Sunday 24 Magh, 2072 |
Menu

राजनीति

republica-headerdiscount-subscribe1

istl

निर्वाचन हुन नदिन ठूलै डिजाइन चलिराखेको छ : प्रचण्ड

  • १ असार, २०७०
  • चाँदनी हमाल
  • DISQUS_COMMENTS
(0 votes)
चितवन - एमाओवादी अध्यक्ष पुष्पकमल दाहालले आउँदो संविधानसभा निर्वाचनमा दुइतिहाई बहुमतले आफ्नो पक्षलाई विजयी गराउन आव्हान गरेका छन्। दाहालसँगै दुई उपाध्यक्ष बाबुराम भट्टराई र नारायणकाजी श्रेष्ठले पनि आफ्नो पक्षमा चुनावका लागि बहुमत जुटाउन अपिल गरे।
nepalipatro-nagarik
मंसिरमा संविधानसभाको निर्वाचन घोषणा भएलगत्तै गृहजिल्ला चितवन आएका प्रचण्डले आफूले निर्वाचनमा दुइतिहाई बहुमत ल्याए पाँच वर्षमा नयाँ नेपाल, दश वर्षमा समृद्ध नेपाल अनि बीस वर्षमा समृद्ध जनता बनाउने उद्घोष गरे। 'मंसिर ४ गते संविधानसभाको मिति घोषणा भएको छ हामी उत्साहित छौं,' उनले भने, 'संघीयता, परिवर्तन र लोकतान्त्रिक गणतन्त्रको पक्षमा दुइतिहाई बहुमत आउँछ भन्ने विश्वास लिएको छु।'
आज पूर्वी चितवनको खैरहनीमा आयोजित अखिल नेपाल शिक्षक संगठनको राष्ट्रिय सम्मेलन उद्घाटनमा सम्बोधन गर्दै उनले सरकारले घोषणा गरेको निर्वाचनको मितिलाई काँग्रेस,एमाले, मधेसी र आफ्नो दल सबैले स्वागत गरेको बताए। संघीय नेपाल निर्माणको मुद्धामा आधारित पक्षको विरुद्धमा बहुमत कसैले रोक्न नसक्ने दाबी उनले गरे। त्यही बहुमतबाटै जनताको संविधान बन्ने ठोकुवा पनि उनले गरे।
'पहिले बन्दुक देखाएर र तर्साएर जनता आफ्नो पक्षमा राखेको भन्ने आरोप उल्लेख गर्दै उनले भने, 'माओवादीको बन्दुक र सेना कन्टेनरमा राखेपछि तीनीहरुलाई देखाउन सकिन्छ भन्नेहरुले त्यतिबेला पनि ८, १० वा २० सिटमात्र ल्याउँछ भन्ने कल्पना गरेका थिए।' तर अझै पनि देशको माहोल आफूहरुकै पक्षमा रहेको उनले बताए। 
एमाओवादीको हेटौंडा महाधिवेशनपछि जनलहर आफूतिरै उर्लिएको उनले ठहर उनको छ। नेपाली जनताको जीवनमा परिवर्तन ल्याउने, उत्साह ल्याउने, आर्थिक समृद्धि गर्ने र समाजवादी क्रान्तिको तयारी गर्ने एजेण्डा निर्वाचनसँगै अघि बढ्ने जानकारी उनले दिए। 
आगामी मंसिरमा निर्वाचन हुन नदिन अझै पनि निकै ठूलो डिजाइन चलिराखेको जिकिर गर्दै उनले जनताको एजेण्डालाई कसैले रोक्न नसक्ने उल्लेख गरे। 'कहीँ न कहीँ प्रतिगामी तत्वहरु, पुनरुत्थानवादी शक्तिहरु संविधान नबनोस र सकेसम्म संविधानसभाको अर्को चुनाव नै नहोस भन्ने चाहन्छन्,' दाहालले भने, 'निर्वाचन नगरी एउटा अराजकस्थिति सृजना होस भन्ने चाहन्छन्।' परिवर्तनको पक्ष कमजोर होस भन्ने चाहना राख्ने र परिवर्तन विरोधी नीति आउने सपनाको तानाबाना बुन्दै रहेकाहरुको जिकिर उनले गरे। जनयुद्ध भनौ या जनआन्दोलन, मधेस आन्दोलन महिला, दलित, जनजाती सबै उत्पीडित वर्गको आन्दोलनको अपेक्षा नयाँ नेपाल भएपनि त्यो अझैपनि धरापमै रहेको उनले बताए। 
कार्यक्रममा बोल्दै उपाध्यक्ष बाबुराम भट्टराईले जनयुद्धपछि अब मनयुद्ध र मतयुद्धको पालो आएको बताए। जनयुद्धमा जुन भूमिका आम नागरिकले निर्वाह गरे त्यो भूमिका अबको संविधानसभाको लागि गर्न पनि उनले अपिल गरे। 'पहिलेको संविधानसभाबाट संविधान बन्न सकेन तर अब जनयुद्धको बलमा मनयुद्ध र मतयुद्धबाट बहुमत ल्याएर संविधान बनाउँछौ। ' अग्रगामी एजेण्डा बोकेको एमाओवादीको पक्षमा जनमत बनाउन उनले शिक्षकहरुसँग आग्रह पनि गरे।
आफूहरुको नौ महिने र १८ महिने शासनकालमा बजेट र नीतिहरुसमेत ल्याउन नदिएको उल्लेख गर्दै भट्टराईले अहिले स्थिति संक्रमणकालमा पाल टाँगेर बसेको बताए। अर्का उपाध्यक्ष नारायणकाजी श्रेष्ठले अबको चुनाव नेपाली जनताको पक्षमा रहने भन्दै सहयोग गर्न आग्रह गरे। उनले गाउँ घरमा पहुँच भएको शिक्षकको बल र भूमिका महत्वपूर्ण हुने उल्लेख गरे। 
कार्यक्रममा प्रवक्ता अग्नी सापकोटा, नेता हितराज पाण्डे, अमिक शेरचन, विद्यार्थी नेता हिमाल शर्मालगायतले पनि चुनावको माहोल बढेको भन्दै आफ्नो पक्षमा मत मागेका थिए।
त्यस्तै विश्वभक्त दुलाल आहुती, हरिवोल गजुरेल कार्यक्रमा सहभागी थिए।
देशभरबाट ११ सय २५ सहभागी शिक्षकहरुको सम्मेलनले नयाँ नेतृत्व सँगै शिक्षा नीति, शैक्षिक आन्दोलन र भावी कार्ययोजनाको बारे महत्वपूर्ण निर्णय गर्ने सम्मेलन संयोजक तुलसीप्रसाद घिमिरेले बताए।

प्रतिक्रिया

कांग्रेस बागलुङमा संस्थापन बलियो

बागलुङ-नेपाली कांग्रेसको क्षेत्रीय महाधिवेशनमा बागलुङमा संस्थापन पक्ष बलियो देखिएको छ। बागलुङका तीन निर्वाचन क्षेत्रका ३६ महाधिवेशन प्रतिनिधि मध्ये बहुमत बढि प्रतिनिधि संस्थापन निकट रहेका छन्।

सिन्धुलीमा सभापतिका आकांक्षी नै पराजित

सिन्धुली- नेपाली कांग्रेसमा १३औं महाधिवेशन नजिकिँदै गर्दा जिल्ला सभापतिका दाबी गर्ने नेतालाई क्षेत्रमै पराजित गरिएको छ। देउवा पक्षधर नेता माणिक ढकाललाई क्षेत्रमै पराजित गरिएको हो।

पाँचथरमा संस्थापनकोे पकड बलियो

पाँचथर–जिल्लाको दुवै क्षेत्रमा भएको नेपाली कांग्रेसको अधिवेशनमार्फत महाधिवेशन प्रतिनिधिमा संस्थापन पक्षको राम्रो पकड कायम भएको छ।

सरकारले राष्ट्रघात हुने कुनै सम्झौता गर्दैनः सञ्चारमन्त्री

सरकारले राष्ट्रघात हुने कुनै सम्झौता गर्दैनः सञ्चारमन्त्री

काठमाडौं– सूचना तथा सञ्चारमन्त्री शेरधन राईले सरकारले भारत र चीनसँगको सम्बन्ध नयाँ उचाईमा पुर्याउने गरी काम गरिरहेको बताएका छन्।  

ताप्लेजुङमा देउवा पक्ष बलियो

ताप्लेजुङ–नेपाली काग्रेस ताप्लेजुुङबाट महाधिवेशनमा सहभागी हुने प्रतिनिधिको टुुङगो निर्वाचनबाट लागेको छ।

अध्यक्षले एकलौटी सरकार चलाए : नेता नेपाल

पाल्पा—नेकपा (एमाले)का वरिष्ठ नेता माधवकुमार नेपालले (नेकपा) पार्टी अध्यक्ष केपी शर्मा ओलीले एकलौटी रुपमा सरकार सञ्चालन गरिरहेको आरोप लगाएका छन्।

गुल्मीबाट महाधिवेशन प्रतिनिधिमा को आए ?

गुल्मी–जिल्लाका तीनवटै निर्वाचन क्षेत्रमा कांग्रेसको महाधिवेशनका लागि महाधिवेशन प्रतिनिधि र क्षेत्रीय कार्य समितिको निर्वाचन सम्पन्न भएको छ। शनिबार राति सम्पन्न निर्वाचनमा क्षेत्रीय सभापतिहरुमा क्षेत्र नम्बर एकबाट पारिश्वर ढकाल, दुईबाट अशोक...

पर्वत कांग्रेसमा संस्थापनकै पकड

पर्वत–नेपाली कांग्रेसको १३ औ महाधिवेशन अन्र्तगत पर्वतमा अधिकांश संस्थापन पक्षका उम्मेदवार बिजयी भएका छन्।