Tuesday 15 Bhadra, 2072 |
Menu

राजनीति

republica-header

ist-cc

असन्तुष्ट दलसँग आफैं वार्ता गर्छु : देउवा

(0 votes)
काठमाडौं – नेपाली कांग्रेसका वरिष्ठ नेता शेरबहादुर देउवाले संविधानसभा निर्वाचन सफल बनाउन असन्तुष्ट दलसँग आफैं वार्ता गर्ने बताएका छन्।

'जनताको निर्णय सर्वोपरि मान्नेले जनताको भोट हाल्ने अधिकार रोक्न हुँदैन। चुनाव भनेको जनताको तागत बढाउने कुरा हो,' भारत भ्रमणबाट फर्केपछि त्रिभुवन अन्तर्राष्ट्रिय विमानस्थलमा देउवाले भने, 'जनतालाई मालिक बनाउने निर्वाचन सफल बनाउन वैद्यजी, उपेन्द्र यादवलगायत साना दलसँग म आफैं कुरा गर्छु।'
भारतले नेपालमा प्रजातन्त्रको सुदृढीकरण, स्थिरता र निर्वाचन सम्पन्न भएर संविधान बनोस भन्ने चाहेको उनले बताए। सञ्चारकर्मीसँग भने, 'नेपालमा लोकतन्त्र होस्, चुनाव होस्, स्थिरता आओस् र संविधान बनोस् भन्ने भारत चाहन्छ।' भारतका उच्च नेताहरूसँग भेटेका देउवाले आफ्नो भ्रमण पूर्ण सफल भएको दाबी गरे।
संविधानसभा निर्वाचनका लागि भारत सरकार जस्तोसुकै सहयोग गर्न तयार रहेको देउवाले जनाए। 'अहिलको चुनावमा भारतबाट लजिस्टिक कुरा जे जे चाहिन्छन्, सहयोग गर्ने वचन प्रधानमन्त्री सिंहले मलाई वचन दिनुभएको छ,' उनले भने, 'भारतीय सरकार नेपाललाई हरप्रकारको मद्दत गर्न चाहन्छ। प्रजातन्त्रको सुदृढीकरण र चुनावपछि नेपालमा स्थिरता होस् भन्ने चाहन्छ।'
संघीयताबारे भारतको कुनै चासो नरहेको देउवाको बुझाइ छ। 'यस्तो गर्नुपर्छ, उस्तो गर्नुपर्छ भन्ने कुनै सल्लाह छैन। कस्तो संघीयता बनाउने भनेर भारतसँग भन्ने कुरा होइन यो हाम्रो कुरा हो,' उनले भने। देउवाले काठमाडौं–निजगढ फास्ट ट्रयाक, महाकाली नदीमा बनवासा–महेन्द्रनगर जोड्ने पुल, नेपालमा उत्पादित खाद्यान्नको परीक्षणका लागि प्रयोगशाला स्थापनासहित विषयमा भारतसँग सहयोग मागेको जनाए। 'व्यापार घाटा कम गर्न नेपाली उद्योगमा थप भारतीय लगानी भित्त्याउने विषयमा उद्योगमन्त्रीसँग छलफल गरेको छु,' उनले भने।
राजनीतिक निकासका लागि पार्टीको आन्तरिक एकता पनि महत्त्वपूर्ण रहेको भन्दै देउवाले पार्टीलाई मिलाएर जानुपर्ने बताए। पार्टी सभापतिसँग भारत असन्तुष्ट भई आफूलाई भारत भ्रमणमा नडाकिएको उनले स्पष्ट पारे। 'भारत भ्रमणमा सुशीलजी डेढ वर्षअघि नै गइसक्नुभएको हो। म त पछि पो गएको हो नि,' उनले भने।  
देउवा जेठ २६ गते भारत सरकारको औपचारिक निमन्त्रणामा भारत भ्रमणमा निस्केका थिए। भारतमा रहँदा देउवाले कांग्रेस आइकी अध्यक्ष सोनिया गान्धी, प्रधानमन्त्री सिंहका साथै उच्च नेताहरूसँग भेटेका थिए। भ्रमणमा टोलीमा कांग्रेस केन्द्रीय सदस्य विमलेन्द्र निधि र पत्नी आरजु राणा पनि थिए।

प्रतिक्रिया

संशोधनमा बार्गेनिङ

काठमाडौं- संविधान निर्माणलाई देखाएर संविधानसभाको सबैभन्दा ठूलो दल नेपाली कांग्रेसले अन्तरिम संविधान संशोधनका लागि अन्य दलसँग बार्गेनिङ गर्ने भएको छ। पार्टी विधानले तोकेको कार्यकाल सकिएको एक वर्ष बित्दासमेत महाधिवेशनमा नजुट्दा...

एमालेप्रति मधेसी आक्रामक

काठमाडौं- नयाँ संविधानको मस्यौदाप्रति असन्तुष्टि जनाउँदै तराई मधेसमा सुरु भएको आन्दोलनक्रममा संविधानसभाको दोस्रो ठूलो दल एमालेप्रति आन्दोलनकारी बढी आक्रामक देखिएका छन्। पार्टी कार्यालय र नेताको घर आक्रमणको निशानामा परेका छन्।

'धरपकड रोके मात्रै वार्ता गर्ने अडान'

काठमाडौं- थारु कल्याणकारिणी सभाले सरकार वार्ता र संवादबाट समस्याको समाधान गर्न गम्भीर नभएको ठहर गरेको छ। प्रधानमन्त्री सुशील कोइरालाले वार्ताका लागि पत्राचार गरिरहँदा सभाको सोमबार बसेको सचिवालय बैठकले कैलालीलगायत जिल्लामा...

पुनर्निर्माण हतारमा हुँदैन : पोखरेल

काठमाडौँ- राष्ट्रिय पुनर्निर्माण प्राधिकरणका प्रमुख कार्यकारी अधिकृत गोविन्दराज पोखरेलले पुनर्निर्माणका लागि एकीकृत योजना तर्जुमामा जुटेको बताएका छन्। उनले मानवीय जवाफदेहिता अनुगमन अभियान (हामी) द्वारा सोमबार आयोजित अन्तर्क्रियामा पुनर्निर्माण जस्तो संवेदनशील...

विदेशीका अभिव्यक्तिप्रति एमालेको आपत्ति

काठमाडौं- नेकपा एमालेले सामाजिक सद्भाव र राष्ट्रिय एकताविरोधी अभिव्यक्तिप्रति आपत्ति जनाएको छ। स्थायी कमिटीको सोमबार बसेको बैठकले संविधान निर्माणका विषयमा मित्रराष्ट्रका नेताको अभिव्यक्ति नेपाललाई सहयोग गर्नेभन्दा असहयोग गर्ने प्रकारको भएको...

संविधान विधेयकमा तीन संशोधन प्रस्ताव

काठमाडौं- नेपालको संविधानको परिमार्जित विधेयकमाथि साता तीन दलका नेताले संशोधन प्रस्ताव दर्ता गराएका छन्। संविधानसभा सचिवालयको विधेयक शाखामा उनीहरुले संशोधन प्रस्ताव दर्ता गराएका हुन्। प्रमुख दलका नेता भने संशोधन गर्नैपर्ने...

डा.केसीका माग पुरा गर्ने जिम्मा सामाजिक समितिलाई

काठमाडौं- मन्त्रीपरिषद बैठकले अनसनरत डा. गोविन्द केसीका माग पुरा गर्ने जिम्मा मन्त्रीपरिषदको सामाजिक समितिलाई दिएको छ। बैठकले चिकित्सा शिक्षासम्बन्धी उच्च स्तरीय कार्यदलको प्रतिवेदन प्रतिवेदनका बाँकी बुँदा पनि लागू गर्न निर्देशन...

मित्र राष्ट्रका नेताबाट राष्ट्रिय एकतामा आँच पुग्ने अभिव्यक्ति आयो :एमाले

काठमाडौं–नेकपा एमालेले पछिल्लो समयमा नेपाल सामाजिक सद्भाव र राष्ट्रिय एकता आँच पुग्ने गरी मित्र राष्ट्रहरु नेताहरुबाट अभिव्यक्तिहरु आउन थालेको भन्दै आपत्ति जनाएको छ।