Thursday 4 Baishak, 2071 |
Menu

राजनीति

विकासका लागि चुनाव अपरिहार्य : पौडेल

  • १ असार, २०७०
  • रासस
  • DISQUS_COMMENTS
(0 votes)
काठमाडौं- नेपाली कांग्रेसका उपसभापति रामचन्द्र पौडेलले मुलुकको राजनीतिक सङ्कट निकास र समग्र विकासका लागि निर्वाचननै उपयुक्त माध्यम भएकाले अब सबै मिलेर निर्वाचन सफल पार्नुपर्ने बताएका छन्। 

लावण्य सन्देश साप्ताहिक पत्रिकाको तेस्रो वार्षिकोत्सवका अवसरमा आज काठमाडौंको साँखुमा आयोजित कार्यक्रममा उपसभापति पौडेलले सङ्घीय गणतन्त्रलाई संस्थागत गर्न र राष्ट्रियतालाई बलियो बनाउन पनि घोषित चुनाव सम्पन्न गर्नुको विकल्प नभएको बताए। 
“कहिले संविधान सभा चाहियो भनेर आन्दोलन गर्ने, कहिले संविधान सभाको चुनाव हुन नदिने कुराले मुलुकलाई निकास दिँदैन,” उपसभापति पौडेलले भने। कार्यक्रममा उपसभापति पौडेलले प्रकाशमान सक्वले लेख्नुभएको शङ्खपुरको ऐतिहासिक र सांस्कृतिक सङ्ग्रह कृतिको विमोचन गरे। 
लावण्य सन्देश साप्ताहिकका बजार व्यवस्थापक जयराम श्रेष्ठको सभापतित्वमा भएको सो कार्यक्रममा पत्रिकाका सम्पादक प्रकाशक पवन श्रेष्ठ, नेपाल प्रेस यूनियनका पूर्व अध्यक्षद्वय कुलचन्द्र वाग्ले र मुरारी शर्मा, महासचिव शिव लम्साल, राप्रपाका केन्द्रीय सदस्य सुमनमेहर श्रेष्ठ र कांग्रेस नेता लोकेश ढकाललगायतका वक्ताले लोकतन्त्रलाई बलियो बनाउन घोषित चुनावलाई सफल बनाउनुपर्ने धारणा राखे।

सैनिक अदालतमा भुर्तेलको नाम सिफारिस

काठमाडौं-सैनिक विशेष अदालतमा पुनरावेदन अदालतका न्यायधीश कुलरत्न भुर्तेललाई नियुक्त गर्न न्याय परिषद्ले सिफारिस गरेको छ।

एमाओवादीद्वारा संसद बैठक अवरुद्ध

काठमाडौं-एनेकपा माओवादीले कृष्णप्रसाद अधिकारी हत्या प्रकरणमा पक्राउ आफ्ना कार्यकर्ता रिहाइ गर्न र मुद्दा चलाइएकाहरुको मुद्दा फिर्ता लिन माग गर्दै आज पनि ब्यवस्थापिका संसद बैठक अवरुद्ध गरेको छ।

अघिल्लो संविधानसभाका कामको अध्ययन गर्न ६ उपसमिति गठन

काठमाडौं-संविधानसभा अन्तरगतको संविधान अभिलेख तथा निर्क्योल समितिले ६ वटा उप समित गठन गरेको छ। विघटित संविधानसभाका १२ वटा उपसमितिहरुले गरेको कामको अध्ययन गर्नको लागि उपसमिति गठन गरिएको हो।

पूर्व प्रधानमन्त्री नेपाल र अमेरिकी राजदूतबीच भेट

काठमाडौँ- नेपालका लागि अमेरिकी राजदूत पिटर डब्लु बोडीले नेकपा (एमाले)का वरिष्ठ नेता तथा पूर्व प्रधानमन्त्री माधवकुमार नेपालसँग भेटवार्ता गरेका छन्।

दार्जिलिङसहित १२ राज्यमा लोकसभा चुनाव

इलाम - पाँच सय ४५ सदस्य रहने भारतीय लोकसभामा बिहीबार पश्चिम बंगालसहित १२ राज्यमा एक सय २१ सिटका लागि मतदान हुँदैछ। पाँचौं चरणको चुनावमा दार्जिलिङसँगै पश्चिम बंगालका कुचबिहार, अलिपुरद्वार, जलपाइगुडीमा...

उपनिर्वाचनबाटै 'कसैलाई भोट नदिने' अधिकार

काठमाडौं- मतदाताले आगामी असारमा हुने उपनिर्वाचनबाटै कुनै उम्मेदवारलाई भोट नदिने अधिकार पाउने भएका छन्। निर्वाचन आयोगले असार ८ मा हुने संविधानसभा उपनिर्वाचनबाटै आफूलाई मन नपरे सबै उम्मेदवार अस्वीकृत गर्न पाउने...

जघन्य घटनामा आममाफी दिन सकिँदैन : ओली

काठमाडौं- नेकपा एमाले संसदीय दलका नेता केपी शर्मा ओलीले द्वन्द्वकालीन मुद्दा भनेर जघन्य मानवअधिकार उल्लंघनका घटनालाई माफी दिन नसकिने बताएका छन्।

मुद्दा फिर्ता नलिएसम्म संयुक्त आन्दोलन

चितवन– गोरखा फुजेलका कृष्णप्रसाद अधिकारीको हत्या प्रकरणमा अदालतमा मुद्दा चलाइएकाको मुद्दा फिर्ता र गिरफ्तार भएकालाई रिहा नगरिएसम्म चितवनमा दुवै माओवादीले संयुक्त आन्दोलन गर्ने निर्णय गरेका छन्।