उत्तर कोरियासँग वार्ता गर्न अमेरिका तयार

मङ्गलबार, ०१ फागुन २०७४, ०८ : ४७ एजेन्सी


वासिङ्टन – अमेरिकी उपराष्ट्रपति माइक पेन्सले उत्तर कोरियासँग निःशर्त वार्ता गर्न वासिङ्टन तयार रहेको बताएका छन् ।

‘यदि उत्तर कोरिया वार्ता गर्न चाहन्छ भने ट्रम्प प्रशासनले पनि वार्ता गर्नेछ,’ वासिङ्टन पोष्टले अमेरिकी उपराष्ट्रपति माइक पेन्सलाई उद्धृत गर्दै सोमबार समाचार प्रकाशन गरेको छ ।

अमेरिका वासिङ्टनसँग निःशर्त वार्ता गर्न तयार रहे पनि उत्तर कोरियाले आफ्नो आणविक कार्यक्रम नत्यागेसम्म रुस विरूद्धका कडा प्रतिबन्ध भने कायम नै रहने अमेरिकी उपराष्ट्रपति पेन्सकोे भनाइ रहेको छ ।

यसअघि ट्रम्प प्रशासनले उत्तर कोरियाली नेता किम जोङ–उन निशस्त्रीकरणका लागि तयार नभएसम्म प्योङयाङसँग वार्ता नगर्ने बताउँदै आएको थियो ।

 दक्षिण कोरियामा शीतकालीन ओलिम्पिक्सको उद्घाटन समारोहमा सहभागी भइ स्वदेश फर्केपछि पेन्सको पछिल्लो अभिव्यक्ति आएको हो । दक्षिण कोरियामा रहँदा पेन्सले त्यहाँका राष्ट्रपति मुन जाय–इनसँग भेटवार्ता गरेका थिए ।

    दक्षिण कोरियाली राष्ट्रपति मुनसँगको भेटवार्तामा उत्तर कोरियासँग संवाद बढाउने एउटा खाकामा आफूले सहमति जुटाएको पेन्सले वासिङ्टन पोष्टसँगको कुराकानीका क्रममा बताएका थिए ।

 यसअघि दक्षिण कोरियाबाट स्वदेश फर्कने क्रममा पत्रकारहरूसँग कुरा गर्दै पेन्सले उत्तर कोरियालाई दबाब दिइरहनुपर्ने आवश्यकताबारे आफ्नो देश र दक्षिण कोरिया पूर्णतः सहमत रहेको बताएका थिए । उनले उत्तर कोरियासँग वार्ता गर्ने विषयमा कुनै प्रकारको मतभेद नभएको पनि सञ्चारकर्मीसँग बताएका थिए ।  

 शनिबार उत्तर कोरियाली नेता किम जोङ–उनले दक्षिण कोरियाली राष्ट्रपति मुन जाय–इनलाई प्योङयाङमा शिखर सम्मेलनमा सहभागी हुनका लागि निम्ता दिएका थिए । उत्तर कोरियाली शासक किम जोङ–उनकी बहिनी एवं प्रभावशाली नेत्री किम यो–जोङले दक्षिण कोरियाली राष्ट्रपति मुनलाई प्योङयाङ भ्रमणको निम्ता दिएकी थिइन् ।

दक्षिण कोरियाली राष्ट्रपति भवन ब्लू हाउसमा उत्तर कोरियाली उच्च प्रतिनिधिमण्डलसँगको शनिबार भएको भेटवार्ताका क्रममा मुनले उत्तर कोरियालाई अमेरिकासँगको वार्तामा फर्कन प्रोत्साहितसमेत गरेका थिए ।

 दुई कोरियाबीच रहेको तनावका समय दक्षिण कोरियाले आयोजना गरेको शीतकालीन ओलम्पिक्सले कोरियाली नेताहरूको भेटलाई सहज बनाइदिएको थियो । उत्तरको निम्ता मान्दै दक्षिण कोरियाली राष्ट्रपति उत्तर कोरियामा आयोजना हुने शिखर सम्मेलनमा सहभागी भए भने दुई कोरियाली नेतृत्वबीच एक दशकभन्दा पनि लामो समयपछि उच्च तहमा भेटवार्ता हुनेछ ।

 दक्षिण कोरियाका राष्ट्रपति मुन जाय–इनले निमन्त्रणा स्वीकार गर्नुअघि उत्तरले निश्चित शर्तहरू पालना गर्नुपर्ने दक्षिण कोरियाका प्रधानमन्त्रीले आइतबार सोलमा भएको एक कार्यक्रममा बताएका थिए ।

 





यसमा तपाईको मत

तपाईंको रुचि अनुसारको समाचारको लागि खाता खोल्नुहोस् ।

अन्य समाचार

नयाँ सवारी दर्ता गर्ने प्रक्रिया

नयाँ सवारी दर्ता गर्ने प्रक्रिया

नयाँ सवारी खरिद गरिसके पछि सो सवारी सडकमा चलाउनु अगाडी नै दर्ता गरिसकेको हुनुपर्छ | ग्राहकलाइ सजिलो होस् भनेर दर्ता...

कस्तो किसिमको गाडी किन्नु ठीक होला त ?

कस्तो किसिमको गाडी किन्नु ठीक होला त ?

गाडीको बनावटमा आधारित गाइड ...

किन गर्ने गाडीको बिमा?

किन गर्ने गाडीको बिमा?

भविष्यमा हुन सक्ने दुर्घटनाको बारे हामी अनविज्ञ छौं । तेस्रो पक्षको सवारी विमा गरेर यस्तो दुर्घटनाको क्षति कसरी न्यूनीकरण गर्न...

जाडो मौसममा गाडीमा आउन सक्ने समस्याहरुको समाधान

जाडो मौसममा गाडीमा आउन सक्ने समस्याहरुको समाधान

जान्नुहोस् केहि रोचक जुक्ति र ह्याकहरु जसबाट तपाइले गाडीमा आइपर्ने जाडो सम्बन्धि समस्याहरुबाट छुटकारा पाउन सक्नुहुन्छ ...

दयाहाङ किराँत संग्रहालयको सद्भावना दूत

दयाहाङ किराँत संग्रहालयको सद्भावना दूत

अभिनेता दयाहाङ राईलाई खोटाङको ऐसेलुखर्क–५ रिब्दुङ महेश्वरीमा निर्माण सुरु गरिएको किराँत संग्रहालयको सद्भावना दूत बनाइएको छ। ...

सञ्जय दत्तको बायोपिक फिल्ममा विवाद

सञ्जय दत्तको बायोपिक फिल्ममा विवाद

बलिउडका अभिनेता सञ्जय दत्तको जीवनीमा आधारित बायोपिक फिल्मको नाममा विवाद भएको छ। निर्देशक राजकुमार हिरानी र निर्माता विनोद चोपडा फिल्मको नाम...

जोहारीको ‘याँ सम्झिने कोई भएन’ को भिडियो सार्वजनिक

जोहारीको ‘याँ सम्झिने कोई भएन’ को भिडियो सार्वजनिक

गायक वीरेन्द्र जोहारी नयाँ देउडा गीतका साथ दर्शकश्रोता समक्ष आएका छन्। पेशाले नेपाल प्रहरीको प्रहरी नायव निरीक्षक पदमा कार्यरत जोहारीले...

मिथिला माध्यमिकी परिक्रमा आज महोत्तरीमा

मिथिलाको महाकुम्भ भनिने मिथिला माध्यमिकी परिक्रमाका यात्री आज महोत्तरी जिल्ला प्रवेश गरेका छन्। ...