ट्राफिकको आँखा छलेर ट्याक्टरमा ‘ओभरलोड’

बुधबार, १७ माघ २०७४, २० : २३ अर्जुन ओली


नेपालगन्ज – ट्राफिक नियम विपरित बाँकेमा ट्याक्टरले ‘ओभरलोड’ बोक्ने क्रम फेरी पनि बढेको छ। गतवर्ष ट्राफिक प्रहरीले चारैतिरका नाकामा कडा गरेपछि ट्याक्टरहरुले ओभरलोड सामान बोक्न छाडेका थिए। तर, यसवर्ष जिल्लाका नदी तथा खोलाबाट ढुंगा, गिट्टी, बालुवा र मोरङ ओभरलोड बोक्ने क्रम बढेको पाइएको छ।

ट्याक्टरले क्षमताभन्दा बढी ओभर लोड बोक्दा दुर्घटना बढी मात्रामा हुने ट्राफिक प्रहरी बताउँछ। नदी तथा खोलाबाट आउने ट्याक्टरले ट्राफिक प्रहरीको आँखा छलेर दिनहुँ नदीजन्य सामाग्री नेपालगन्ज भित्र्याउँछन। यसैक्रममा संघीय प्रहरी इकाई कार्यालय नेपालगन्जले बुधबार एकैचोटी १४ वटा ओभरलोड गरिएका ट्याक्टरलाई नियन्त्रणमा लियो।

संघीय प्रहरी इकाई नेपालगन्जका प्रमुख एवम् वरिष्ठ प्रहरी उपरीक्षक महेशविक्रम शाहले ओभरलोड गरिएका ती ट्याक्टरलाई नियन्त्रणमा लिइएको बताए। डुडुवा गाउँपालिका क्षेत्रका नदी तथा खोलाबाट ओभरलोड गरेर नेपालगन्ज प्रवेश गरिरहेको अवस्थामा ट्याक्टरलाई नियन्त्रणमा लिइएको एसएसपी शाहले जानकारी दिए। नियन्त्रणमा रहेका ट्याक्टरलाई आवश्यक कारबाहीका लागी जिल्ला समन्वय समिति समक्ष बुझाइएको उनले बताए। शाहका अनुसार ट्राफिक प्रहरीले ट्याक्टरलाई जरिवाना बाहेक अरु केही गर्न सक्दैन। खोलामा ठेक्का सञ्चालन गर्ने जिम्मेवारी पाएको समन्वय समितिसँग ट्याक्टरलाई कडा कारबाही गर्न सक्ने अधिकार पनि छ।

तत्कालिन जिल्ला विकास समितिले नदी तथा खोलामा ठेक्का लगाउँदै आएकोमा नयाँ संरचना अनुसार जिल्ला समन्वय समितिले जिम्मेवारी पाएको छ। ट्राफिक प्रहरीले गर्नुपर्ने कामलाई संघिय प्रहरी इकाई कार्यालयले हस्तक्षेप गरेको ट्याक्टर व्यवसायीको गुनासो छ। ट्याक्टर व्यवसायी संघ बाँकेका अध्यक्ष प्रह्लाद साहुले ओभरलोड ट्राफिक नियम विपरित भएको स्वीकार गर्दै कारबाही गर्ने जिम्मा ट्राफिक प्रहरीको हुँदा हुँदै जिल्ला समन्वय समितिको जिम्मा लगाउनु उचित नभएको जिकिर गरे। यता एसएसपी शाहले ओभरलोड भएका ट्याक्टरलाई नियन्त्रण गरेर जिल्ला समन्वय समिति समक्ष बुझाएर प्रहरीले कर्तव्य पुरा गरेको दाबी गरेका छन्।

जिल्ला ट्राफिक प्रहरी प्रमुख एवम् ट्राफिक प्रहरी निरिक्षक होम थापाले ओभरलोड बोक्ने ट्याक्टरविरुद्ध आफूहरुको निगरानी यथावत रहेको बताए। ‘हामीले कारबाही गरेकै छौं, तर कतिपय अवस्थामा अटेरी गरेर ट्राफिकलाई छलेर नेपालगन्ज भित्रिन्छन्,’ उनले भने। ओभरलोड बोक्ने ट्याक्टर विरुद्ध कारबाही अभियान चलाउन ट्राफिक प्रहरीसँग जनशक्ति पनि अपर्याप्त रहेको थापाले बताए।





यसमा तपाईको मत

अन्य समाचार

नयाँ सवारी दर्ता गर्ने प्रक्रिया

नयाँ सवारी दर्ता गर्ने प्रक्रिया

नयाँ सवारी खरिद गरिसके पछि सो सवारी सडकमा चलाउनु अगाडी नै दर्ता गरिसकेको हुनुपर्छ | ग्राहकलाइ सजिलो होस् भनेर दर्ता...

कस्तो किसिमको गाडी किन्नु ठीक होला त ?

कस्तो किसिमको गाडी किन्नु ठीक होला त ?

गाडीको बनावटमा आधारित गाइड ...

किन गर्ने गाडीको बिमा?

किन गर्ने गाडीको बिमा?

भविष्यमा हुन सक्ने दुर्घटनाको बारे हामी अनविज्ञ छौं । तेस्रो पक्षको सवारी विमा गरेर यस्तो दुर्घटनाको क्षति कसरी न्यूनीकरण गर्न...

जाडो मौसममा गाडीमा आउन सक्ने समस्याहरुको समाधान

जाडो मौसममा गाडीमा आउन सक्ने समस्याहरुको समाधान

जान्नुहोस् केहि रोचक जुक्ति र ह्याकहरु जसबाट तपाइले गाडीमा आइपर्ने जाडो सम्बन्धि समस्याहरुबाट छुटकारा पाउन सक्नुहुन्छ ...

जब लाग्यो माण्डवीको मात...

जब लाग्यो माण्डवीको मात...

साँझ झमक्कै पर्नै आँटिसकेको थियो। दर्जन बढी कलाकारहरुको प्रस्तुती हेरी भ्याएका दर्शकहरुमा माण्डवी त्रिपाठीको प्रस्तुती हेर्ने हतारो देखिन्नथ्यो । झमक्कै...

लिम्बु साहित्यमा थपिए दश सिद्धान्तपरक पुस्तक

लिम्बु साहित्यमा थपिए दश सिद्धान्तपरक पुस्तक

लिम्बु साहित्यमा दश सिद्धान्तपरक पुस्तक थपिएका छन्। समस्या पूर्ती गर्ने भन्दै एक याक्थुङ प्रतिष्ठान नेपालले विभिन्न विषयका दश ओटा विधागत...

गीत गाएर जीविका चलाउँदै दृष्टिविहिन

गीत गाएर जीविका चलाउँदै दृष्टिविहिन

बुधबार जिल्ला सदरमुकाम सन्धिखर्कको शान्तिवगैंमा लुम्बिनी अपाङ्ग, दृष्टिविहिन तथा असाहय आश्रम वुटवलका दृष्टिविहिन कलाकारहरुले गाएका विभिन्न गीतले दर्शकहरुलाई भावुक बनायो।...

प्रिया प्रकाशलाई अदालतले दियो ‘न्याय’

प्रिया प्रकाशलाई अदालतले दियो ‘न्याय’

साउथ इण्डियनतर्फको मलयालम फिल्म उद्योगकी चर्चित युवा अभिनेत्री प्रिया प्रकाश वारियरलाई सर्वाेच्च अदालतले ‘न्याय’ दिएको छ। उनीविरुद्ध दर्ता भएका एफआईआरमा...