Friday 14 Jestha, 2073 |
Menu

राजनीति

republica-headerdiscount-subscribe1

istl

गठबन्धन तोड्दै मधेसवादी, चुनावका लागि मधेसी दलको मात्र मोर्चाबन्दी पहल

(0 votes)
काठमाडौँ - एकीकृत माओवादी नेतृत्वको संघीय लोकतान्त्रिक गणतान्त्रिक गठबन्धन आबद्ध मधेसवादी दलले तराई–मधेसमा छुट्टै चुनावी मोर्चाबन्दीको पहल थालेका छन्। महन्थ ठाकुर नेतृत्वको तराई–मधेस लोकतान्त्रिक पार्टी (तमलोपा) ले संविधानसभा निर्वाचनलाई मध्यनजर गर्दै मधेसवादी दलबीच मोर्चाबन्दीको पहल गरेको हो।


nepali-patro-may
अध्यक्ष ठाकुरले मधेसवादी दलबीच मोर्चाबन्दी गरेर निर्वाचनमा सहभागी हुन पहल थालेको बताए। 'हाम्रो पहिलो प्राथमिकता मधेसवादी दलबीच नै मोर्चाबन्दी हो,' अध्यक्ष ठाकुरले नागरिकसँग भने, 'त्यसपछि अरू गठबन्धनसँग गर्ने/नगर्ने तपसिलमा पर्छन्।'

मधेसवादी दलबीच चुनावी मोर्चाबन्दीका लागि प्रयास जारी राखेको र छलफलले सकारात्मक परिणाम ल्याइरहेको अध्यक्ष ठाकुरको भनाइ छ।

तीन साताअघि सम्पन्न तमलोपा राजनीतिक समिति बैठकले आसन्न संविधानसभा निर्वाचनका लागि 'एउटै निर्वाचन क्षेत्र, एउटै उम्मेदवार, एउटै झन्डा' भन्ने मान्यताअनुसार मधेसवादी दल निर्वाचनमा जानुपर्ने नीति तय गरेको थियो। 'सरकारमा गठबन्धन भए पनि निर्वाचनमा माओवादीसँग कुनै पनि खाले गठबन्धन नगर्ने' अभिव्यक्ति दिँदै आएका ठाकुर पछिल्लो समय माओवादी नेतृत्व गठबन्धनले आह्वान गरेको बैठकमा सहभागी थिएनन्।

सम्भव भए पार्टी एकता, नभए विघटित संविधानसभाभित्र/बाहिर रहेका मधेसवादी दलसँग तमलोपाले अनौपचारिक छलफल गरिरहेको सहअध्यक्ष हृदयेश त्रिपाठीले जानकारी दिए। 'अनौपचारिक छलफलमा अन्य मधेसवादी दलले दिएको सुझाव र सल्लाहले म उत्साही छु,' वार्तासंयोजक समेत रहेका त्रिपाठीले भने, 'अरु (माओवादी) सँग गठबन्धनमा जाने कुरा दोस्रो प्राथमिकतामा पर्न सक्छ, तर हामी पहिले मधेसवादी दलबीच नै एकता होस् भन्ने प्रयासमा छौं।'

एकीकृत माओवादी अध्यक्ष पुष्पकमल दाहाल नेतृत्वको गठबन्धनले साझा चुनावी घोषणापत्र बनाएर निर्वाचनमा जाने प्रस्ताव गरिरहेको बेला ठाकुरको नेतृत्वमा मधेसवादी दलबीच छुट्टै मोर्चाबन्दी प्रयास गरिएको हो। गठबन्धन कार्यदलले खाका तयार पारी बैठकमा पेस गर्दा मधेसी जनअधिकार फोरमका अध्यक्ष विजयकुमार गच्छदारबाहेक अन्य मधेसवादी दलको उपस्थिति थिएन। जसका कारण कुनै पनि औपचारिक निर्णय नगरी बैठक सकिएको थियो।

अन्य मधेसवादी दलसँग भएका पटकपटकका अनौपचारिक छलफलपछि तमलोपाले शनिबार सामूहिक छलफल आयोजना गरेको छ। छलफलमा एकीकृत माओवादी नेतृत्व गठबन्धनमा रहेका तराईमधेस लोकतान्त्रिक पार्टी नेपाल, मधेसी जनअधिकार फोरम गणतान्त्रिक, संघीय सद्भावना पार्टीलगायत मधेसवादी दलको उपस्थिति थियो।

मधेस र मधेसी जनताका माग सम्बोधन गर्न 'कसैसँग नटाँसिई' मधेसवादी दलबीच एकता गर्नुपर्ने सुझाव सहभागी दलले दिएका छन्। यसरी सुझाव दिनेमा राष्ट्रिय मधेस समाजवादी दलका अध्यक्ष शरदसिंह भण्डारी र तराई मधेस जागरण अभियानका संयोजक जेपी गुप्तासमेत छन्। बैठकमा सहभागी अन्य दलले त्यसको नेतृत्व लिन अध्यक्ष ठाकुरलाई सुझाव पनि दिए। सुझावबाट उत्साही अध्यक्ष ठाकुरले मधेस र मधेसी जनताको भावनालाई सम्बोधन गर्ने र कसैसँग सम्झौता नगर्ने प्रतिबद्धता जाहेर गरेका छन्। 'मधेसी जनता र मधेसी उम्मेदवारविरुद्ध उभिने कसैसँग पनि हाम्रो सम्झौता हुँदैन,' छलफलपछि ठाकुरले नागरिकसँग भने।

ठूला दल गयल

तमलोपाले बोलाएको सामूहिक छलफलमा ठूला मधेसवादी दलका नेता भने उपस्थित भएनन्। छलफलमा विजयकुमार गच्छदार नेतृत्वको मधेसी जनअधिकार फोरम, लोकतान्त्रिक, राजेन्द्र महतो नेतृत्व सद्भावना पार्टी र उपेन्द्र यादव नेतृत्व मधेसी जनअधिकार फोरम नेपालको प्रतिनिधित्व थिएन।

'राजेन्द्रजीको आइसियुमा रहेकाले आउन सक्नुभएन, गच्छदारजीले बैठक भएकाले नभ्याउने जानकारी दिनुभएको छ', त्रिपाठीले भने। सद्भावना सहअध्यक्ष लक्ष्मणलाल कर्णले अध्यक्ष महतो आइसियुमा रहेको र पार्टी आन्दोलनमा रहेकाले बैठकमा सहभागी हुन नसकेको बताए। 'अध्यक्ष आइसियु र पार्टी आन्दोलनमा रहेकाले हामी सहभागी हुन सकेनौं,' कर्णले नागरिकसँग भने।

विघटित संविधानसभाभित्र/बाहिर छरिएर रहेका मधेसवादी दलबीच भने कम्तीमा चार मोर्चाबन्दी हुने सक्ने देखिएको छ। 'ठाकुर, गच्छदार, महतो र उपेन्द्र यादव नेतृत्वमा सम्भव भए चार पार्टी र त्यो पनि नभए कम्तीमा चार शक्तिमा बाँडिएर मोर्चाबन्दी हुने देखिन्छ,' मधेसवादी दलका अर्का नेताले भने, 'तर त्यसभन्दा कम्ती होला भन्ने अहिले अनुमान गर्न सम्भव देखिँदैन।'

यद्यपि, पार्टी एकता र मोर्चाबन्दीका लागि मधेसवादी दलबीच भने निरन्तर भित्री प्रयास जारी रहेको उनको भनाइ छ।

प्रतिक्रिया

नेपाललाई भारतको आँखाले हेर्दैनौं : अमेरिकी राजदूत

नेपाललाई भारतको आँखाले हेर्दैनौं : अमेरिकी राजदूत

काठमाडौं- 'अमेरिकाले पहिले नेपाललाई स्वतन्त्र आँखाले हेर्थ्यो, विदेशनीति स्वतन्त्र थियो तर भारतसँग रणनीतिक साझेदारीपछि अमेरिकाले नेपाललाई भारतकै आँखाले हेर्न थालेझैं लाग्छ। किन होला?'

मदनका नाममा गुट-राजनीति

काठमाडौं- नेकपा एमाले नुवाकोट जिल्ला कमिटीको गत फागुनमा सम्पन्न अधिवेशनमा अध्यक्ष प्रत्याशी विन्दा ढुंगाना पराजित भइन्। चैतमा मदन भण्डारी फाउन्डेसनको जिल्ला अध्यक्ष छानिइन्।

बसेन मोर्चा बैठक

काठमाडौं- संघीय गठबन्धनका संयोजक उपेन्द्र यादव र नेपाल सद्भावना पार्टीका अध्यक्ष अनिलकुमार झा समयमै राजधानी आइनपुग्दा संयुक्त लोकतान्त्रिक मधेसी मोर्चाको बैठक बिहीबार बस्न सकेन।

कार्कीले दिएनन् सम्पत्ति विवरण

काठमाडौं- अख्तियार दुरुपयोग अनुसन्धान आयोगका प्रमुख आयुक्त लोकमानसिंह कार्कीले आफ्नो सम्पत्ति सार्वजनिक गर्न अस्वीकार गरेका छन्।

सरकार बजेट दुरुपयोग गर्दैछ : देउवा

काठमाडौं- नेपाली कांग्रेस सभापति शेरबहादुर देउवाले लोकप्रियता कमाउने नाममा सरकारले बजेट दुरुपयोग गर्न लागेको बताएका छन्। नेपाल प्रेस युनियनको २५ औं स्थापना दिवसको अवसरमा बिहीबार राजधानीमा आयोजित कार्यक्रममा कांग्रेस सभापति देउवाले...

देउवा र पाैडेलको नजर भातृ संगठनको महाधिवेशनमा

काठमाडौं–नेपाली कांग्रेसका नेता रामचन्द्र पौडेलले प्रमुख भ्रातृ संगठनको महाधिवेशन आफ्नो पक्षमा पार्न विभिन्न नेताहरुलाई जिम्मेवारी तोकेका छन् ।

माग पूरा नगरे अन्तर्राष्ट्रिय अदालतमा जाने चेतावनी

काठमाडौं–संयुक्त दलित अधिकार मञ्चले दलित अधिकारकालागि नेपाल सरकारले संयुक्त राष्ट्र संघलगायत अन्तर्राष्ट्रिय मञ्चमा गरेको लिखित प्रतिबद्धता व्यवहारमा नउतारे अन्तर्राष्ट्रिय अदालत जाने चेतावनी दिएको छ।

मर्यादा विपरित काम गरेकाे भन्दै १८ परीक्षार्थी निष्काशित

जुम्ला–जुम्लाको जनता माध्यमिक प्राविधिक विद्यालय महतगाउँमा कक्षा १२ को आशिंक परीक्षा दिँदै गरेका १८ जना पीिरक्षार्थीलाई निष्काशन गरिएको छ। परीक्षाको मर्यादा विपरित क्रियाकलाप गरेको भन्दै उनीहरुलाई निष्काशन गरिएको केन्द्राध्यक्ष हरिकृष्ण...