Sunday 19 Baishak, 2073 |
Menu

राजनीति

republica-headerdiscount-subscribe1

istl

फुटाइएका मन्त्रालयमा कामको अन्योल

(0 votes)
काठमाडौं- सरकारले मन्त्रालय फुटाएर नयाँ बनाए पनि काम भने संयुक्त रूपमै सञ्चालन भइरहेको छ। फुटाइएका मन्त्रालयमा अझैसम्म काम बाँडफाँटसहितको आधिकारिक निर्णय पत्र नपुग्दा कुन काम कसले गर्ने भन्ने अन्योल देखिएको छ।

nepalipatr-april
मन्त्रालयको नाम, मन्त्री, सचिव छुट्टाछुट्टै बनाइएको छ। तर, मन्त्रालयका कर्मचारी भने पहिलेकै अवस्थामा काम भइरहेको बताउँछन्। भर्खर छुट्याइएको बाणिज्य तथा आपूर्ति मन्त्रालयको वेभसाइटमै बाणिज्य र आपूर्ति मन्त्रालयका छुट्टाछुट्टै मन्त्रीको फोटो राखिएको छ।

पशु विकास मन्त्रालयको वेभसाइट तयार भइसकेको छैन। मन्त्रालयको कार्यविभाजन भए पनि काम पहिलेकै अनुसार भइरहेको कृषि विकास मन्त्रालयका सहप्रवक्ता शंकर सापकोटाले बताए। उनले भने, 'विभागअनुसार आ–आफ्नै काम गर्दै आएका थियौं। बजेट शीर्षक पनि फरक थियो। कृषि र पशुसेवा विभागले गर्दै आएका काम निरन्तर चलिरहेका छन्।'

पशु र कृषिका कार्यक्रम छुट्याइएकाले जिल्ला, क्षेत्रमा कुनै द्विविधा नभएको उनले बताए। 'बजेट शीर्षक पहिलेदेखि फरक थिए,' उनले भने, 'विभागीय प्रमुख छुटाछुट्टै रहेको र संरचना छुट्टै भएकाले मन्त्रालय टुक््रयाउँदा कुनै अलमल छैन।' एउटै भवनमा कृषि र पशु विकास मन्त्रालय छन्।

नयाँ मन्त्रालय भएकाले कसरी कार्यक्रम गर्ने भन्नेबारे छलफल भइरहेको कृषि विकास मन्त्रालयका प्रवक्ता श्याम पौडेलले बताए। उनले भने, 'मन्त्रालय नयाँ भए पनि हाम्रा काम पहिलेदेखि नै फरक थिए। यस वर्ष स्वीकृत कार्यक्रम कृषिसँग समन्वय गरी काम गर्छौं।' विभागमातहत अपुग हुने जनशक्तिका विषयमा प्रक्रिया अगाडि बढेको बताए।

मन्त्री, सचिव बेग्लै भए पनि बाणिज्य मन्त्रालयमा कार्य विभाजन छलफलक्रममा रहेकाले पुरानै संरचनामा काम भइरहेको छ। मन्त्रालयबाट प्रस्तावित प्रतिवेदन संगठन तथा व्यवस्थापन सर्वेक्षण समिति हुँदै मन्त्रिपरिषदबाट पारित हुनुपर्छ। बाणिज्य तथा आपूर्ति मन्त्रालयमा रहेका सचिव ङइन्द्रप्रसाद उपाध्याय अहिले बाणिज्य सचिवको रूपमा कार्यरत छन्। आपूर्ति मन्त्रालयमा सचिव विष्णुप्रसाद लम्सालले पदभार ग्रहण गरिसकेका छनन्।

एउटै भवनमा उद्योग, बाणिज्य र आपूर्ति तीनवटा मन्त्रालय छन्। अब नयाँ संरचनामा आवश्यकताअनुसार शाखा, महाशाखा बनाउन बाँकी रहेको प्रशासन शाखा अधिकृत नवराज आचार्यले बताए। पहिले प्रस्ताव गरिएका कर्मचारी घटाउने विषयमा छलफल भइरहेको छ। सकेसम्म कम व्ययभारमा मन्त्रालय सञ्चालन गर्ने नीति रहेको उनले बताए। उनले भने, 'अहिलेसम्म यथावत रूपमै काम गरिरहेका छौं। हामी कुन मन्त्रालयका भन्ने आधिकारिक कुनै पत्र आइसकेको छैन।'

प्रतिक्रिया

शीर्ष नेता सहभागी भए कमल थापा नेतृत्वको समितिमा जान्छौः कर्ण

काठमाडौ-सद्भावना पार्टीका सह–अध्यक्ष लक्ष्मणलाल कर्णले प्रधानमन्त्री केपी शर्मा ओली, नेपाली काग्रेसका सभापति शेरबहादुर देउवा र एकीकृत नेकपा माओवादीका अध्यक्ष पुष्पकमल दाहाल सहभागि भए आफूहरु पनि उपप्रधानमन्त्री कमल थापाको संयोजकत्वमा गठित...

नियुक्तिमा सरकारले एकलौटी गर्‍यो: सभापति देउवा

काठमाडौँ-नेपाली काँग्रेसका सभापति शेरबहादुर देउवाले राजदूत नियुक्ति र न्यायाधीश सिफारिसमा सरकारले एकलौटी गरेको आरोप लगाएका छन्। राजधानीमा आयोजित एक कार्यक्रममा बोल्दै सभापति देउवाले प्रमुख प्रतिपक्षी दललाई नसोधी राजदूत नियुक्ति र...

कर नतिरे, बहिस्कार: युवा शक्ति

विराटनगर–युवा शक्ति नेपाल पार्टीले दुरसञ्चार सेवाप्रदाक कम्पनी एनसेललाई कानुन बमोजिम कर नतिरे बहिष्कार गर्ने चेतावनी दिएको छ। कर तिर्न अटेर गरे कम्पनी सञ्चालनमै रोक लगाएर कानुनी कारबाही गर्न उक्त पार्टीले...

आफैंले बोलाएको बैठकमा प्रधानमन्त्रीको चर्को आलोचना

आफैंले बोलाएको बैठकमा प्रधानमन्त्रीको चर्को आलोचना

काठमाडाैं-प्रधानमन्त्री केपी ओलीले बोलाएको संसदमा प्रतिनिधित्व गर्ने दलको बैठकमा सरकारको चर्को आलोचना भएको छ। शनिबार विहान प्रधानमन्त्री कार्यालय सिंहदरबारमा बसेको बैठकमा सरकार र प्रधानमन्त्रीको चर्को आलोचना भएको हो।

उजुरी लिने कार्यले माओवादीलाई अत्यायोः नेता नेपाल

धनकुटा–पूर्व प्रधानमन्त्री एवं नेकपा एमालेका नेता माधवकुमार नेपालले माओवादीलाई अत्याउने कार्य गरेर शान्ति प्रक्रिया सफल नहुँने बताएका छन्।

मतसंख्या हेरेर दललाई पैसा

काठमाडौं- जनताले दिएको मतका आधारमा राजनीतिक दलले सरकारी रकम पाउने भएका छन्। राजनीतिक दलसम्बन्धी कानुनलाई एकीकरण गर्न बनेको विधेयकमा यस्तो प्रस्ताव गरिएको हो।

वैद्य माओवादीमा दुई चिरा

काठमाडौं- माउ पार्टीसँग एकता अजेन्डामा मोहन वैद्य नेतृत्व माओवादी विभाजनको संघारमा देखिएको छ। अध्यक्ष वैद्यलाई छाडेर प्रभावशाली नेता रामबहादुर थापासहित पुराना नेतापंक्ति एकीकृत माओवादीसँग एकतानजिक पुगेका हुन्।

भूकम्पपीडितलाई बाँड्न थप रकम

काठमाडौं– राष्ट्रिय पुनर्निर्माण प्राधिकरणले भूकम्पपीडितलाई पहिलो किस्ता अनुदान दिन ११ अर्ब ६७ करोड ७९ लाख रुपैयाँ थप रकम निकासा गरेको छ।