Monday 18 Shrawn, 2072 |
Menu

राजनीति

ist-cc

पूर्ण आकार लिँदै माओवादी; झालाई स्थायी, यमीलाई कोषको जिम्मेवारी दिने तयारी

(0 votes)
काठमाडौं- एकीकृत माओवादीले पदाधिकारी र केन्द्रीय समिति विस्तार तयारी गरेको छ। उच्च स्रोतअनुसार एमालेबाट आएका रामचन्द्र झालाई स्थायी समिति सदस्य बनाउने योजना छ। नवप्रवेशीलाई उचित जिम्मेवारी दिएर पदाधिकारी र केन्द्रीय समिति पूरा गरिने स्रोतले जानकारी दिएको छ।


स्रोतका अनुसार जेेठ २५ देखि बस्ने केन्द्रीय समिति बैठकले केही असन्तुष्टलाई समेत जिम्मेवारी दिएर पदाधिकारी र केन्द्रीय समितिलाई पूर्णता दिने गृहकार्य भइरहेको छ।

यसैगरी, एमालेका प्रभावशाली असन्तुष्टलाई पार्टीमा भिœयाउन वार्ता चलिरहेको स्रोतले जनाएको छ। एमाले पोलिटब्युरो सदस्य झा र उर्मिला अर्याल एकीकृत माओवादी प्रवेश गरिसकेका छन्। नवप्रवेशीलाई उच्च पद दिँदा पार्टीभित्रका पुराना नेता असन्तुष्ट हुने सम्भावनालाई ध्यान दिँदै जिम्मेवारी बाँडफाँट तयारी भएको एक वरिष्ठ नेताले जानकारी दिए।

झालाई पार्टी प्रवेश गराएपछि मधेसको आधार बलियो भएको माओवादी मूल्यांकन छ। माओवादीभित्र प्रभावशाली महिला नेतृ पम्फा भुसाल नेकपा–माओवादीमा गएकाले पार्टीमा महिला नेतृत्वको अभाव खड्किएकोमा अर्यालको प्रवेशले पूर्ति गर्ने माओवादी विश्लेषण छ।

एकीकृत माओवादी उच्च नेतृत्वमा हिसिला यमी एक्ली छन्। यमीलाई पदाधिकारीमा बढुवा गरेर कोषाध्यक्ष बनाउने तयारी गरिएको स्रोतले जनायो। यमीपछि शशि श्रेष्ठ, ओनसरी घर्तीमगर, देवी खड्का, कल्पना धमला छन्। नेकपा–माओवादीबाट फर्केकी 'युद्ध'कालकी चर्चित महिला नेतृ रेखा शर्मा अहिले ओझेलमा छिन्।

'पदाधिकारीको टुंगो लगभग लागिसकेको छ। नयाँ आएका साथीहरुलाई विशेष जिम्मेवारी दिनेबारे छलफल भइरहेको छ। झाजीलाई स्थायी समितिमा लाने पक्कापक्की छ,' एक स्थायी समिति सदस्यले नागरिकसँग भने। अर्याललाई समेत विशेष जिम्मेवारी दिने तयारी भएको ती नेताले खुलाए।

'आगामी केन्द्रीय समितिले सबै टुंगो लगाउँछ। बाँकी वैकल्पिक सदस्य थपका लागि नाम सिफारिस भइरहेको छ,' ती नेताले भने। हेटौंडा महाधिवेशनले नटुंग्याएको पदाधिकारी चयनलाई आगामी बैठकले टुंग्याउनेछ। महाधिवेशनले अध्यक्ष पुष्पकमल दाहाल, उपाध्यक्षद्वय बाबुराम भट्टराई, नारायणकाजी श्रेष्ठ र महासचिव पोष्टबहादुर बोगटीलाई मात्रै निर्वाचित गरेको थियो। गुट विवादले सचिव र कोषाध्यक्ष चयन हुन सकेको थिएन।

स्रोतका अनुसार चार सचिव, एक कोषाध्यक्ष र वरिष्ठ पोलिटब्युरो सदस्यलाई स्थायी समितिमा बढुवा गर्ने तयारी छ। पदाधिकारीमध्ये चार सचिवमा कृष्णबहादुर महरा, वर्षमान पुन, टोपबहादुर रायमाझी, गिरिराजमणि पोखरेललाई बनाउने विषय सहमतिनजिक छ।

वरीयतामा रहेका संस्थापक नरबहादुर कर्माचार्यलाई महाधिवेशनबाटै संरक्षक बनाइसकेको छ। अर्का वरीयतामा रहेका अमिक शेरचनलाई अनुशासन आयोगमा आयुक्त बनाइएको छ।

एउटै जिल्ला रोल्पाबाट महरा र पुन दुवैलाई सचिव बनाउन नहुने अडान लिएका जनार्दन शर्मालाई स्थायी समितिमा लाने छलफल जारी छ। वरीयता आधारमा स्थायी समिति जानेमा हरिबोल गजुरेल र अग्नि सापकोटा अगाडि छन्। भट्टराई पक्षबाट राम कार्कीलाई लगिने सम्भावना छ। स्थायी समितिका लागि शक्ति बस्नेत, देवेन्द्र पौडेल, नन्दकिशोर पुन, लोकेन्द्र विष्टमगर, चन्द्रप्रकाश खनालबारे छलफल भइरहेको स्रोतले जनायो।

प्रतिक्रिया

संविधान जारी भए पछि पदत्याग: प्रधानमन्त्री

संविधान जारी भए पछि पदत्याग: प्रधानमन्त्री

धरान-प्रधानमन्त्री सुशील कोइरालाले नेपाली जनतालाई संविधान दिएरै छोड्ने दृढता व्यक्त गरेका छन्। जनतालाई संविधान दिएपछि आफै पदत्याग गर्ने बचन दोहोर्याउदै उनले जनताको आस्था र विश्वासमाथि खेलवाड नगर्न सबै राजनीतिक दलहरुलाई...

भारत यो वा त्यो हुनुपर्छ भन्ने पक्षमा छैनः देउवा

काठमाडौं– नेपाली कांग्रेसका वरिष्ठ नेता शेरबहादुर देउवाले अधिकतम दलहरुको सहमतिमा नै नयाँ संविधान जारी हुने बताएका छन्। पाँच दिने भारत बसाइपछि सोमबार स्वदेश फर्केका पूर्व प्रधानमन्त्रीसमेत रहेका कांग्रेस वरिष्ठ नेता...

एमाओवादीद्वारा संसद बैठक बहिष्कार

काठमाडौं– प्रमुख प्रतिपक्ष दल एकीकृत माओवादीले सरकारले असार २९ गते सार्वजनिक गरेको बजेट विभेदकारी र असन्तुलित भन्दै सदन बहिष्कार गरेको छ । कुन मन्त्रालयलाई कति बजेट विनियोजन गर्यो भन्ने विवरण...

ओलम्पिक चुनाबविरुद्ध तीन दलका सांसद एकै ठाउँ

काठमाडौं—नेपाल ओलम्पिक कमिटीको हुन लागेको विवादस्पद चुनाबप्रति मुख्य तीन राजनीतिक दलका सांसदहरुले एकै श्वरमा बिरोध गरेका छन्। मंगलबार संसदमा बोल्दै नेपाली कांग्रेस, एमाले तथा एमाओवादी सांसदहरुले दुई समानान्तर कमिटी बनाउन...

बाबुराम जंगिएपछि...

काठमाडौं–तोकिएको समयभित्र प्रतिवेदन बुझाउन असफल भएपछि संवैधानिक राजीतिक संवाद तथा सहमति समितिका सभापति बाबुराम भट्टराईले सोमबार प्रमुख चार दलका शीर्ष नेताको बैठक बोलाएका थिए ।

शरदसिंह भण्डारीको पार्टी पनि धार्मिक स्वतन्त्रताको पक्षमा

काठमाडौं- शरदसिंह भण्डारी नेतृत्वको राष्ट्रिय मधेस समाजवादी पार्टीले नयाँ संविधानमा धर्म निरपेक्षता हटाएर धार्मिक स्वतन्त्रता लेखिनुपर्ने सहमति गरको छ।

शीर्ष नेताले भने- सीमांकनसहितको संविधान साउन मसान्तभित्रै

काठमाडौं- चार दलका शीर्ष नेताहरुले साउन मसान्तभित्रै सीमांकनसहितको संविधान जारी हुने बताएका छन्। सिंहदवारमा बसेको बैठकपछि सञ्चारकर्मीसँग कुरा गर्दै उनीहरुले १६ बुँदे सहमतिको आधारमा सीमांकनसहितको संविधान जारी हुने बताए।

प्रहरीमा ग्रिनकार्ड-पिआरमाथि प्रतिबन्ध तयारी

काठमाडौं- प्रहरी प्रधान कार्यालयले विदेशमा स्थायी बसोबासको आवासीय अनुमति पत्र लिन प्रतिबन्ध लगाउने तयारी गरेको छ। विदेशमा स्थायी बसोबासको आवासीय अनुमति पत्र लिन प्रतिबन्ध लगाउने निजामती ऐनअनुसारकै प्रावधान संगठनका सदस्यमा...