दुर्घटना बढेपछि ट्राफिक सचेतना जगाउँदै विद्यार्थी

मङ्गलबार, १६ माघ २०७४, १७ : ३३ किसान संगीत नेपाली


लमजुङ– गत २१ मंसिर काठमाडौंबाट यात्रु बोकेर गुडेको ग१ख २४७६ नम्बरको माइक्रोबस १ सय ९० किलोमिटर दूरी पार गर्दै बेंसीसहर आइपुगेपछि दुर्घटना भयो । सो दुर्घटनामा क्व्होंलासोथर गाउँपालिका–४ भुजुङकी ३० वर्षीया श्रीकुमारी गुरुङको मृत्यु भयो ।

सोही दुर्घटनामा बेंसीसहर–७ की २० वर्षीया दीक्षा घले, भरतपुरकी ममता गुरुङ, भरतपुरकै अञ्जली घले र चितवनकै रोशन घले घाइते भए । बेंसीसहरमा दिनहुँजसो मोटरसाइकलले पैदलयात्रुलाई ठक्कर दिएर घाइते बनाउने, सवारीसाधन आपसमा ठक्कर खाइरहनेजस्ता सवारी दुर्घटनाको दर बढ्दो छ ।

सदरमुकाममै सवारी दुर्घटनाको क्रम बढ्दै गएपछि सवारीचालक तथा पैदलयात्रुलाई सवारी सचेतना जगाउन यहाँका विद्यार्थी अग्रसर भएर लागेका छन् ।

बेंसीसहरस्थित जनविकास मावि र विद्याविकास माविमा अध्ययनरत विद्यार्थी सवारीचालक तथा पैदलयात्रुलाई सवारी नियम र सुरक्षित रहने तरिकाबारे सचेत बनाउँदै दुर्घटना न्यूनीकरण गराउने अभियानमा लागेका हुन् । झन्डै डेढ सय विद्यार्थी सडकमा ओर्लिएर ट्राफिक नियम, सडक पार गर्ने स्थान, पैदलयात्रा गर्ने, सवारी रोक्ने, चढ्ने र झर्ने साइड, बालबालिकाको सुरक्षालगायतका विषयमा चेतनामूलक पर्चा र पम्पलेट बाँड्दै सचेत रहनु अनुरोध गरे ।

बेंसीसहरको मनाङेचौतारा, भिमसेनस्थान, नारायणस्थान, झिंगेखोला र शेराबजार टोलमा पुगेर सवारी नियमबारे जागरूक बनाएको विद्याविकास मावि कक्षा ९ मा अध्ययनरत सरोज घिमिरे बताउँछन् । चालक वा पैदलयात्रुको लापरवाहीका कारण दुर्घटना हुने र अकाल मृत्यु हुने भएकाले यस विषयमा सबैलाई जागरूक र जिम्मेवार बनाउन आपूmहरू अग्रसर भएको उनको भनाइ छ ।

उनीजस्तै जनविकास मावि कक्षा ९ की छात्रा मनीषा गुरुङ पनि सवारी नियमबारे चालक, सहचालक, पैदलयात्रुलाई जागरूक बनाए मात्रै दुर्घटना घटाउन सकिने बताउँछिन् । सचेतना फैलाउने, सूचना प्रवाह गर्नेजस्ता कार्यमा विद्यार्थीको महŒवपूर्ण भूमिका हुने भएकाले आपूmहरू सचेतना अभियानमा सहभागी हुँदै आएको गुरुङले बताइन् ।

सचेतनाका क्रममा सरोकारवालालाई जागरूक गराउनुको साथै सचेतनामूलक पोस्टर, पर्चा, पम्प्लेट र स्टिकरहरू वितरण गरिएको थियो । जिल्ला ट्राफिक प्रहरी कार्यालय र सामुदायिक सेवा केन्द्र बेंसीसहरको संयुक्त आयोजनामा सचेतना अभियान सञ्चालन गरिएको हो ।

सवारी दुर्घटना न्यूनीकरणका लागि ट्राफिक प्रहरीको एक्लो प्रयास प्रभावकारी नहुने भएकाले सामुदायिक सेवाकेन्द्र, विद्यालय, क्याम्पस, सामाजिक संघसंस्था, युवा क्लब, आमा समूहलगायतसँग सहकार्य गरिएको ट्राफिक प्रहरी हबलदार भूमिराज घिमिरेले बताए । उनका अनुसार पछिल्ला वर्षहरूमा सवारी दुर्घटना र दुर्घटनामा ज्यान गुमाउनेको संख्यामा कमी आएको छ ।

दुर्घटना न्यूनीकरण र सर्वसाधारणलाई सवारी नियमबारे सचेत बनाउनु नै आफ्नो मुख्य उद्देश्य रहेकाले यस्ता सचेतनामूलक कार्यक्रम र अभियान सञ्चालन गरिएको जिल्ला ट्राफिक प्रहरी प्रमुख निरबहादुर अधिकारीले बताए ।

 

 





यसमा तपाईको मत

अन्य समाचार

नयाँ सवारी दर्ता गर्ने प्रक्रिया

नयाँ सवारी दर्ता गर्ने प्रक्रिया

नयाँ सवारी खरिद गरिसके पछि सो सवारी सडकमा चलाउनु अगाडी नै दर्ता गरिसकेको हुनुपर्छ | ग्राहकलाइ सजिलो होस् भनेर दर्ता...

कस्तो किसिमको गाडी किन्नु ठीक होला त ?

कस्तो किसिमको गाडी किन्नु ठीक होला त ?

गाडीको बनावटमा आधारित गाइड ...

किन गर्ने गाडीको बिमा?

किन गर्ने गाडीको बिमा?

भविष्यमा हुन सक्ने दुर्घटनाको बारे हामी अनविज्ञ छौं । तेस्रो पक्षको सवारी विमा गरेर यस्तो दुर्घटनाको क्षति कसरी न्यूनीकरण गर्न...

जाडो मौसममा गाडीमा आउन सक्ने समस्याहरुको समाधान

जाडो मौसममा गाडीमा आउन सक्ने समस्याहरुको समाधान

जान्नुहोस् केहि रोचक जुक्ति र ह्याकहरु जसबाट तपाइले गाडीमा आइपर्ने जाडो सम्बन्धि समस्याहरुबाट छुटकारा पाउन सक्नुहुन्छ ...

जब लाग्यो माण्डवीको मात...

जब लाग्यो माण्डवीको मात...

साँझ झमक्कै पर्नै आँटिसकेको थियो। दर्जन बढी कलाकारहरुको प्रस्तुती हेरी भ्याएका दर्शकहरुमा माण्डवी त्रिपाठीको प्रस्तुती हेर्ने हतारो देखिन्नथ्यो । झमक्कै...

लिम्बु साहित्यमा थपिए दश सिद्धान्तपरक पुस्तक

लिम्बु साहित्यमा थपिए दश सिद्धान्तपरक पुस्तक

लिम्बु साहित्यमा दश सिद्धान्तपरक पुस्तक थपिएका छन्। समस्या पूर्ती गर्ने भन्दै एक याक्थुङ प्रतिष्ठान नेपालले विभिन्न विषयका दश ओटा विधागत...

गीत गाएर जीविका चलाउँदै दृष्टिविहिन

गीत गाएर जीविका चलाउँदै दृष्टिविहिन

बुधबार जिल्ला सदरमुकाम सन्धिखर्कको शान्तिवगैंमा लुम्बिनी अपाङ्ग, दृष्टिविहिन तथा असाहय आश्रम वुटवलका दृष्टिविहिन कलाकारहरुले गाएका विभिन्न गीतले दर्शकहरुलाई भावुक बनायो।...

प्रिया प्रकाशलाई अदालतले दियो ‘न्याय’

प्रिया प्रकाशलाई अदालतले दियो ‘न्याय’

साउथ इण्डियनतर्फको मलयालम फिल्म उद्योगकी चर्चित युवा अभिनेत्री प्रिया प्रकाश वारियरलाई सर्वाेच्च अदालतले ‘न्याय’ दिएको छ। उनीविरुद्ध दर्ता भएका एफआईआरमा...