल्ला सेक्रेटरी बिष्णु पन्तसहित सात नेता कार्यकर्तालाई प्रहरीले पक्राउ गरेको छ। प्रहरीले सोमबार राति ८ बजे उनीहरूलाई गिरफ्तार गरेको हो ।