स्थानीय तहमा तत्काल कर्मचारी पठाऊ

आइतबार, २१ माघ २०७४, १० : १२ सम्पादकीय


सामान्य प्रशासन मन्त्रालयले स्थानीय तहका लागि भनी सरुवा गरेका एक हजार ६ सय कर्मचारीमध्ये अधिकांश अझैसम्म कार्यक्षेत्रमा नपुगेको जुन तथ्य सार्वजनिक भएको छ, त्यसले कर्मचारीले सरकारलाई अटेरी गरेको प्रस्टै भएको छ । अझ ती कर्मचारीहरु काठमाडौंमै बसेर हाजिर गरिरहेको कार्यले कर्मचारीतन्त्रमा अराजकताको चरम रुप रहेको देखिन्छ।

एकातिर स्थानीय तहमा कर्मचारी अभावले कामकारबाही ठप्प हुने अर्काेतिर मन्त्रालयले खटाएका कर्मचारीहरु कार्यक्षेत्रमा नजाने प्रवृत्तिले कर्मचारी प्रशासनले संघीय व्यवस्थालाई आत्मसात् गर्न नसकेको देखिन्छ । सरकारले कार्यक्षेत्रमा खटाएका कर्मचारीहरु त्यहाँ नगएको अवस्थामा कारबाही गर्न सक्नुपर्छ । फेरि सरुवा भइसकेका कर्मचारीहरुलाई काठमाडौंमै हाजिर गर्न दिनु नै गलत छ । कार्यक्षेत्रबाहेक अन्यत्र गरेको हाजिरलाई अमान्य घोषित गर्नुपर्छ।

एकातिर स्थानीय तहमा कर्मचारी अभावले कामकारबाही ठप्प हुने अर्काेतिर मन्त्रालयले खटाएका कर्मचारी कार्यक्षेत्रमा नजाने प्रवृत्तिले कर्मचारी प्रशासनले संघीय व्यवस्थालाई आत्मसात् गर्न नसकेको देखिन्छ । सरकारले कार्यक्षेत्रमा खटाएका कर्मचारीहरु त्यहाँ नगएको अवस्थामा कारबाही गर्न सक्नुपर्छ।

स्थानीय तहमा कर्मचारी नगएकै कारण सरकारले प्रदेशमा खटाएका कर्मचारीका हकमा भने कडिकडाउ गर्न थालेको छ । प्रदेशका लागि २ हजार हाराहारीमा कर्मचारी खटाउने तयारी रहेकोमासरकारले ६ सय कर्मचारीलाई कार्यक्षेत्रमाखटाइसकेको छ । सामान्य प्रशासन मन्त्रालयले प्रदेशको हकमा सरुवा गरेर पठाएका कर्मचारीलाई सरुवा भएकै दिनदेखि काठमाडौंमा हाजिर गर्न रोक लगाउने जुन कार्यको सुरुवात गरेको छ, त्यो निर्णय कार्यान्वयनका हिसाबले सही छ ।  यसले गर्दा पनि कर्मचारीहरु तोकिएको कार्यक्षेत्रमा जान बाध्य भएका छन् । त्यसैले सरकारले यस किसिमको कार्यलाई निरन्तरता दिन जरुरी छ।

त्यतिमात्र होइन, सरकारलेस्थानीय तहमा खटाएका कर्मचारीका सबालमा पनि त्यसैगरी कर्डा गर्न जरुरी छ । यसका साथै सरुवा भइसकेका कर्मचारीलाई काठमाडौंमै हाजिर गर्न दिएर सम्बन्धित कार्यालयहरुले समेत असहयोग गरेको देखिन्छ । यो अवस्थामा सरुवा भइसकेका कर्मचारीलाई काठमाडौंमै हाजिर गर्न दिने सम्बन्धित कार्यालयका प्रमुखहरुलाई समेत कारबाहीको दायरामा ल्याउने हो भने उनीहरुले निर्णय कार्यान्वयन गर्न सहजीकरण गर्नेछन् । अन्यथा, उनीहरु नै सरकारको निर्णय कार्यान्वयनमा बाधक बन्नेछन्।

संघीय मामिला तथा स्थानीय विकास मन्त्रालयले  स्थानीय तहमा कर्मचारी अभाव भएको भन्दै कर्मचारी पठाउन सामान्य प्रशासन मन्त्रालयलाई पटक पटक ताकेता गरेपनि कर्मचारीको अटेरीले सरकारको निर्णय कार्यान्वयन नभएको हो । एकातिर केन्द्रमा कर्मचारी धेरै भएर उनीहरुको कामै नहुने अर्काेतिर स्थानीय तहमा कर्मचारीको अभावका कारण सर्वसाधारणले पाउनुपर्ने सेवा प्राप्त गर्न नसक्ने विडम्बनापूर्ण अवस्था देखिएको छ । स्थानीय विकास मन्त्रालयले स्थानीय तहमा अझै तीन हजार पाँच सय अधिकृत तहका कर्मचारीअभाव भएको बताउँदै आएको छ।

स्थानीय तहका जनप्रतिनिधिले पनि स्थानीय तहमा कर्मचारी अभाव भएकाले सर्वसाधारणको काममा प्रभाव परेको बताउँदै आएका छन् । उनीहरुले पर्याप्त मात्रामा कर्मचारीहरु पठाइदिन ताकेता गर्दै आएका हुन् । त्यसैले सरकारले संघीयताको सही कार्यान्वयनका लागि स्थानीय तह र प्रदेशमा आवश्यक पर्ने कर्मचारीहरु तत्काल खटाइहाल्न जरुरी छ।

कर्मचारी अभावमा जनताले छिटोछरितो सेवा पाउन सकेनन् भने उनीहरुमा असन्तुष्टि जन्मिनेछ जसले ढिलोछिटो संघीय संरचनालाई समेत असफलतातर्फ लैजाने खतराबढाइदिन्छ । त्यसैले पनि सरकार यो सबालमा गम्भीर हुन जरुरी छ । त्यसका लागि सरकारले स्थानीय तह र प्रदेशमा के कति कर्मचारी आवश्यक पर्ने हो, त्यसको तय गर्दै छिटोभन्दा छिटो व्यवस्थापन गर्नेतर्फ तत्काल कदम चाल्न आवश्यक छ।





यसमा तपाईको मत

तपाईंको रुचि अनुसारको समाचारको लागि खाता खोल्नुहोस् ।

अन्य समाचार

नयाँ सवारी दर्ता गर्ने प्रक्रिया

नयाँ सवारी दर्ता गर्ने प्रक्रिया

नयाँ सवारी खरिद गरिसके पछि सो सवारी सडकमा चलाउनु अगाडी नै दर्ता गरिसकेको हुनुपर्छ | ग्राहकलाइ सजिलो होस् भनेर दर्ता...

कस्तो किसिमको गाडी किन्नु ठीक होला त ?

कस्तो किसिमको गाडी किन्नु ठीक होला त ?

गाडीको बनावटमा आधारित गाइड ...

किन गर्ने गाडीको बिमा?

किन गर्ने गाडीको बिमा?

भविष्यमा हुन सक्ने दुर्घटनाको बारे हामी अनविज्ञ छौं । तेस्रो पक्षको सवारी विमा गरेर यस्तो दुर्घटनाको क्षति कसरी न्यूनीकरण गर्न...

जाडो मौसममा गाडीमा आउन सक्ने समस्याहरुको समाधान

जाडो मौसममा गाडीमा आउन सक्ने समस्याहरुको समाधान

जान्नुहोस् केहि रोचक जुक्ति र ह्याकहरु जसबाट तपाइले गाडीमा आइपर्ने जाडो सम्बन्धि समस्याहरुबाट छुटकारा पाउन सक्नुहुन्छ ...

दयाहाङ किराँत संग्रहालयको सद्भावना दूत

दयाहाङ किराँत संग्रहालयको सद्भावना दूत

अभिनेता दयाहाङ राईलाई खोटाङको ऐसेलुखर्क–५ रिब्दुङ महेश्वरीमा निर्माण सुरु गरिएको किराँत संग्रहालयको सद्भावना दूत बनाइएको छ। ...

सञ्जय दत्तको बायोपिक फिल्ममा विवाद

सञ्जय दत्तको बायोपिक फिल्ममा विवाद

बलिउडका अभिनेता सञ्जय दत्तको जीवनीमा आधारित बायोपिक फिल्मको नाममा विवाद भएको छ। निर्देशक राजकुमार हिरानी र निर्माता विनोद चोपडा फिल्मको नाम...

जोहारीको ‘याँ सम्झिने कोई भएन’ को भिडियो सार्वजनिक

जोहारीको ‘याँ सम्झिने कोई भएन’ को भिडियो सार्वजनिक

गायक वीरेन्द्र जोहारी नयाँ देउडा गीतका साथ दर्शकश्रोता समक्ष आएका छन्। पेशाले नेपाल प्रहरीको प्रहरी नायव निरीक्षक पदमा कार्यरत जोहारीले...

मिथिला माध्यमिकी परिक्रमा आज महोत्तरीमा

मिथिलाको महाकुम्भ भनिने मिथिला माध्यमिकी परिक्रमाका यात्री आज महोत्तरी जिल्ला प्रवेश गरेका छन्। ...