Sunday 9 Kartik, 2071 |
Menu

राजनीति

'चुनाव बहिष्कार जनतालाई धोका'

  • शुक्रबार ११ श्रावण, २०७०
  • तिलक पाठक
  • DISQUS_COMMENTS
(0 votes)
काठमाडौं - मोहन वैद्य नेतृत्वको नेकपा–माओवादीले प्रतीकात्मक शैलीले मतपेटिका फुटाएर बिहीबार सुरु गरेको संविधानसभा चुनाव बहिष्कारलाई प्रमुख राजनीतिक दलका नेताले 'जनताप्रति धोका भएको' टिप्पणी गरेका छन्।
एकीकृत नेकपा माओवादीका नेता अग्नि सापकोटाले संविधानसभा चुनाव बहिष्कार गर्ने कार्य जनताको भावनाविपरीत भएको बताए। 'संविधानसभा चुनाव बहिष्कार गर्ने र बिथोल्ने कार्य देश र जनताको आवश्यकताविपरीत कार्य हो,' सापकोटाले नागरिकसँग भने, 'यो जनताप्रतिको धोका र विश्वासघात हो।' जनताले गरेको संघर्षको परिणाम नै संविधानसभा भएको बताउँदै सापकोटाले भने, 'अब यो उपलब्धिलाई मास्न खोज्नु जनताको हितविपरीत जानु हो।' 
नेपाली कांग्रेसका नेता विमलेन्द्र निधिले चुनाव बहिष्कार कार्य जनविरोधी भएको टिप्पणी गरे। 'उहाँ (वैद्य माओवादी) हरूको चुनाव बहिष्कार र बिथोल्ने कार्य जनविरोधी छ,' निधिले भने, 'संविधान नबनाउने यस किसिमको कार्य खेदजनक पनि छ।' 
संविधानसभा चुनाव नगर्नु सार्वभौमसत्ता सम्पन्न जनताको अपमान र खिलाफ भएको बताउँदै निधिले भने, 'नेपालको मालिक नेपाली जनता हुन् भन्ने विश्वास गर्नेहरू चुनावबाट भाग्न सक्दैनन्।' नेकपा–माओवादीले जनताको एजेन्डामाथि विश्वास नगरेको निधिको भनाइ छ।
एमाले नेता शंकर पोखरेलले चाहिँ वैद्य माओवादीले चुनाव बहिष्कार गरेर जनताको एजेन्डालाई नै बहिष्कार गरेको बताए। 'आफ्नो एजेन्डामा भरोसा भएका दलहरू जनतामा जाने गर्छन्। नेकपा–माओवादीलाई पनि आफ्नो एजेन्डामा भरोसा भए जनतासमक्ष जानु नै बुद्धिमानी हुन्छ,' पोखरेलले भने, 'अहिलेको अवस्थामा चुनाव बहिष्कार अभियान सम्भवै छैन।' 
एनेकपा माओवादी नेता सापकोटाले जनताले चुनाव चाहिरहेका बेला नेकपा–माओवादीले बहिष्कार गर्नुको औचित्य नभएको बताए। 'जनताको अधिकार खोसेर फेरि जनताकै हितको कुरा गर्नु आफैंमा विरोधाभाषपूर्ण र झुक्याउने चालबाजी हो,' सापकोटाले भने। दोस्रो संविधानसभाको विकल्प खोज्ने कार्यले देशलाई अराजकता र संकटतर्फ लैजाने बताउँदै उनले भने, 'चुनाव बहिष्कार गर्ने कार्यले उहाँ (नेकपा–माओवादी) हरू आफैं जनताबाट बहिष्कृत हुनुहुन्छ।' 
राजनीतिक समिति लचिलो हुँदाहुँदै पनि नेकपा–माओवादीले वार्ता र चुनावी प्रक्रियाबाट भागेर देशलाई अराजकता र संकटतर्फ लैजान खोजेको पनि सापकोटाको भनाइ छ। यसले परिवर्तन र अग्रगमनका विरोधी शक्तिलाई फाइदा पुग्ने बताउँदै उनले भने, 'यसबाट पनि उहाँहरूले कसको हित गरिरहनुभएको छ, त्यो खुल्दै जानेछ।' सहकार्यको कुरा गरेर राजावादीहरूको सहयोगी बन्दै गएको पनि उनले बताए। 'चुनाव बहिष्कार गर्ने रणनीतिक चालबाजी गरिराख्नुभएको छ। यसले उहाँहरूलाई नै घाटा पुर्यादउँछ। र, यो उहाँहरूका लागि आत्मघाती कदम हुनेछ,' सापकोटाले भने।
अघिल्लो संविधानसभालाई जोगाउन नसक्नु गम्भीर गल्ती भएको बताउँदै उनले भने, 'तर, एकपटक दुर्घटना भयो भन्दैमा अर्काे दुर्घटना निम्त्याउन खोज्नु यसअघिका उपलब्धिलाई पनि सिध्याउन खोज्नु हो।' 
अघिल्लो संविधानसभाले गणतन्त्र, धर्मनिरपेक्षता, सामाजिक न्याय, समानुपातिक निर्वाचन प्रणाली, समावेशीकरणजस्ता विषयहरूलाई स्थापित गरेको बताउँदै नेकपा–माओवादीले ती उपलब्धिसमेत मास्ने प्रयत्न गरेको सापकोटाको भनाइ छ। 
एकपटक संविधानसभाले संविधान बनाउन नसकेकाले नेकपा–माओवादीले विकल्पस्वरूप संविधानसभाबाहिरबाट संविधान बनाउने अभिव्यक्ति दिएकोप्रति सापकोटाले भने, 'एउटा सन्तानको मृत्यु भयो भन्दैमा अर्काे नजन्माउने कुरा सृष्टिविरोधी कार्य हो।' साथै, संविधानसभाभन्दा बाहिरबाट संविधान बनाउने कार्य सर्वथा गलत भएको पनि उनले बताए। 
यता, एमाले नेता पोखरेलले पनि चुनाव बहिष्कार गर्ने र संविधानसभाभन्दा बाहिरबाट संविधान बनाउने नेकपा–माओवादीको सोच अतिवादी भएको टिप्पणी गरे। आफ्नो एजेन्डा जनतामा स्थापित गर्न चुनावमा जानुको सट्टा बहिष्कार गर्दा त्यस्तो शक्ति नै जनताबाट एक्लिने पनि उनले बताए। 'उनीहरूलाई चुनावमा आफ्नो पोजिसन राम्रो होला भन्ने विश्वास छैन। त्यसले बहिष्करणतिर जान उत्प्रेरित गरेको हुन सक्छ,' उनले भने, 'बहिष्कार भनिरहेको अवस्थामा कथंकदाचित चुनाव सर्यो भने आफ्नो राजनीतिक विजय हुन्छ भन्ने पनि सोचेका हुन सक्छन्।' 
झट्ट हेर्दा अहिले प्रमुख चारदलबीच चुनावका विषयमा एकरूपता नभए पनि नेकपा–माओवादीको बहिष्कारको उग्रताले प्रमुख शक्तिलाई एक ठाउँमा ल्याउने पनि उनले बताए। 'जति उनीहरू (नेकपा–माओवादी) उग्र हुँदै जान्छन्, त्यसले नै चारदललाई चुनावप्रति झन् बढी प्रतिबद्ध बनाउँदै लैजान्छ,' पोखरेलले भने। शान्ति–सुरक्षाको दृष्टिले केही चुनौती थपिए पनि यही कारण चुनाव नरोकिने पनि पोखरेलले प्रस्ट्याए। 'नेकपा–माओवादीको बहिष्करणले चुनाव हुने/नहुने कुरामा सरोकार राख्दैन,' पोखरेलले भने, 'प्रमुख चार राजनीतिक शक्ति प्रतिबद्ध हुने हो भने माओवादीले चुनाव रोक्न सक्दैन।'

प्रधानमन्त्रीले भट्‍टराईलाई भने- सहमति छिटो गर्नोस्

काठमाडौं—संवैधानिक, राजनीतिक संवाद तथा सहमति समितिका सभापति बाबुराम भट्टराईले तिहारमा पनि राजनीतिक भेटवार्तालाई तीब्र पारेका छन्। संविधानका अन्तरबस्तुका विवादमा सहमति जुटाउन भट्टराईले आज बिहान प्रधानमन्त्री सुशील कोइरालासँग भेटवार्ता गरेका छन्।

आन्दोलनको धम्कीले संविधान रोकिँदैन : प्रधानमन्त्री

भक्तपुर– प्रधानमन्त्री सुशील कोइरालाले संविधान निर्माण प्रक्रियामा कसैको डरधम्कीबाट अवरोध गर्न नसक्ने बताएका छन्।

सार्कलाई सफलतापूर्वक सम्पन्न गर्न सम्पूर्ण नेपाली जुटौँ : परराष्ट्र मन्त्री

काठमाडौँ– परराष्ट्रमन्त्री महेन्द्रबहादुर पाण्डेले दक्षिण एसियाली सहयोग संगठन (सार्क)को आगामी मंसिर १० र ११ गते यहाँ हुने १८औँ शिखर सम्मेलनलाई सफलतापूर्वक सम्पन्न गर्न सम्पूर्ण नेपालीलाई जुट्न आह्वान गरेका छन्।

मन्त्रालयहरूको लेटरप्याडमा नेपाल संवत् अङ्कित हुनुपर्छः प्रधानमन्त्री

मन्त्रालयहरूको लेटरप्याडमा नेपाल संवत् अङ्कित हुनुपर्छः प्रधानमन्त्री

काठमाडौं—प्रधानमन्त्री सुशील कोइरालाले संविधानलाई लिएर आन्दोलन, हड्ताल र तोडफोडमा नउत्रन सबैसँग आग्रह गरेका छन्। नेपाल संवत् न्हूदँ राष्ट्रिय समारोह समिति ११३५ द्वारा नयाँ वर्षको उपलक्ष्यमा आज वसन्तपुरमा आयोजित समारोहलाई सम्बोधन...

भट्टराई–ओलीबीच गौशालामा वार्ता

काठमाडौं—संविधान सभाको राजनीतिक संवाद तथा सहमति समितिका सभापति बाबुराम भट्टराईले एमाले अध्यक्ष केपी ओलीसँग भेट गरेका छन्। तिहारको देउसी र भैली चलिरहँदा भट्टराईले गौशालाको एक घरमा अध्यक्ष ओलीसँग भेट गरेका...

पाकिस्तानी प्रमलाई सार्क शिखरसम्मेलनको निम्तो

काठमाडौँ-परराष्ट्रमन्त्री महेन्द्रबहादुर पाण्डेले पाकिस्तानी प्रधानमन्त्री मिया महम्मद नवाज सरिफलाई दक्षिण एसियाली क्षेत्रीय सहयोग सङ्गठन (सार्क)को काठमाडौँमा हुने शिखर सम्मेलनको निम्तोपत्र बिहीबार हस्तान्तरण गरेका छन्।

राष्ट्रपतिको शुभकामनाः संविधानले मात्र शान्ति र आर्थिक समृद्धि

काठमाडौं– राष्ट्रपति रामवरण यादवले तोकिएको समयभित्र नयाँ संविधान जारी गरी मुलुकबासीको चाहना पूरा गर्न सम्बन्धित पक्षलाई आग्रह गरेका छन्। नेपालीहरूको महान चाड तिहार र नेपाल संवतका अवसरमा बुधबार राष्ट्रपति यादवले...

संघीयतामा फेरि बखेडा

काठमाडौं— संविधान निर्माणको गतिरोध अन्त्य गर्न गोकर्ण रिसोर्टमा बसेको प्रमुख तीन दलको बैठक बिनानिष्कर्ष टुंगिएको छ । संविधानका विवादित विषयमा दलहरू टसमस नभएपछि कात्तिक ९ र १० गते छलफल गर्ने...