काठमाडौं– विद्यालयमा अध्ययनरत बालबालिकालाई लक्षित गर्दै आयोजना गरिएको १५ औं संस्करणको ‘प्रिन्स एन्ड प्रिन्सेस २०१८’ तथा ‘लिटिल प्रिन्स एण्ड प्रिन्सेस २०१८’ मा राजश्री गुरुकुलमा अध्ययनरत विद्यार्थीले बाजी मारेका छन् ।

प्रिन्सको उपाधि प्रनिस खड्का तथा प्रिन्सेसको उपाधि पलिष्ठा महर्जनले पोल्टामा पारे । प्रतियोगितामा सोहन बुढाथोकी तथा श्रृंगा श्रेष्ठ ‘फस्ट रनरअप’ तथा आयुष तण्डुकार र तेजुसी तण्डुकारले ‘सेकेन्ड रनर अप’ बन्दा आयुष्मान बस्नेत तथा गृष्मा उप्रेतीले ‘थर्ड रनरअप’ बने ।

‘लिटिल प्रिन्स’ तर्फ युनिक पराजुली तथा ‘लिटिल प्रिन्सेस’तर्फ क्रिस्टिना खड्काले उपाधि जित्दा लिटिलतर्फ आर्यन मित्तल र सोहन पाठक ‘फस्ट रनरअप’ तथा तेजुसी श्रेष्ठ र रिजन केसी ‘सेकेण्ड रनर अप’ बने । प्रतियोगितामा जेनिस शाही र वैभवी शाह ‘थर्ड रनर अप’ भए ।

इभेन्ट बेटर ग्यालेक्सीले मंगलबार साँझ आयोजना गरेको प्रतियोगिताका विजेतालाई जनही २५ हजार रुपैया“ प्रदान गरिएको थियो । ग्यालेक्सीका धिरज तण्डुकारका अनुसार विजेताले विदेशमा आयोजना हुने प्रतियोगितामा नेपालको प्रतिनिधित्व गर्नेछन् । सुरजनी केसीको कोरियोग्राफी रहेको प्रतियोगितामा पूर्व उपराष्ट्रपति परमानन्द झा प्रमुख अतिथि थिए ।

प्रतियोगिताको निर्णायकमा कला सुब्बा, निर्णय श्रेष्ठ, गोविन्द राई, दिक्पाल कार्की, रुस्का वैद्य, अमर तण्डुकार, उदय सोताङ, प्राश्ना शाक्य, मरिष्का पोखरेल आदि थिए । ‘प्रिन्स एन्ड प्रिन्सेस’मा ३४ तथा ‘लिटिल प्रिन्स एन्ड प्रिन्सेस’मा ५४ जना बालबालिकाहरूको सहभागिता रहेको थियो ।

प्रकाशित: ४ फाल्गुन २०७४ ०४:१० शुक्रबार