मुख्यमन्त्री नियुक्त : प्रदेश ५

‘सानो मन्त्रिपरिषद्’

बिहिबार, ०३ फागुन २०७४, ०७ : ५७ शेरबहादुर केसी


बुटवल – प्रदेश नम्बर ५ को मुख्यमन्त्रीमा एमाले संसदीय दलका नेता शंकर पोखरेल नियुक्त भएका छन् । प्रदेश प्रमुख उमाकान्त झाले बुधबार साँझ पोखरेललाई मुख्यमन्त्री नियुक्त गरेका हुन् । पोखरेलले बिहीबार पद तथा गोपनीयताको शपथ लिने कार्यक्रम छ ।  

एमाले र माओवादी केन्द्रले एमाले संसदीय दलका नेता पोखरेललाई मुख्यमन्त्री बनाउन बहुमतसहितको दाबीपत्र प्रदेश प्रमुख झासमक्ष पेस गरेपछि मुख्यमन्त्री नियुक्त गरिएको हो । संविधानको धारा १६८ को उपधारा दुई बमोजिम मुख्यमन्त्री नियुक्त गरिएको हो । धारा १६८ को उपधारा २ मा प्रदेशसभामा कुनै पनि दलको स्पष्ट बहुमत नरहेको अवस्थामा प्रदेशसभामा प्रतिनिधित्व गर्ने दुई वा दुईभन्दा बढी दलको समर्थनमा बहुमत प्राप्त गर्न सक्ने प्रदेशसभा सदस्यलाई प्रदेश प्रमुखले मुख्यमन्त्री नियुक्त गर्ने व्यवस्था छ।

८७ सदस्यीय यो प्रदेशसभामा एमालेका ४१ र माओवादी केन्द्रका २० सांसद छन् । दुई वाम दल मिलेपछि सरकार गठनका लागि स्पष्ट बहुमत पुगेको हो।  

प्रदेश प्रमुख कार्यालयका सचिव सनतकुमार दुवाडीका अनुसार सडक डिभिजन कार्यालय परिसरको चौरमा मुख्यमन्त्रीलाई शपथ गराउने कार्यक्रम छ । सडक डिभिजन कार्यालयसँगै रहेको अतिथिगृहमा प्रदेश प्रमुख झा बस्दै आएका छन्। 

सुरुमा तीन सदस्यीय सरकार 
बिहीबार मुख्यमन्त्रीको शपथ लिएपछि पोखरेलले सानो आकारको मन्त्रिमण्डल बनाउने तयारी गरेका छन्। तत्काल काम अघि बढाउन आन्तरिक मामिला तथा कानुन र भौतिक पूर्वाधार तथा विकासमन्त्री नियुक्त गर्ने तयारी छ। आन्तरिक मामिला तथा कानुनमन्त्रीमा माओवादी संसदीय दलका नेता कुलप्रसाद केसी र भौतिक पूर्वाधार तथा विकास मन्त्रीमा बैजनाथ चौधरी नियुक्त हुने सम्भावना छ । त्यसपछि केही सातामा मन्त्रिमण्डल विस्तार गरी नौ सदस्यीय बनाउने तयारी छ। 

 





यसमा तपाईको मत

तपाईंको रुचि अनुसारको समाचारको लागि खाता खोल्नुहोस् ।

अन्य समाचार

नयाँ सवारी दर्ता गर्ने प्रक्रिया

नयाँ सवारी दर्ता गर्ने प्रक्रिया

नयाँ सवारी खरिद गरिसके पछि सो सवारी सडकमा चलाउनु अगाडी नै दर्ता गरिसकेको हुनुपर्छ | ग्राहकलाइ सजिलो होस् भनेर दर्ता...

कस्तो किसिमको गाडी किन्नु ठीक होला त ?

कस्तो किसिमको गाडी किन्नु ठीक होला त ?

गाडीको बनावटमा आधारित गाइड ...

किन गर्ने गाडीको बिमा?

किन गर्ने गाडीको बिमा?

भविष्यमा हुन सक्ने दुर्घटनाको बारे हामी अनविज्ञ छौं । तेस्रो पक्षको सवारी विमा गरेर यस्तो दुर्घटनाको क्षति कसरी न्यूनीकरण गर्न...

जाडो मौसममा गाडीमा आउन सक्ने समस्याहरुको समाधान

जाडो मौसममा गाडीमा आउन सक्ने समस्याहरुको समाधान

जान्नुहोस् केहि रोचक जुक्ति र ह्याकहरु जसबाट तपाइले गाडीमा आइपर्ने जाडो सम्बन्धि समस्याहरुबाट छुटकारा पाउन सक्नुहुन्छ ...

दयाहाङ किराँत संग्रहालयको सद्भावना दूत

दयाहाङ किराँत संग्रहालयको सद्भावना दूत

अभिनेता दयाहाङ राईलाई खोटाङको ऐसेलुखर्क–५ रिब्दुङ महेश्वरीमा निर्माण सुरु गरिएको किराँत संग्रहालयको सद्भावना दूत बनाइएको छ। ...

सञ्जय दत्तको बायोपिक फिल्ममा विवाद

सञ्जय दत्तको बायोपिक फिल्ममा विवाद

बलिउडका अभिनेता सञ्जय दत्तको जीवनीमा आधारित बायोपिक फिल्मको नाममा विवाद भएको छ। निर्देशक राजकुमार हिरानी र निर्माता विनोद चोपडा फिल्मको नाम...

जोहारीको ‘याँ सम्झिने कोई भएन’ को भिडियो सार्वजनिक

जोहारीको ‘याँ सम्झिने कोई भएन’ को भिडियो सार्वजनिक

गायक वीरेन्द्र जोहारी नयाँ देउडा गीतका साथ दर्शकश्रोता समक्ष आएका छन्। पेशाले नेपाल प्रहरीको प्रहरी नायव निरीक्षक पदमा कार्यरत जोहारीले...

मिथिला माध्यमिकी परिक्रमा आज महोत्तरीमा

मिथिलाको महाकुम्भ भनिने मिथिला माध्यमिकी परिक्रमाका यात्री आज महोत्तरी जिल्ला प्रवेश गरेका छन्। ...