16 Shrawn, 2072 |
Menu

राजनीति

ist-cc

नेपाल प्रहरीमा छ हजार १० दरबन्दी थपिने

  • बिहीबार २ जेष्ठ, २०७०
  • रासस
  • DISQUS_COMMENTS
(0 votes)
काठमाडौं- मन्त्रिपरिषद्को आजको बैठकले हालै बर्मुडामा सम्पन्न क्रिकेटको आइसिसी डिभिजन३ विजेता नेपाली खेलाडीलाई जनही रु तीन लाख ५० हजारका दरले नगद पुरस्कार दिनेलगायतका निर्णय गरेको छ। सो खेलमा नेपाली टोली च्याम्पियन बन्न सफल भएको थियो।


बैठकले नेपाल प्रहरीमा छ हजार १० दरबन्दी थप स्वीकृत गर्नेलगायत विभिन्न निर्णय पनि गरेको छ। मन्त्रिपरिषद्का प्रवक्ता एवम् सूचना तथा सञ्चारमन्त्री माधवप्रसाद पौडेलका अनुसार हाल नेपाल प्रहरीमा कुल छ हजार १ सय ७१ को दरबन्दी रहे पनि तीन हजार ७ सय ९३ जनामात्र काममा रहेकाले दरबन्दी थप्ने निर्णय भएको हो। 

थप गरिएको दरबन्दीमा न्याय सेवा प्रहरी निर्माण गरी सो सेवामा एक हजार ७ सय १४ जनाको दरबन्दी दिइनेछ। बाँकी चार हजार २ सय ९६ जना प्रहरीको प्रशासन सेवामा रहनेछन्। 

थप गरिएका अन्य दरबन्दी महानगरीय सुरक्षालोकमार्ग सुदृढीकरण र अस्थायी प्रहरी पोष्ट स्थापनामा खटिनेछन्। यस्तै बैठकले रुसको भ्लाडिभोस्टकमा यही जेठ १३ देेखि १६ सम्म हुने एसियन एन्ड प्यासिफिक इनर्जी फोरमको मन्त्रीस्तरीय बैठकमा भाग लिन राष्ट्रिय योजना आयोगका सचिवलाई जिम्मेवारी दिएको छ। 

बैठकले व्यापार तथा यातायात सहजीकरण आयोजनाका लागि विश्व बैंकको अन्तर्राष्ट्रिय विकास संस्थाले दिने ऋण तथा अनुदान सहयोगसम्बन्धी सम्झौताका लागि टोली गठन गरी वार्ता गर्ने निर्णय गरेको छ। यस आयोजनाका लागि ऋण र अनुदान गरी रु आठ अर्ब ६४ करोड २४ लाख प्राप्त हुनेछ। 

अवकाश हुन लागेका नेपाल न्याय सेवा (सरकारी सेवा) का दुई जनालाई विशिष्ट श्रेणी र एक जनालाई प्रथम श्रेणीमा बढुवा गर्ने निर्णय पनि भएको छ। 

फिनल्यान्डका राष्ट्रपति सावोजी मिनिष्टोबाट काठमाडौँ महानगरपालिका वडा नं. ४ निवासी मीनबहादुर रावललाई प्रदान गर्ने 'द अवार्ड अफ लाइफ अफ द फिनल्यान्डस्वीकार गर्न अनुमति दिइएको मन्त्री पौडेलले जानकारी दिए।

बैठकले सन् २०११ मा टर्कीको इस्तानबुलमा अतिकम विकसित मुलुकको विकाससम्बन्धी 'इस्तानबुल प्रोग्राम अफ एक्सन (२०११२०२०)कार्यान्वयन गर्न परराष्ट्रमन्त्रीको संयोजकत्वमा राष्ट्रिय कार्यान्वयन समिति गठन गरेको छ। यस्तै शान्ति तथा पुनर्निर्माण मन्त्रालयले तयार गरेको द्वन्द्वका कारणबाट मनोसामाजिक असरहरूको पहिचान गरी उनीहरूलाई आवश्यक मनोसामाजिक परामर्श सेवा प्रदान गर्नेसम्बन्धी निर्देशिका पारितका लागि मन्त्रिपरिषद्को सामाजिक समितिमा पठाइएको छ। 

रुकुमको चौरजहारी र पाँचथरको फिदिममा बस्ती विकास गरी सहरी क्षेत्र विकास गर्न आवश्यक जग्गा उपलब्ध गराउन सैद्धान्तिक निर्णय पनि बैठकले गरेको छ। 

हुलाक टिकट प्रकाशनसम्बन्धी निर्देशिकालाई मन्त्रिपरिषद्को विधेयक समितिमा पठाई समितिले पारित भएपछि कार्यान्वयन गर्ने तथा  यही जेठ ५ र ६ गते थाइल्यान्डमा हुने पानीसम्बन्धी क्षेत्रीय सम्मेलनमा भाग लिन ऊर्जामन्त्री उमाकान्त झाको नेतृत्वमा टोली जाने निर्णय पनि सरकारले गरेको छ। 

प्रतिक्रिया

विदेशीलाई अपार्टमेन्टबारे कारण माग

काठमाडौं– सर्वोच्च अदालतले विदेशीलाई अपार्टमेन्ट खरिद गर्न दिने व्यवस्था बजेट भाषणमार्फत गर्नुको कारण माग गरेको छ। प्रधानन्यायाधीश कल्याण श्रेष्ठको एकल इजलासले यस्तो निर्णय गर्नुको कारण लिखितरूपमा अदालतसमक्ष पेस गर्न भनेको...

नेपालमा छिट्टै शान्ति–स्थायित्व कायम होस्ः भारतीय राष्ट्रपति मुखर्जी

नेपालमा छिट्टै शान्ति–स्थायित्व कायम होस्ः भारतीय राष्ट्रपति मुखर्जी

काठमाडौं– भारतीय राष्ट्रपति प्रणव मुखर्जीले नेपालमा छिटो लोकतान्त्रिक संविधान जारी भएर शान्ति र स्थायित्व कायम होस् भन्ने चाहना व्यक्त गरेका छन्।

सीमांकनसहितको संविधान जारी गर्ने पक्षमा छौंः देउवा

काठमाडौं– भारत भ्रमणमा रहेका नेपाली कांग्रेसका बरिष्ठ नेता शेरबहादुर देउवाले आफूहरु सीमांकनसहितकै संविधान जारी गर्ने पक्षमा रहेको स्पष्ट पारेका छन्।

'अखण्ड सुदूरपश्चिम'विरुद्ध थारू सभासद

काठमाडौं- संविधानसभामा रहेका थारू सभासदहरूले कैलाली र कञ्चनपुरलाई 'अखण्ड सुदूरपश्चिम' मा नराख्न आग्रह गरेका छन्। काठमाडौंमा बसेका थारू सभासदको भेलाले प्रदेशको सीमांकनसहित संविधान ल्याउन माग राख्दै दुई जिल्लालाई 'थरुहट प्रदेश'...

हराएका राहदानी विवरण इन्टरपोलमा

काठमाडौं- सरकारले १ लाख २० हजार नेपाली राहदानीको विवरण अन्तर्राष्ट्रिय प्रहरी संगठन (इन्टरपोल) को केन्द्रीय डाटाबेस प्रणालीमा राखेको छ। साढे ४ वर्षमा नेपालभित्र र बाहिर हराएका तथा चोरी भएका नेपाली...

विदेश भ्रमणमा कडाइ

काठमाडौं- सरकारले राष्ट्रपति तथा प्रधानमन्त्रीको औपचारिक विदेश भ्रमण टोली २२ सदस्यीयभन्दा ठूलो बनाउन नपाउने मापदण्ड निर्धारण गरेको छ। मन्त्रिपरिषद बैठकले बिहीबार मन्त्री तथा सार्वजनिक पदमा रहेका अधिकारीको विदेश भ्रमणलाई नियन्त्रण...

बिचौलियाविरुद्ध कारबाही माग

काठमाडौं- नेपाल बार एसोसिएसनले अदालतमा रहेका बिचौलिया तत्काल पहिचान गरी कारबाही प्रक्रिया थाल्न प्रधानन्यायाधीश कल्याण श्रेष्ठसँग माग गरेको छ।

पाण्डेको मुद्दा अग्राधिकारमा

काठमाडौं- सर्वोच्च अदालतले भ्रष्टाचारसम्बन्धी मुद्दामा थुनामा रहेका उद्योगी प्रदीपजंग पाण्डेलाई बाँकी सजाय माफी दिने सरकारको निर्णयविरुद्ध दायर रिटलाई अग्राधिकार दिई सुनुवाइ गर्ने भएको छ। न्यायाधीश गोविन्दकुमार उपाध्यायको एकल इजलासले पाण्डेको...