6 Mangshir, 2071 |
Menu

राजनीति

आतंकवादी टुन्डा नेपालमा पक्राउ परेका हैनन् : प्रहरी

mynepal
(0 votes)
काठमाडौं— भारतको आतंकवादी सूचीमा रहेका अब्दुल करिम टुन्डा भारतमा पक्राउ परेको नेपाल प्रहरीले दाबी गरेको छ। अन्तर्राष्ट्रिय सञ्चारमाध्यमले टुन्डा काठमाडौंमा पक्राउ परेको दाबीसहितका समाचार सम्प्रेषण गरेपछि नेपाल प्रहरीले आधिकारिक धारणा सार्वजनिक गरेको हो।
टुन्डा गत शुक्रबार पक्राउ परेका थिए। भारतको दिल्ली प्रहरीले गत शनिबार पत्रकार सम्मेलन गरी भारतीय सुरक्षा निकायको मोस्ट वान्टेड सूचीमा रहेका टुन्डा भारत छिर्ने प्रयास गरिरहेको अवस्थामा महेन्द्रनगर–बनबासाको सीमामा पक्राउ परेको सार्वजनिक गरेको थियो।

द सन्डे मर्निङ हेराल्डलगायतले १० दिन अगाडि कराँचीबाट दुबई गएका टुन्डा दुबईबाट काठमाडौं आउनेक्रममा काठमाडौंमा पक्राउ परेको र नेपाली सुरक्षाकर्मीले नेपाल–भारत सीमामा लगेर हस्तान्तरण गरेको दाबी गर्दै समाचार प्रकाशन गरेका थिए।

प्रहरी प्रवक्ता नवराज सिलवालले भने टुन्डा भारतीय भूमिमै पक्राउ परेको दाबी गरे। 'टुन्डा नेपालमा पक्राउ परेका होइनन्,' आइतबार प्रहरी प्रधान कार्यालयमा आयोजित पत्रकार सम्मेलनमा उनले भने, 'उनी भारतीय भूमिमा पक्राउ परेका हुन् तर कहाँ भन्ने सूचना हामीसँग छैन ।'

भारतीय सुरक्षा अधिकारीले उनलाई सन् १९९३ को शृंखलाबद्ध बम विस्फोटमा संलग्न, भारतले खोजी गरिरहेको दाउद इब्राहिम र जैस ए मोहम्मदका हाफिज सइदसँग निकट सम्बन्ध र अन्य विभिन्न विस्फोटका घटनामा संलग्न रहेको दाबी गर्दै आएको छ ।

भारतीय सुरक्षा अधिकारीले पत्रकार सम्मेलनमा शुक्रबार उनी दुबईबाट अब्दुल कसुदको नाममा जारी भएको पाकिस्तानी पासपोर्टमा काठमाडौं आएको र बनबासाबाट भारत प्रवेश गर्न लाग्दा पक्राउ परेको सार्वजनिक गरेका थिए ।

नेपाल प्रहरीको विशेष ब्युरोले पाकिस्तान, दुबईलगायत मुलुकबाट आउने मुस्लिममाथि कडा निगरानी राख्न पछिल्लो समय विमानस्थलमा विशेष टोली खटाउँदै आएको छ। सोही टोलीले साउनमा शंका गरेर पिछा गरेको दुईजना पाकिस्तानी पछि अन्तर्राष्ट्रिय कल छलीमा संलग्न रहेको खुलेको थियो।

सिलवालले टुन्डा नेपाल हुँदै बनबासा पुगेको भारतीय सुरक्षा अधिकारीको दाबीलाई खन्डन गरे।

'अन्तर्राष्ट्रिय अपराधी र आतंकवादी नेपालमा सुरक्षित छन् भन्नु पनि निराधार हो,' उनले सञ्चारकर्मीमाझ भने, 'त्यस्ता कोही नेपाली भूमिमा बसेको सूचना आए तत्काल पक्राउ गरेका छौं ।'

दलले चाहेमा दुई घन्टामा विवाद सुल्झाउन सक्छन्: सभामुख नेम्वाङ

काठमाडौं– संविधानसभा अध्यक्ष सुवास नेम्वाङले दलहरुले चाहेमा दुई घन्टामा विवाद सुल्झाएर माघ ८ भित्र नै संविधान जारी गर्न सकिने बताएका छन्।

प्रधानमन्त्री र एमाओवादी अध्यक्षबीच भेटवार्ता

काठमाडौं– प्रधानमन्त्री सुशील कोइराला र एमाओवादी अध्यक्ष पुष्पकमल दाहालबीच दक्षिण एसियाली क्षेत्रीय सहयोग सङ्गठन(सार्क)को १८ औँ शिखर सम्मेलनलाई भव्य र सभ्य बनाउने विषयमा छलफल भएको छ।

जनकपुरमा सुरक्षा तयारी तीव्र

जनकपुर- सार्क सम्मेलनका लागि नेपाल आउन लागेका भारतीय प्रधानमन्त्री नरेन्द्र मोदीले त्यही क्रममा गर्ने भनिएको जनकपुर भ्रमणका लागि सुरक्षाव्यवस्था मिलाउन गृह मन्त्रालयले तीव्रता बढाएको छ।

निधिको वक्तव्यले खैलाबैला

काठमाडौं- परराष्ट्र मन्त्रालय तथा भारतीय दूतावाससँग आधिकारिक जानकारी नै नलिई भौतिक पूर्वाधार तथा यातायात मन्त्री विमलेन्द्र निधिले भारतीय प्रधानमन्त्री नरेन्द्र मोदीको 'जनकपुर भ्रमण रद्द भएको' भन्दै बिहीबार विज्ञप्ति जारी गरेपछि...

राष्ट्रपतिले ११ गते रात्रिभोज अायोजना गर्ने

काठमाडौं– राष्ट्रपति रामवरण यादवले दक्षिण एसियाली सहयोग संगठन (सार्क)को १८औं सम्मेलनमा सहभागी हुन आउने सरकार तथा राष्ट्रप्रमुखलाई मंसिर ११ गते रात्रिभोज दिने भएका छन्। रात्रिभोज राष्ट्रपति कार्यालय शीतल निवासमा हुनेछ।

तत्काल सहमति खोज्न विपक्षी दलहरूलाई राष्ट्रपतिको आग्रह

काठमाडौं– राष्ट्रपति रामवरण यादवले संविधानका अन्तर्वस्तुमा तत्काल सहमति खोज्न प्रमुख प्रतिपक्षी दल एकीकृत माओवादीका अध्यक्ष पुष्पकमल दाहालसहित विपक्षी दलका नेतालाई आग्रह गरेका छन्।

न्यायाधीशहरुको घोषणापत्रप्रति बारको आपत्ति

काठमाडौं— कानुन व्यवसायीहरुको छाता संगठन नेपाल बार एसोसिएसनले देशभरका न्यायाधीशहरुको सम्मेलनले पारित गरेको घोषणापत्रप्रति आपत्ति प्रकट गरेको छ। शुक्रबार बसेको पदाधिकारीको बैठकले सम्मेलनबाट पारित भएका अधिकांश बुँदाहरुमा अन्तर्राष्ट्रिय सन्धि र...

प्रधानमन्त्रीले एयरपोर्टदेखि सोल्टी होटलसम्मको निरीक्षण गरे

काठमाण्डौं—प्रधानमन्त्री सुशील कोइरालाले शुक्रबार दक्षिण एशियाली क्षेत्रीय सहयोग संगठनको १८ औं शिखर सम्मेलनको भौतिक तयारीको आकस्मिक निरीक्षण गरेका छन्। प्रधानमन्त्री कोइरालाले सार्क शिखर सम्मेलनको अवसरमा प्रयोग हुने सडकमार्ग, त्रिभुवन अन्तरार्ष्ट्रिय...