Tuesday 18 Jestha, 2073 |
Menu

राजनीति

republica-headerdiscount-subscribe1

istl

पूर्व अर्थसचिव खनाल प्रत्यक्ष चुनाव लड्ने

  • मङ्गलबार ८ श्रावण, २०७०
  • टेकनारायण भट्टराई
  • Be the first to comment!
(0 votes)
पाल्पा- नेपाल सरकारका पूर्व अर्थसचिव रामेश्वर खनाल सक्रिय राजनीतिमा उत्रने तयारीमा जुटेका छन्। गृह जिल्ला पाल्पाबाट आगामी संविधान सभा निर्वाचनमा प्रत्यक्ष उमेद्वारका रुपमा चुनाव लड्ने वातावरण बनाउन खनालले सक्रियता बढाएका छन्।
nepali-patro-may

पाल्पामा पाँचदिन बसेर मंगलबार राजधानी फर्केका खनालले आफू 'चुनावी सर्वेक्षण’ भ्रमणमा जिल्ला आएको बताए। उपयुक्त वातावरण बनाएर राजनीतिमा सक्रिय हुने आफ्नो इच्छा रहेको खनालले स्पष्ट पारेका छन्। नागरिकन्युजसँगको कुराकानीमा खनालले उपयुक्त 'स्पेस’ मिल्यो भने पाल्पाबाटै प्रत्यक्ष चुनावमा उत्रने उनले खुलासा गरे। 'वास्तवमा यो भ्रमण चुनावी सर्वेक्षण भ्रमण नै हो,’ उनले भने, 'तर म अस्वस्थ प्रतिस्पर्धामा उत्रन भने चाहन्न।’ 


उनले कुन दलबाट चुनाव लड्ने भन्ने खुलाउन चाहेनन्। एकीकृत माओवादी, नेपाली कांग्रेस र नेकपा एमालेबाट आफूलाई प्रस्ताव आएको उनले खुलाए। 'कुन दल भन्ने अहिले नभनौं, अहिले अस्तित्वमै रहेका दलमध्ये कुनै एक हुन्छ,’ खनालले भने, 'कसैलाई गिराएर र छिर्के हानेर चुनाव लड्ने चाहना छैन। स्वस्थ प्रतिष्प्रधाको वातावरण बन्यो भने म चुनाव लड्छु।’ उनले जिल्लामा रहँदा आफ्ना विश्वासका समकक्षी, गुरूहरु र पारिवारिक तहमा यसबारे सुझाव संकलनसमेत गरेका बुझिएको छ।


कहिलेदेखि खुलेर राजनीतिमा लाग्नुहुन्छ? भन्ने प्रश्नरमा उनले छिट्टै निर्णय हुने बताए। 'केही दिनमै निर्णय हुनसक्छ, धेरै समय लाग्दैन,’ उनले भने। खनालले पाल्पामा वातावरण नमिले अन्यत्रबाट भए पनि प्रत्यक्षमै चुनाव लड्ने सम्भावना रहेको बताए। 'यहाँ अनुकूल भएन भने अन्यत्रबाट पनि हुनसक्छ,’ उनले भने। समानुपातिक तर्फबाट चयन हुने चाहना नभएको उनले स्पष्ट पारे। 'टीको लगाएर म काम गर्दिन, चुनावबाटै छानिएर काम गर्दा उच्च मनोबल हुन्छ।’ उनले यसअघि मनोनित भएर काम गर्दा पूर्ण अधिकार नपाएकोले चाहेजस्तो काम गर्न नसकेको गुनासो समेत गरे।


खनालले राष्ट्रको विकासका लागि आफूले राजनीतिमा उत्रने चाहना राखेको बताएका छन्। देशको आर्थिक समृद्धिका लागि पहिले राजनीतिमा प्रयाप्त सुधार आवश्यक रहेको उनले औंल्याए। 'कर्मचारी जीवनबाट मैले राष्ट्रका लागि सक्दो योगदान दिएँ,’ उनले भने, 'बाँकी बँचेको १०–१५ वर्षको सक्रिय जीवन पनि देश निर्माणका लागि खर्चने चाहना छ।’
उत्कृष्ट शिक्षा हासिल गरेका व्यक्तिहरु राजनीतिमा आकर्षित हुन नसक्नु देशको दुर्भाग्य भएको खनालको भनाइ छ। 'राम्रो ज्ञान, सीप हासिल गरेका व्यक्तिहरु व्यक्तिगत र पारिवारिक जीवन राम्रो बनाउनमा मात्रै सिमिति हुनुहुन्न,’ उनले नागरिकसँग भने, 'राष्ट्रिय जीवनमा योगदान पुर्यानउन दक्ष जनशक्ति नै चाहिन्छ, नेपालमा सामान्य व्यक्तिले मात्रै राजनीति गर्ने भन्ने धारणा छ, यो गलत हो।’ क्षमतावान पलायन हुँदा राजनीति सङ्लो हुन नसकेको उनले बताए। 


'उत्कृष्ट अंकसहित उच्च शिक्षा हासिल गरेका युवाले डाक्टर, इन्जिनियर बन्ने र विकसित मुलुकमा काम गर्न गएर व्यक्तिगत वा पारिवारिक समृद्धि त हासिल गर्लान् तर मुलुक समृद्ध नभइ व्यक्तिगत समृद्धिले कुनै माने राख्दैन।’ खनालले भने, 'त्यसले कुनै गर्व सिर्जना गर्दैन, मुलुकको समृद्धिका लागि त्यस्ता प्राविधिक दक्षतायुक्त युवा राजनीतिमा आउन आवश्यक छ,’ उनले अगाडी थपे, 'त्यहि प्रेरणाका लागि पनि बाँकी जीवनको एउटा हिस्सा राजनीतिमा सुम्पने निर्णयमा पुगेको हुँ।’


अन्तर्राष्ट्रिय तहमा सिर उठाएर कुरा गर्नसक्ने हैसियतमा नेपालीलाई पुर्या उन सकिने भन्दै त्यसका लागि पहिले राजनीतिक अस्थिरताको अन्त्य हुनुपर्नेमा उनले जोड दिए।

प्रतिक्रिया

'तराई गणतन्त्रको आधारभूमि'

लहान—बिपी कोइरालाको नेतृत्वमा २००६ सालअगाडि प्रजातन्त्रका लागि सुरु भएको संघर्षको केन्द्रविन्दु वीरगन्ज थियो । त्यतिबेलै वीरगञ्ज देशको आर्थिक मेरुदण्ड थियो। त्यही आन्दोलनले राणा शासकको सत्ता हल्लाएको थियो। गिरिजाप्रसाद कोइराला र मनमोहन...

मधेसी मोर्चा कांग्रेसको साथमा

काठमाडौं– आफ्नो माग पूरा नभएको भन्दै निरन्तर रूपमा संसद बहिष्कार गर्दै आएका संयुक्त लोकतान्त्रिक मधेसी मोर्चाआबद्ध दलले दोहोरो चरित्र देखाउन थालेका छन्। तराई–मधेसको आन्दोलनले उठाएका माग पूरा नगरेको भन्दै संसद बहिष्कार...

संसदमा कांग्रेस क्रुद्ध

काठमाडौं— प्रमुख प्रतिपक्षी दल नेपाली कांग्रेसले आर्थिक वर्ष २०७३/७४ को बजेट सूचना चुहाइनुको कारण माग्दै सोमबार संसद बैठक अवरुद्ध गरेको छ। संसदमा प्रस्तुत गर्नुअघि नै बजेटको विस्तृत विवरण पत्रपत्रिकामार्फत सार्वजनिक गर्दा...

बढेको रकम व्यवस्थापन गर्न हम्मे

काठमाडौं-पुनर्निर्माणका लागि अतिरिक्त रकम व्यवस्थापन गर्न राष्ट्रिय पुनर्निर्माण प्राधिकरणलाई हम्मे परेको छ। आवश्यक रकमको प्रक्षेपण अघिल्लो वर्षभन्दा १ खर्ब ६९ अर्ब रुपैयाँ बढेपछि त्यसको जोहो कसरी गर्ने भन्ने समस्यामा प्राधिकरण...

नागरिक दैनिक देखाएर संसदमा हङ्गामा...(भिडियो)

काठमाडौं— सोमबार संसद बैठकको कार्यसूचि बजेटमाथि छलफल गर्ने थियो। बैठक सुरु हुनासाथ नेपाली कांग्रेसका सांसदहरुले ढ्यापढ्याप गर्दै बोल्ने समय मागे।

संघीय गठबन्धनले खुल्ला मञ्चमा रिले अनसन गर्ने

काठमाडौं—संयुक्त लोकतान्त्रिक मधेसी मोर्चा सम्बद्ध संघीय गठबन्धले रिले अनशनसहितका कार्यक्रम घोषणा गरेको छ।

सजाय घटाउने ऐन संशोधन खारेजीको माग गर्दै सर्वोच्चमा रिट

काठमाडौं– कालोबजारी गर्नेहरुलाई बचाउ गर्ने गरी सरकारले गरेको सजाय घटाउने ऐन संशोधन खारेजीको माग गर्दै सर्वोच्च अदालतमा रिट निवेदन दर्ता भएको छ। अधिवक्ताद्वय जगनाथ मिश्र र गुणराज पोखरेलले सरकारले १०...

समयको माग अनुसार संविधान परिवर्तनः सिटौला

नेपालगन्ज– नेपाली कांग्रेसका नेता कृष्णप्रसाद सिटौलाले संविधान राजनीतिक दस्तावेज भएको भन्दै समयको माग अनुसार परिवर्तन हुन सक्ने बताएका छन्। हालै जारी भएको नयाँ संविधान भने समय सान्र्दभिक भएकाले कार्यान्वयन गर्नुको...