राजधानी माग्दै प्रधानमन्त्रीलाई हस्ताक्षर

बुधबार, ०२ फागुन २०७४, १९ : १९ अर्जुन ओली


नेपालगन्ज – सरकारले प्रदेशको अस्थायी राजधानी तोकेर आवश्यक पूर्वाधारको जोहो गरिरहेका बेला बाँकेमा भने राजधानी तोक्नुपर्ने माग यथावत रहेको छ। बन्द, हड्तालभन्दा शान्तिपूर्ण आन्दोलनको बाटो रोजेका बाँकेबासीले दवाव स्वरूप चरणवद्ध रूपमा कार्यक्रम गर्दै आएका छन्। बाँकेमा आन्दोलन चलिरहँदा प्रदेश नम्बर ५ को अस्थायी राजधानी बुटवलमा भने सरकारले पूर्वाधारको तयारी गरिरहेको छ।

सिठ्ठी फुकेर साँङ्केतिक रूपमा बिरोध प्रर्दशन गरिसकेको संघर्ष समितिले बाँकेलाई पाँच नम्बर प्रदेशको स्थायी राजधानी कायम गर्नुपर्ने माग गर्दै बुधबार प्रधानमन्त्री शेरबहादुर देउवालाई हस्ताक्षर बुझायो। बाँकेका प्रमुख जिल्ला अधिकारी रमेशकुमार केसीमार्फत बाँके राजधानी संघर्ष समितिले प्रधानमन्त्री देउवालाई हस्ताक्षर बुझाएको हो।

प्रादेशिक राजधानीको आन्दोलतप्रति नागरिकको सर्मथन जुटाउन संघर्ष समितिले हालै नेपालगन्जमा सम्पन्न प्रादेशिक महोत्सव परिसरमा करिब १४ हजार हस्ताक्षर संकलन गरेको थियो। एमाले बाँकेका उपाध्यक्ष निरक गुरुङको संयोजकत्वमा संकलित उक्त हस्ताक्षर सहितको पोकोलाई बुधबार प्रशासन कार्यालयमै पुगेर विभिन्न राजनीतिक दलका प्रमुख तथा प्रतिनिधी र नागरिक समाजका अगुवाको रोहबरमा बुझाइएको हो। 

राजनीतिक दल र नागरिक समाजका प्रतिनिधिहरू हस्ताक्षर बुझाउनुअघि पासाङ ल्हामुमार्ग हुँदै प्रशासन कार्यालयमा पुगेका थिए। ‘पाँच नम्बर प्रदेशको राजधानी बाँकेलाई घोषणा गर’ भन्ने नारा लेखिएको कालो ब्यानरसहित पुगेका उनीहरूले माग पुरा नहुँदासम्म दवाव मुलक कार्यक्रम जारि राख्ने जनाएका छन्। बाँकेमै पर्याप्त पूर्वाधार हुँदाहुँदै पनि सरकारले बुटवललाई राजधानी तोकेर ठुलो अन्याय गरेको उनीहरूको गुनासो छ। ‘नेपालगन्ज ऐतिहासिक र साँस्कृतिक रूपले महत्व बोकेको शहर हो, राजधानी बनाउनका लागि आवश्यक पर्ने सम्पूर्ण पूर्वाधार पर्याप्त मात्रामा छ, तरपनि हामीलाई अन्याय गरियो,’ उच्च अदालत बार एशोसियशन नेपालगन्जका अध्यक्ष एवम् बाँके राजधानी संघर्ष समितिका सदस्य बलबहादुर चन्दले भने।

पहिलो चरणमा विभिन्न दवाव मुलक कार्यक्रम गरेको संघर्ष समितिले दोस्रो चरणका लागि पनि विभिन्न दवाव मुलक कार्यक्रम सार्वजनिक गरिसकेको छ। जस अनुसार फागुन ५ गते बाँकेका पत्रकारसँग अन्तरक्रिया, ७ गते स्थानीय विपी चोकमा सर्बपक्षिय अन्तरक्रिया, ९ र १० गते स्थानीय तहका जनप्रतिनिधिको उपस्थितीमा अन्तरक्रिया र फागुन १४ गते प्रदेश सांसदलाई ध्यानाकर्षण बुझाउने कार्यक्रम रहेको समितिले जनाएको छ।





यसमा तपाईको मत

तपाईंको रुचि अनुसारको समाचारको लागि खाता खोल्नुहोस् ।

अन्य समाचार

नयाँ सवारी दर्ता गर्ने प्रक्रिया

नयाँ सवारी दर्ता गर्ने प्रक्रिया

नयाँ सवारी खरिद गरिसके पछि सो सवारी सडकमा चलाउनु अगाडी नै दर्ता गरिसकेको हुनुपर्छ | ग्राहकलाइ सजिलो होस् भनेर दर्ता...

कस्तो किसिमको गाडी किन्नु ठीक होला त ?

कस्तो किसिमको गाडी किन्नु ठीक होला त ?

गाडीको बनावटमा आधारित गाइड ...

किन गर्ने गाडीको बिमा?

किन गर्ने गाडीको बिमा?

भविष्यमा हुन सक्ने दुर्घटनाको बारे हामी अनविज्ञ छौं । तेस्रो पक्षको सवारी विमा गरेर यस्तो दुर्घटनाको क्षति कसरी न्यूनीकरण गर्न...

जाडो मौसममा गाडीमा आउन सक्ने समस्याहरुको समाधान

जाडो मौसममा गाडीमा आउन सक्ने समस्याहरुको समाधान

जान्नुहोस् केहि रोचक जुक्ति र ह्याकहरु जसबाट तपाइले गाडीमा आइपर्ने जाडो सम्बन्धि समस्याहरुबाट छुटकारा पाउन सक्नुहुन्छ ...

भलिबलले जोडेको मन

भलिबलले जोडेको मन

सामान्यतया खेलाडीलाई होम ग्राउन्डको फाइदा रहन्छ ।  समर्थनमा सुनिने हुटिङले खेलाडीको उत्साह बढाउँछ । भक्तपुरमा फागुन ३ देखि ८ गतेसम्म...

‘कान्छी’को ‘रेस्पोन्स’ बुझ्न स्वेता देश दौडाहमा (फोटो फिचर)

‘कान्छी’को ‘रेस्पोन्स’ बुझ्न स्वेता देश दौडाहमा (फोटो फिचर)

नायिका श्वेता खड्का आफूले अभिनय तथा निर्माण गरेको फिल्म ‘कान्छी’को प्रतिक्रिया लिन व्यस्त छिन्। काठमाडौंका सबै हलहरुबाट राम्रो प्रतिक्रिया पाएपछि...

अब्बल अभिनेत्री दीपिका, निर्देशकले दिए पुरस्कार

अब्बल अभिनेत्री दीपिका, निर्देशकले दिए पुरस्कार

दीपिका पादुकोणले पाँच सय रुपैयाँ पुरस्कार पाएकी छन्। उनीद्वारा अभिनित चलचित्र ‘पद्मावत’ ले राम्रो सफलता पाएको छ। उक्त सफलताबाट खुशी...

१०७ भत्किए, तीन मात्रै बने

काठमाडौं महानगरपालिका क्षेत्रमा भूकम्पले भत्किएका १०७ सम्पदामध्ये तीन मात्रै पुनर्निर्माण सम्पन्न भएका छन् । भूकम्प गएको तीन वर्ष बित्न लाग्दा...