Thursday 14 Jestha, 2072 |
Menu

राजनीति

ज्ञानेन्द्रलाई पहिलो राष्ट्रपति बन्न प्रस्ताव गरेको हो : भट्टराई

(0 votes)

काठमाडौं — एमाओवादी केन्द्रीय सदस्य बाबुराम भट्टराईले पार्टीको नीति अनुसार आफूले कमल थापामार्फत् ज्ञानेन्द्रलाई पहिलो राष्ट्रपति बन्न प्रस्ताव गरेको बताएका छन्। 'मैले पार्टीको घोषित नीति अनुसारै यदि ज्ञानेन्द्र नेपाली सिंहानूक बन्न तयार भएमा उनलाई गणतन्त्र नेपालको पहिलो राष्ट्रपति बनाउन सकिने प्रस्ताव राखें', फेसबुक स्ट्यासमार्फत् शुक्रबार भट्टराईले भनेका छन्- 'कमल थापाले संवैधानिक राजतन्त्र मानिदिने आग्रह गरे।'




राजासँग मिल्न प्रस्ताव गर्ने पहिलो व्यक्ति भट्टराई नै हुन् भनेर कमल थापाले सार्वजनिक अभिव्यक्ति दिएको २ दिनपछि भट्टराईले त्यसको जवाफ फर्काउँदै पूर्ण असत्यभन्दा अर्धसत्य बढी भ्रमणपूर्ण र खतरनाक हुने बताएका छन्। 'कमल थापाले अहिले त्यस्तै एउटा अर्ध-सत्यको सहाराले ठुलै पंक्तिमा भ्रम छरेको प्रतीत हुन्छ', भट्टराईले भनेका छन्।

भट्टराई फेसबुक स्ट्याटसको पूर्ण पाठ

पूर्ण असत्य भन्दा अर्ध-सत्य बढ़ी भ्रमपूर्ण र ख़तरनाक हुन्छ । कमल थापाले अहिले त्यस्तै एउटा अर्ध-सत्यको सहाराले ठुलै पंक्तिमा भ्रम छरेको प्रतीत हुन्छ ।


२०५९-६० मा भएको दोश्रो सरकार-माओवादी वार्तामा मेरो नेत्रित्वमा वार्ताटोली आएको थियो । पार्टीको बटमलाइन त्यतिबेला संविधानसभा र गणतन्त्र थियो । साथै यदि राजा त्यसमा सहमत हुन्छन् र देशलाई थप रक्तपातबाट बचाउन तथा राष्ट्रिय स्वाधीनताको पक्षमा योगदान गर्न तयार हुन्छन् भने उनलाई पहिलो राष्ट्रपतिको रुपमा स्वीकार्न पनि सकिन्छ भन्ने थियो । यो कुरा मैले वार्ताटोली काठमाण्डौमा सार्वजनिक हुने वित्तिकै खुलै रुपमा भनेको थिएँ, जुन त्यतिबेलाको अखबार पल्टाएर हेरे पुष्टी हुन्छ । मैले त्यतिबेला ज्ञानेन्द्रलाई प्रत्यक्ष भेटेर यो कुरा बताउन चाहेको थिएँ । तर उनले भेट्नै मानेनन् भन्ने कुरा उनका दूतहरुबाट आयो । त्यसबखत लोकेन्द्र चन्द प्र.म. थिए भने वार्ताकारका हर्ता़कर्ता नारायण सिंह पुन र रमेशनाथ पाण्डे थिए । पछि सुन्नमा आयो कुनै अनधिक्रित मान्छेले ज्ञानेन्द्रलाई पहिल्यै हामी माओवादी संवैधानिक राजतन्त्र मान्न तयार छौं भनेकाले वार्तामा वोलाइएको रहेछ तर पछि त्यस्तो नपाएपछि उनी रिसाएर मसंग भेट्न नमानेको हामीले अनुमान गर्यौं । जे होस् काठमाण्डौमा भएको दुई चरणको वार्तामा कुनै परिणाम आउने लक्षण नदेखे पछि हामी वार्ता भंगको मनस्थितिमा पुग्यौं ।


त्यसै वीचमा ज्ञानेन्द्रले लोकेन्द्रलाई हटाएर सूर्यबहादुरलाई प्र. म. बनाए र सरकारी वार्ता टोलीमा कमल थापा, प्रकाशचन्द्र लोहनीलाई राखे । दांगको हापुरेमा तेश्रो र हाम्रो बुझाइमा अन्तिम चरणको वार्ता हुने भयो । कमल थापा मेरा कलेजका सहपाठी र राम्रै चिनजानका मान्छे भएकाले औपचारिक वार्ता भन्दा पहिल्यै उनी मार्फत ज्ञानेन्द्र समक्ष हाम्रो प्रस्ताव फेरि एकचोटि पठाउनु उपयुक्त ठान्यौं । पहिलो चरणमा नारायणसिंह पुन मार्फत विवेक शाह हुँदै हाम्रो प्रस्ताव ज्ञानेन्द्र समक्ष पुग्यौं कि पुगेन हामीलाई शंकै थियो । त्यसैक्रममा हाम्रै पहलमा नेपालगंजमा धवलशमशेर राणाको घरमा कमल थापा र मेरो लामो कुराकानी भएको हो । त्यहाँ मैले पार्टीको घोषित नीति अनुसारै यदि ज्ञानेन्द्र नेपाली सिंहानूक बन्न तयार भएमा उनलाई गणतन्त्र नेपालको पहिलो राष्ट्रपति बनाउन सकिने प्रस्ताव राखें । कमल थापाले संवैधानिक राजतन्त्र मानिदिने आग्रह गरे । हाम्रो कुरा मिलेन । उनले हाम्रो प्रस्ताव ज्ञानेन्द्र समक्ष पुर्याए पुर्याएनन् थाहा भएन । पछि हापुरे वार्ता असफल भयो र हामी फेरि जनयुध्दमा फर्कियौं ।
सत्यतथ्य यत्ति हो । त्यसपछिको १२-वुँदेदेखिको इतिहास सबैलाई थाहै छ । दरबार हत्याकाण्डको दिनदेखि नेपालमा गणतन्त्रको उदय भैसकेको मान्यता राख्ने हामीले 'बेबी किंग' वा ' सांस्कृतिक राजा' वा अन्य कुनै विशेषणयुक्त राजतन्त्र मान्ने कुरा सपनामा पनि कसरी सम्भव होला र?

(बाबुराम भट्टराईको फेसबुक पेजबाट)

संविधान निर्माण प्रक्रिया छिटो टुंग्याउनुपर्छ : दाहाल

धुलिखेल–एमाओवादी अध्यक्ष पुष्पकमल दाहाले संविधान निर्माणको काम पुरा गरेर नव निर्माणमा लाग्नु पर्ने बताएका छन्। संविधान निर्माणको काम अलपत्र परेको प्रति संकेत गर्दै दाहालले संविधान निर्माणको काम पुरा गरेर विपद...

राष्ट्रिय अनुसन्धान विभागको प्रमुखमा दिलीप रेग्मीको बढुवा

काठमाडौं–जितबहादुर केसीको कार्यकाल सकिएपछि राष्ट्रिय अनुसन्धान विभागका प्रमुखमा दिलीप रेग्मी नियुक्त भएका छन्। बिहीबार बसेको मन्त्रिपरिषद बैठकले रेग्मीलाई विभागको प्रमुखको जिम्मेवारी दिएको सामान्य प्रशासन मन्त्री लालबाबु पण्डितले जानकारी दिए।

राष्ट्रपतिले साँझ भिडियो सन्देश दिने

काठमाडौँ-राष्ट्रपति डा रामवरण यादवले मुलुकमा प्राकृतिक विपत्तिपछिको अवस्था र गणतन्त्र दिवसका अवसरमा आज साँझ भिडियो सन्देश दिने भएका छन ।

नेपाली सेनाको गुन सम्झेर हाइटीले दियो १० करोड

नेपाली सेनाको गुन सम्झेर हाइटीले दियो १० करोड

काठमाडौं– क्यारेबियन राष्ट्र हाइटीले नेपालका भूकम्प पीडितलाई करिब १० करोड रुपैयाँ (१० लाख अमेरिकी डलर) दिएको छ। हाइटीले उक्त रकम रेडक्रसमार्फत् उपलब्ध गराएको हो। हाइटीका राष्ट्रपति मिचेल जोसेफ मार्टलीले उक्त...

५० लाख किलो चामल खै?

५० लाख किलो चामल खै?

काठमाडौं-भूकम्प प्रभावितका लागि बंगलादेशले पठाएको १० हजार मेटि्रक टन (१ करोड केजी) चामलमध्ये ५ हजार मेटि्रक टन (५० लाख केजी) बीचैमा गायब भएको छ। भूकम्प प्रभावित जिल्लामा राहतस्वरुप बाँड्न ल्याइएको चामल...

सशस्त्रलाई पक्राउ अधिकार नदिन लबिङ

काठमाडौं– सशस्त्र प्रहरीको प्रस्तावित नियमावलीमा उल्लेख अपराधमा संलग्नलाई पक्राउ गर्ने र पक्राउपुर्जी जारी गर्ने अधिकार हटाउने लबिङमा नेपाल प्रहरी नेतृत्व सक्रिय भएको छ।

संविधानसँगै राष्ट्रिय सरकार : प्रधानमन्त्री

संविधानसँगै राष्ट्रिय सरकार : प्रधानमन्त्री

काठमाडौं– प्रधानमन्त्री सुशील कोइरालाले संविधान निर्माणसँगै राष्ट्रिय सहमतिको सरकार र मुलुकको नवनिर्माणको काम सुरु गर्नुपर्ने बताएका छन्।

‘कमसल खाद्यान्न दिनेलाई कारबाही गर'

काठमाडौं-राष्ट्रिय मानवअधिकार आयोगले चामल गुणस्तरहीन खाद्यान्न उपलब्ध गराउनेलाई कानुनी कारबाही गर्न सरकारको ध्यानाकर्षण गराएको छ।