Thursday 13 Kartik, 2071 |
Menu

राजनीति

पूर्व राजपरिवारले प्रशासन रोहोवरमा राहत वितरण गर्ने

  • शुक्रबार ११ श्रावण, २०७०
  • दिलबहादुर छत्याल
  • DISQUS_COMMENTS
(0 votes)
धनगढी - पूर्व राजा ज्ञानेन्द्र शाह तथा हिमानी कोषले बाढीपीडितलाई जिल्ला प्रशासनको रोहबरमा राहात वितरण गर्ने भएका छन्। प्रमुख जिल्ला अधिकारी वेदप्रकाश लेखकले राहत आफैँ वितरण नगर्न निर्देशन दिएपछि उनीहरुले जिल्ला प्रशासनको रोहोवरमा राहात वितरण गर्ने भएका हुन्। राहात वितरणका लागि पूर्व राजा धनगढीबाट टीकापुर गइसकेका छन् भने जिल्ला प्रशासनबाट प्रशासकीय अधिकृत चिरञ्जीवी घिमिरे गएका छन्।
'पूर्वराजालाई आफैँ राहात वितरण नगर्नुहोस, हामीलाई राहत सामाग्री दिनुहोस। भर्पाइ बनाइदिन्छौं भनेका छौं,' प्रमुख जिल्ला अधिकारी लेखकले भने, ' राहत वितरण गर्ने बेला उनीहरुको कुनै एक जना उपस्थित हुन दिने भनिएको छ।'
पूर्वराजाका सचिवसँग कुरा भएको र उनीले आफैँ राहत वितरण नगर्ने, जिल्ला प्रशासनका प्रतिनिधी मार्फत राहत वितरण गर्नेमा सहमति जनाएको प्रजिअ लेखकले बताए।
प्रमुख जिल्ला अधिकारी लेखकका अनुसार जिल्ला प्रशासनका घिमिरेले राहत वितरण गर्ने छन् भने पूर्व राजपरिवारका एक जना सहभागी हुने छन्।
पूर्वराजाका सचिव फणेन्द्र पाठकले जिल्ला प्रशासनसँग समन्वय गरेर बाढीपीडितलाई राहत वितरण गरिने बताए।
'राहात वितरणका लागी पूर्व राजा टीकापुर सवारी भएको छ। जिल्ला प्रशासनसँग समन्वय गरेर राहत वितरण गरिन्छ,' उनले भने।
यसअघि बुधवार दार्चुलामा पूर्वराजाको सहभागितामा हिमानी शाहले आफैँ राहत वितरण गरेकी थिइन्।
निर्वाचन आचारसंहिता लागु भइसकेकाले जिल्ला प्रशासन मार्फत मात्र राहात वितरण गर्न निर्देशन आएपछि आज जिल्ला प्रशासनको रहोवरमा राहत वितरण गर्न थालिएको हो।
यस अघि पत्रकार सम्मेलन गरि हिमानी कोषका पदाधिकारीले आचारसंहिता विपरित नहुने भन्दै आफैँ राहत वितरण गर्ने जनाएका थिए।

राजनीतिक भागबन्डाले सहमति जटिल : भट्टराई

कठमाडौं– संवैधानिक-राजनीतिक संवाद तथा सहमति समितिका अध्यक्ष बाबुराम भट्टराईले संविधानका विवादित विषयमा सहमतिमा पुग्ने कार्य केही नेता र पार्टीको सत्ताप्रतिको चासोले गर्दा जटिल भएको बताएका छन्। कुनै पार्टीको नाम नलिई...

संघीयता बारे रसियन राजदूतले के भने?

काठमाडौं– नेपालका लागि रुसका राजदुत सेरेगेई भ्यासिलोभिच भेलिच्किनले यान्त्रिक पहिचानको आधारमा संघीय राज्य बनाउन नहुने सुझाव दिएका छन्। बिहीबार रिपोर्टर्स क्लबले आयोजना गरेको साक्षात्कार कार्यक्रममा राजदुत भेलिच्किनले सिमान्तकृत तथा पिछडिएका...

कोइराला, ओली र दाहाल गोप्य बैठक गर्दै

काठमाडौं– संविधान सभाका विवादित विषयमा सहमति जुटाउन सक्रिय मुख्य तीन दलका शीर्ष तीन नेताहरुले गोप्य बैठक गर्ने भएका छन्। आज अपरान्हका बबरमहल स्थित शान्ति कोषको सचिवालयमा तोकिएको बैठक विषय प्रवेश...

भट्टराईद्वारा सूर्यबहादुर र कमल थापाहरुसँग परामर्श

काठमाडौं— संविधान सभाको संवैधानिक–राजनीतिक संवाद तथा सहमति समितिका सभापति बाबुराम भट्टराईले बिहीबार पूर्वपञ्च एवं कम्युनिस्ट नेताहरुसँग सामुहिक परामर्श गरेका छन्। आज उनले पूर्वप्रधानमन्त्री सूर्यबहादुर थापा, राप्रपा नेपालका अध्यक्ष कमल थापा,...

प्रदेशमा कांग्रेस–एमालेबीच सहमति

काठमाडौं- संविधान सभाका मुख्य दुई ठूला दल नेपाली कांग्रेस र नेकपा (एमाले) ले ६ वा ७ प्रदेशमा राज्यको संघीय पुन:संरचना गर्नेबारे सहमत भएका छन्।

१० दिनमा १४२ अभियुक्त पक्राउ

काठमाडौं-अदालतबाट भएको अन्तिम फैसला बेवास्ता गरेर बसेका अभियुक्तसँग कैद तथा जरिवाना असुल गर्न न्यायालयले अभियान थालेयता १ सय ४२ जना पक्राउ परेका छन्।

क्षतिपूर्ति बडापत्र लागु गर्न निर्देशन

काठमाडौं-राष्ट्रिय सतर्कता केन्द्रले क्षतिपूर्तिसहितको बडापत्र सञ्चालनमा ल्याउन सबै सरकारी निकायलाई निर्देशन दिएको छ। केन्द्रले सबै मन्त्रालयहरुलाई मातहतका निकायमा ढिलासुस्ती रोक्न क्षतिपूर्तिसहितको नागरिक बडापत्र सञ्चालनमा ल्याउन निर्देशन दिएको हो।

सार्क सम्मेलनको नारा- ‘शान्ति र समृद्धिका लागि गहन सम्मिलन'

काठमाडौं– आसन्न दक्षिण एसियाली क्षेत्रीय सहयोग सङ्गठन (सार्क) को अठारौं शिखर सम्मेलनका लागि ‘शान्ति र समृद्धिका लागि गहन सम्मिलन' भन्ने नारा तय भएको छ। शिखर सम्मेलन आगामी मङ्सिर १० र...