Wednesday 5 Kartik, 2071 |
Menu

राजनीति

माग पूरा नभए निर्वाचनमा भाग नलिने गुप्ताको चेतावनी

(0 votes)
काठमाडौं - तराई मधेस राष्ट्रिय अभियानका संयोजक जेपी गुप्ताले आठ बुँदे माग अघि सार्दै सरकारले त्यसमा सकारात्मक 'रेस्पोन्स' नगरे निर्वाचन आयोगमा दल दर्ता नगर्ने र संविधानसभाको निर्वाचनमा पनि भाग नलिने चेतावनी दिएका छन्।
रिपोर्टर्स क्लबको साक्षात्कारमा मंगलबार बोल्दै उनले निर्वाचन क्षेत्रको पुनर्निधारण, संविधानसभाको संख्या, थ्रेसहोल्ड, मतदाता नामावली संकलन, दलदर्ता प्रावधान, समावेशी विधेयक, आस्थाका बन्दीको रिहाई र संविधानका आधारभुत विषयमा सहमति लगायतका विषयमा असहमति प्रस्तुत गरे। गुप्ताले यथास्थितिमा संविधानसभाको निर्वाचन भए मधेसको लागि स्वीकार्य नहुने भन्दै आफूहरुले अघि सारेको माग निर्वाचनको लागि पूर्व सर्त भएको बताए।

'८ बुँदे मागमा सरकारको रेस्पोन्सपछि मात्रै दल दर्ता गर्छौ। त्यो नभए प्रयोजनहीन निर्वाचनका लागि दल दर्ता गर्नुको औचित्य छैन। हामि निर्वाचनमा भाग लिँदैनौ', उनले भने। मधेसी जनता अहिलेको प्रक्रियाबाट सन्तुष्ट नरहेको भन्दै आफूहरु मधेस आन्दोलनको तयारीमा रहेको समेत जानकारी दिए।

दल दर्ता गर्दा १० हजार मतदाताको हस्ताक्षर र नागरिकता नम्बर चाहिने प्रावधान अब्यवहारिक भएकोले त्यसलाई हटाउनु पर्ने गुप्ताको थियो।

भूमिगत आन्दोलन गरिरहेको जयकृष्ण गोइत समूह र शरद सिंहभण्डारी समूहसँग गम्भीर वार्ता भइरहेको जानकारी दिँदै उनले दुई दलसँग कार्यगत एकता गरेर अघि बढ्ने जानकारी दिए।

एक अर्को प्रसंगमा उनले पूर्व सभासद सदरुल मियाँ हकको हत्या प्रकरणले मुलुकमा सुरक्षा अवस्थाको विषयमा गम्भीर प्रश्न खडा गरेको भन्दै तत्काल हत्यारालाई पक्राउ गरी कारवाही गर्न माग गरे ।

पाँचदलीय मोर्चा निष्क्रिय

काठमाडौं-एकीकृत नेकपा माओवादी, नेकपा–माओवादीसहित साना पाँच वामपन्थी दलको मोर्चा निष्क्रिय बनेको छ। मोर्चाको बैठक नबसेकै एक महिना भएको छ।

द्वन्द्वपीडितलाई राहत दिन सिफारिस

काठमाडौं– राष्ट्रिय मानवअधिकार आयोगले सशस्त्र द्वन्द्वबाट पीडित चार जनाका परिवारलाई ३ लाख रुपैयाँका दरले तत्काल राहत उपलब्ध गराउन सिफारिस गरेको छ। आयोगको मंगलबार भएको पहिलो बैठकले पीडित मानवअधिकार उल्लघनमा संलग्न...

गोकर्ण रिसोर्ट बैठकमा दलहरुका पुरानै अडान

काठमाडौं-संविधानका विवादित विषयमा सहमति कायम गर्ने तीन प्रमुख दलका नेताको मंगलबारको प्रयास पनि निरर्थक भएको छ। काठमाडौंको गोकर्ण रिसोर्टमा बिहानैदेखि राति अबेरसम्म भएका अनौपचारिक र औपचारिक बैठकमा तीन दल नेपाली...

संवाद समितिको म्याद तेस्रो पटक थप

काठमाडौं-संविधानसभाले संवैधानिक–राजनीतिक संवाद तथा सहमति समितिको म्याद तेस्रो पटक थपेको छ। संविधान निर्माणमा देखिएका विवादीत विषयमा सहमति गर्न भन्दै संविधानसभाले समितिको अन्तिम पटक म्याद थपेको हो।

प्रधानमन्त्रीलाई थारु कल्याणकारिणी सभाको ज्ञापन पत्र

काठमाडौं- थारु कल्याणकारिणी सभाको २१औं महाधिवेशनले पारित गरेको २१ बुँदे घोषणा पत्र ज्ञापन पत्रको रुपमा प्रधानमन्त्री सुशील कोइरालालाई बुझाइएको छ। सभाका नवनिर्वाचित अध्यक्ष धनिराम चौधरीको नेतृत्वमा आज प्रधानमन्त्री निवास बालुवाटारमा...

राष्ट्र बैंकका पियनविरुद्ध अख्तियारको मुद्दा

काठमाडौं— अख्तियार दुरुपयोग अनुसन्धान आयोगले नेपाल राष्ट्र बैंकका वरिष्ठ पियन धारी महतोविरुद्ध विशेष अदालतमा भ्रस्ट्राचार मुद्दा दायर गरेको छ। उनको बिहार इन्टरमिडियट एजुकेशन काउन्सिल, पटना भारतबाट इन्टरमिडियट परीक्षा उत्तिर्ण सर्टिफिकेट नक्कली...

आवासीय बैठकका लागि तीन दलका शीर्ष नेता गोकर्ण रिसोर्टमा

काठमाडौं— संविधानका अन्तर्वस्तुमा सहमति जुटाउन मुख्य तीन दलका शीर्ष नेताहरु गोकर्ण रिसोर्ट पुगेका छन्। दुई दिने आवासीय बैठक गर्ने संवैधानिक राजनीतिक तथा सम्वाद समितिको योजनाअनुसार उनीहरु आज बिहानै रिसोर्ट पुगेका...

प्रक्रियामा गए संघर्ष : दाहाल

प्रक्रियामा गए संघर्ष : दाहाल

रौतहट-एकीकृत नेकपा माओवादीका अध्यक्ष पुष्पकमल दहाललेे सत्तारूढ दल सहमतिमा नगरी प्रक्रियामार्फत संविधान निर्माणमा गए मधेसवादी दलसँग मिलेर सशक्त संघर्षे गर्ने चेतावनी दिएका छन्।