Thursday 23 Baishak, 2073 |
Menu

राजनीति

republica-headerdiscount-subscribe1

istl

यसै साता राजदूत नियुक्त गर्ने सरकारको तयारी

(0 votes)
काठमाडौं— सरकारले विभिन्न मुलुकमा रिक्त दूतावासमा राजदूत नियुक्तिलाई शीघ्र अघि बढाउने तयारी गरेको छ। राजदूत नियुक्त गर्ने सम्बन्धमा परराष्ट्र मन्त्रालयका सहसचिव अर्जुनबहादुर थापाको संयोजकत्वमा गठित कार्यदलले प्रारम्भिक मस्यौदा सरकारसमक्ष प्रस्तुत गरिसकेको छ भने त्यसलाई चाँडै अनुमोदन गरेर नयाँ नियुक्ति गरिने भएको छ।
nepalipatr-april
वर्णानुक्रमअनुसार दक्षिण एसियाली क्षेत्रीय सहयोग सङ्गठन (सार्क) महासचिवमा नेपालको पालो आएकाले आगामी फागुन १६ गतेपछि महासचिवको कार्यभार नेपालले नै सम्हाल्नु पर्नेछ। रिक्त हुने उक्त पदमा छ महिना अगावै नियुक्ति गर्नुपर्ने अन्तर्राष्ट्रिय प्रचलन छ।

संयुक्त राष्ट्रसङ्घका लागि न्यूयोर्कस्थित नियोग एक वर्षदेखि स्थायी प्रतिनिधिविहीन भएको छ भने झण्डै तीनवर्ष यता भारतका लागि नेपाली राजदूत नियुक्त गर्न सरकारले सकेको छैन। नयाँदिल्लीमा राजदूत नहुँदा सबैभन्दा बढी कठिनाइ त्यहाँ कार्यरत लाखौँ नेपालीले झेल्नुपरेको छ भने सबैभन्दा नजिकको छिमेकीसँगको सम्बन्धले अपेक्षित नयाँ उचाइ लिन सकेको छैन।

थाइल्यान्ड, इजिप्ट, मलेसिया र जर्मनीमा पनि नयाँ राजदूत पठाउनुपर्ने भएको छ। लामो समयदेखि ती दूतावासमा पनि राजदूत छैनन्। केही महिनापछि श्रीलङ्का पनि नेपाली राजदूतविहीन हुँदैछ। मुलुकको राष्ट्रिय हित प्रवद्र्धनमा हरपल जुट्नुपर्ने राजदूतावासले राजदूतविहीन अवस्थामा कसरी कार्यसम्पादन गर्नसक्छ भन्ने राससको जिज्ञासामा परराष्ट्र मन्त्रालयका प्रवक्तासमेत रहेका थापा सरकारले चाँडै निर्णय गर्ने बताउँछन्।

र्को सातादेखि निर्वाचन आचारसंहिता आकर्षित हुने जिज्ञासामा निर्वाचन आयोगको सहमतिमा राजदूत नियुक्ति गर्न सकिने तर्क उनको छ। 'निर्वाचन आचारसंहिता लागू हुनु अगावै पनि नियुक्ति हुनसक्छ' — उनले भने। सरकारले परराष्ट्र सेवाका ५० प्रतिशत र बाँकी राजनीतिक दलहरूको सिफारिसमा राजदूत नियुक्त गर्दै आएको छ । सहसचिव थापा कार्यदलले ७० प्रतिशत राजदूत परराष्ट्र सेवाका कर्मचारीबाट हुनुपर्ने सिफारिस गरेको कार्यदलका एक सदस्यले नाम उल्लेख नगर्ने सर्तमा बताए।

दक्षिण एसियाली मुलुक बङ्गलादेशले पनि ७० प्रतिशत राजदूत परराष्ट्र सेवाका कर्मचारीबाटै नियुक्त गर्दै आएको दृष्टान्त प्रस्तुत गर्दै उनले नेपालमा पनि त्यस्तो अभ्यास हुनुपर्नेमा जोड दिए।

प्रतिक्रिया

फोरम लोकतान्त्रिकको केन्द्रीय सदस्यमा सर्वसम्मत

विराटनगर-मधेसी जनअधिकार फोरम (लोकतान्त्रिक)को केन्द्रीय कार्यसमिति सदस्य सर्वसम्मत ढङ्गले चयन भएको छ।

हिट्लर, मुसोलिनी र मोदी एउटै : अध्यक्ष बिजुक्छे

जुम्ला-नेपाल मजदुर किसान पार्टीका अध्यक्ष नारायणमान बिजुक्छेले हिट्लर, मुसोलिनी र मोदी एउटै भएको टिप्पणी गरेका छन्।

दिल्लीमा बन्यो नयाँ सरकारको रोडम्याप

दिल्लीमा बन्यो नयाँ सरकारको रोडम्याप

काठमाडौं–बुधबार राजधानीको मौसम एकाएक शीतल बन्यो। तर राजनीतिक माहौल भने निकै गर्मायो। सरकारको महत्वपूर्ण साझेदार दल एमाओवादीले आफ्नै नेतृत्वको सरकार निर्माणको नयाँ बाटो समाएपछि अबको राजनीतिक मार्ग के होला? भन्ने...

मोर्चा नेता ठाकुर आज दिल्ली जाँदै

मोर्चा नेता ठाकुर आज दिल्ली जाँदै

रौतहट- तराई मधेस लोकतान्त्रिक पार्टीका अध्यक्ष महन्थ ठाकुर दिल्ली जाने भएका छन्। देशमा सरकार परिवर्तनको हल्लाबीच संयुक्त लोकतान्त्रिक मधेसी मोर्चाका नेता ठाकुर आज दिउँसो दिल्ली प्रस्थान गर्ने कार्यक्रम छ। उनी...

पूर्वपदाधिकारीलाई करोडौं

काठमाडौं- के आधारमा कुन तहको व्यक्तिलाई कस्तो सुविधा दिने भन्ने ऐन नहुँदा सरकारी पूर्वपदाधिकारीको सेवा–सुविधामा राज्यकोषबाट करोडौं खर्च भइरहेको पाइएको छ।

ओली गठबन्धन अल्पमतमा

काठमाडौं- प्रमुख सत्तासाझेदार एकीकृत नेकपा माओवादीले वर्तमान सरकार छाड्ने निर्णय लिएपछि प्रधानमन्त्री केपी शर्मा ओली नेतृत्व गठबन्धन अल्पमतमा परेको छ। बुधबार बिहान बसेको एकीकृत माओवादी पदाधिकारी बैठकले अहिलेको सरकारले परिणाममुखी...

कतारले दियो नौ बुलेटप्रुफ गाडी

काठमाडौं- कतारले नेपाललाई ९ वटा बुलेटप्रुफ मर्सिडिज बेन्ज गाडी उपहार दिएको छ। नेपालका लागि कतारका राजदूत अहमद जसेम मोहम्मद अली अल–हमरले ती गाडीको साँचो बुधबार उपप्रधान तथा परराष्ट्रमन्त्री कमल थापालाई...

माग पूरा नभई सरकारमा जान्नौं : मधेसी

काठमाडौं- सरकार परिवर्तन गर्ने कांग्रेसको प्रस्तावमा समर्थन जनाएको संयुक्त लोकतान्त्रिक मधेसी मोर्चाले आफ्ना माग पूरा नभएसम्म सरकारमा नजाने जनाउ दिएको छ। संसद भवन बानेश्वरमा बसेको मोर्चा–कांग्रेस बैठकमा आफ्ना ११ बुँदे...