Tuesday 13 Magh, 2071 |
Menu

राजनीति

HUB

दिनहुँ नेताको ताँती

(0 votes)
नेपालगन्ज - एकीकृत माओवादीका महासचिव पोष्टबहादुर बोगटी, पोलिटब्युरो सदस्य शक्तिबहादुर बस्नेत, नेतृ हिसिला यमीलगायत नेता फर्केको दुई दिन बित्न नपाउँदै सोमबार सोही पार्टीका संगठन विभाग प्रमुख कृष्णबहादुर महरा र पोलिटब्युरो सदस्य नवराज सुवेदी नेपालगन्ज आए।
महराले नेपालगन्जमा आगामी चुनावमा आफ्नो पार्टी विजयी हुने दावी गरिरहँदा कांग्रेस नेता गगन थापा रुकुममा आफ्नो पार्टीले बहुमत ल्याउने बताइरहेका थिए। मुगु पुगेका महासचिव बोगटी राजधानी फर्कंदा दुई दिन बाँके, बर्दियाका पार्टीका आन्तरिक प्रशिक्षणमा सहभागी भएझैँ संगठन विभाग प्रमुख महरा पनि मंगलबार नेपालगन्ज र कोहलपुरमा आयोजना गरिएका कार्यकर्ता भेटघाट तथा आन्तरिक प्रशिक्षणमा सहभागी हुँदै दाङतर्फ लागे। दाङमा पनि उनको कार्यकर्ता भेटघाट र आन्तरिक प्रशिक्षणमा सहभागी हुने कार्यक्रम छ। 
पहिलो संविधानसभा निर्वाचनपछि धेरैजसो राजधानीमा बस्ने नेता दोस्रो संविधानसभा चुनावी चर्चासँगै पश्चिम क्षेत्रमा आउने क्रम बढेको छ। एक महिनायता पश्चिम क्षेत्रमा कांग्रेस, एमाले, एकीकृत माओवादी, नेकपा–माओवादीका शीर्षस्थ नेता पुगेर विभिन्न कार्यक्रममा सहभागी भएका छन्। चार ठूला दलबाहेक राप्रपा नेपालका अध्यक्ष कमल थापा र सद्भावनाका राजेन्द्र महतो पनि नेपालगन्ज, कोहलपुर, बुटवललगायतका स्थानमा आयोजना गरिएका आमसभा र कार्यकर्ता भेटघाटमा व्यस्त रहे। 
विगतमा एक/दुई दिनका लागि आउने नेताहरू यतिखेर जिल्लामा लामो समयसम्म बस्ने गरेका छन्। जेठ सुरुतिर नेपालगन्ज आएका राप्रपा नेपालका अध्यक्ष थापा जेठ ६ गते मात्र बुटवल हुँदै फर्के। एकीकृत माओवादीका अध्यक्ष पुष्पकमल दाहाल चीनको भ्रमणलगत्तै गत वैशाख ९ गते बर्दियामा पुगी आमसभामा सहभागी भएपछि पश्चिम क्षेत्रमा नेताहरूको ताँती लाग्न थालेको हो। वैशाख ९ गते नै दाहालसँगै कांग्रेस सभापति सुशील कोइराला नेपालगन्ज आएका थिए। दाहाल बर्दियाको गुलरिया र सानोश्रीमा आयोजना गरिएको कार्यक्रममा सहभागी हुँदै गर्दा कोइराला बाँकेको विकट क्षेत्र मानिने राप्तीपारिको बैजापुर गाउँमा कार्यकर्ता भेट्दै थिए। जेठ १ गते नेकपा–माओवादी अध्यक्ष मोहन वैद्य महेन्द्रनगर पुगेर ३३ दलको मेची–महाकाली अभियानमा सामेल भए। उनी राजधानी फर्केलगत्तै सोही पार्टी सचिव नेत्रविक्रम चन्द नेपालगन्ज हुँदै दाङ पुगे। तीन दिन यहाँ बिताएका चन्द जेठ ५ गते काठमाडौं फर्के। चन्द फर्केकै दिन एमाले अध्यक्ष झलनाथ खनाल, सचिव शंकर पोखरेल दाङ पुगे। खनालले दाङमा माओवादी र कांग्रेसलाई गाली गर्दै गर्दा कांग्रेस नेता शेरबहादुर देउवा धनगढीमा विपक्षी दललाई गाली गर्दैमा व्यस्त थिए। एमाले केन्द्रीय सदस्य देवराज भारका अनुसार देशमा चुनावी माहोल बनाउन यतिखेर नेताहरूको दौडधुप बढेको हो। 
गौरा कोइराला, दलबहादुर सुनारसहित तीन केन्द्रीय सदस्य बाँकेमा रहेको जानकारी दिँदै भारले जेठ १० गते सुर्खेत र नेपालगन्जमा हुने कार्यक्रमका लागि केपी ओली र जेठ १६ गते बाँकेको बैजापुरमा हुने कार्यक्रमका लागि माधव नेपाल आउन थालेको जानकारी दिए। दुई साताको अवधिमा एमालेका अन्य नेताहरू वामदेव गौतम, ईश्वर पोखरेल पनि पश्चिमका विभिन्न कार्यक्रममा सरिक भए। लामो सयमसम्म कर्णाली नपुगेका नेताहरू समेत ती जिल्लामा पुग्ने गरेका छन्। यसै साता एमाले महासचिव पोखरेल र एकीकृत माओवादीका महासचिव वोगटी मुगु पुगे। 
नेकपा–माओवादीका थारूवान राज्य समिति इन्चार्ज पूर्ण घर्तीका अनुसार यतिखेर जिल्लामा आफ्ना दलका नेताहरूको दौडाहा हुनुको कारण ३३ दलले सुरु गरेको मेची–काली अभियानलाई सफल पार्नु हो। जिल्ला तहका एकीकृत माओवादीका एक नेताका अनुसार विगतमा जिल्ला तहबाट जति बोलाउँदा पनि विभिन्न बहानामा पन्छिने गरेका नेताहरू यतिखेर जिल्ला आउन पाउँदा खुसी छन्। कांग्रेसका एक कार्यकर्ता भन्छन्, 'केन्द्रमा बस्ने कतिपय नेताले जिल्ला तहमा कार्यक्रम आयोजना गर्न निर्देशन दिन थालेका छन्।' 
चुनावको मिति घोषणा नहुँदै पश्चिममा नेताको लर्को लाग्नुको मुख्य कारण अस्तित्व रक्षा नै हो। मध्यपश्चिमलाई 'बलियो गढ' मान्दै आएको एकीकृत माओवादी यसपालिको निर्वाचनमा पनि सफल हुन चाहन्छ,' स्थानीय विजय शर्माले भने, 'उता सोही पार्टीसँग हालै टुक्रेको नेकपा–माओवादीले पनि मध्यपश्चिमलाई 'आधार क्षेत्र' मान्ने गरेको छ। अघिल्लो संविधान सभाको निर्वाचनमा मध्यपश्चिमका १५ जिल्ला मध्ये दैलेखका दुई र सुर्खेतको एउटा निर्वाचन क्षेत्रबाहेक सबैमा एकीकृत माओवादी विजयी भएको थियो। विश्लेषकका अनुसार एकीकृत माओवादी मध्यपश्चिममा अहिले पनि पहिलेकै अवस्था कायम राख्न चाहन्छ भने नेकपा–माओवादी एकीकृतलाई कमजोर सावित गरी आफ्नो हैसियत देखाउन खोज्दैछ। त्यस्तै, अघिल्लो निर्वाचनमा एक सिटमा चित्त बुझाएको कांग्रेस र दुई सिटमा चित्त बुझाएको एमाले आफ्नो अवस्था सुधार्ने प्रयास गर्दैछन्।
‘प्रक्रियाबाट भागेको?’   भागेका छैनौं : दाहाल

‘प्रक्रियाबाट भागेको?’ भागेका छैनौं : दाहाल

काठमाडौं-प्रधानमन्त्री सुशील कोइराला : तपाईंहरू (एमाओवादीसहित मोर्चा) साँच्चिकै बाहिरिनुभएको हो?पुष्पकमल दाहाल : होइन।प्रधानमन्त्री : त्यसो भए वार्तामा बसौं।दाहाल : प्रक्रियामै गइसकेपछि किन वार्तामा बस्ने?प्रधानमन्त्री : प्रक्रिया सुरु मात्र गरेका हौं,...

‘प्रस्ताव निर्माण रोकिँदैन'

काठमाडौं-संविधानसभाले आइतबार गठन गरेको ‘प्रस्ताव निर्माण समिति' को पहिलो बैठक शनिबारका लागि बोलाएको छ। पहिलो बैठक सभाध्यक्षले बोलाउने नियमावलीको व्यवस्थाअनुरूप शनिबार दिउँसो १ बजे समितिको बैठक बोलाइएको हो।

भागबन्डा विवादले सचिव बढुवा टुंगो लागेन

काठमाडौं-सत्तारूढ नेपाली कांग्रेस र नेकपा (एमाले) बीच भागबन्डा नमिल्दा मन्त्रिपरिषदले सचिव बढुवाको टुंगो लाग्न सकेको छैन। सोमबार बसेको मन्त्रिपरिषद बैठकमा कांग्रेस र एमालेका मन्त्रीहरूबीच नै विवाद हुँदा बढुवासम्बन्धी निर्णय हुन...

नेपाल बैंकको भ्रष्टाचार मुद्दामा सुनुवाइ सुरु

काठमाडौं-नेपाल बैंकका तत्कालीन महाप्रबन्धक शेरबहादुर थापा लगायतविरुद्धको भ्रष्टाचार मुद्दामा सर्वोच्च अदालतमा पुनः सुनुवाइ सुरु भएको छ।

‘गच्छदारको प्रस्ताव सहमतिको विन्दु'

काठमाडौं– नेकपा (एमाले) का नेता तथा पूर्वप्रधानमन्त्री माधवकुमार नेपालले मधेसी जनअधिकार फोरम लोकतान्त्रिका अध्यक्ष विजयकुमार गच्छदारले अघि सारेको ६–८ प्रदेशको प्रस्ताव सहमतिको विन्दु हुन सक्ने बताएका छन्।

एमाओवादी नेतृत्वको ३० दलीय मोर्चाले तीन चरणको आन्दोन गर्ने

काठमाडौं- संविधानसभा अध्यक्षले प्रस्ताव निर्माण समिति गठन गरेको विरोधमा एकीकृत माओवादी नेतृत्वको ३० दलीय मोर्चाले तीन चरणको आन्दोलनका कार्यक्रम घोषणा गरेको छ। सोमबार बसेको ३० दलीय मोर्चाको बैठकले माघ १२...

सभापतिहरुलाई जिल्ला जान कांग्रेसको निर्देशन

काठमाडौं- नेपाली कांग्रेसले पार्टीका जिल्ला सभापतिहरुलाई १० दिनका लागि आआफ्ना जिल्ला जान निर्देशन दिएको छ। प्रधानमन्त्री निवास बालुवाटारमा आज बसेको नेपाली कांग्रेस संसदीय दलको बैठकले सभासद्लाई संविधान निर्माणका सम्बन्धमा पार्टीका...

कांग्रेस नेता सम्बरराज पाण्डेको निधन

काठमाडौं- नेपालको प्रजातान्त्रिक आन्दोलनका योद्धा एवं नेपाली कांग्रेस धादिङका नेता सम्बरराज पाण्डेको निधन भएको छ। लोमो समयदेखि विभिन्न रोगबाट पीडित ८७ वर्षीय नेता पाण्डको सोमबार बिहान काठमाडौंमा निधन भएको हो।