जाजरकोटको भाइरल प्रकोप

भाइरल नियन्त्रण गर्न स्वास्थ्य शिविर र चेतना फैलाउन अभियान तिव्र

बिहिबार, २७ पुष २०७४, १५ : ५८ जनक केसी


जाजरकोट– तीन सातादेखि जाजरकोटमा फैलिएको भाइरल ज्वरोको प्रकोप नियन्त्रण गर्न जिल्लाका विभिन्न गाउँहरुमा  स्वास्थ्य शिविर र चेतनामुलक अभियान तिव्र पारिएको छ ।  भाइरलबाट अहिलेसम्म १२ जनाको मृत्यु भइसकेपछि जिल्ला स्वास्थ्य कार्यालय र स्थानीय स्वास्थ्यकर्मीहरुले उपचार र जनचेतना फैलाउने अभियान तिव्र पारेका हुन् । 

जाजरकोट भाइरल अपडेट

  • तीन सातामा १२ को मृत्यु
  • भाइरल पीडित २५ सय मध्ये अझै हजार जना उपचारको पर्खाइमा
  • तीन ठाउँमा स्वास्थ्य शिविर
  • जनचेतना अभियानका लागि ६ वटा समूह खटाइए
  • नेपाली सेना, रेडक्रस र स्थानीय प्रतिनिधि विरामीको उपचार र  भाइरलवाट वच्ने उपाय सिकाउँदै
  • जुम्लाबाट पनि स्वास्थ्यकर्मी झिकाइए, शुक्रवार भाइरल प्रभावित क्षेत्रमा पुग्ने

बिहीवारसम्म भाइरलका १५ सय विरामीको उपचार भइसकेको र हजार वढी विरामीहरु उपचारको पर्खाइमा रहेको स्वास्थ्यकर्मीहरुले बताएका छन् । भाइरल ज्वरोवाट प्रभावित जुनीचाँदे गाउँपालिकाका  वड्कुले, मौगान, डाडाकोट, आली, वेसीपाटा, कोर्ताङ,पराले, मजकोट, भैरवटोल, स्याला, लगाएतका  गाउँहरुमा  फैलिएको भाइरल ज्वरो नियन्त्रणका लागि तीन स्थानमा स्वास्थ्य शिविर र स्वास्थ्यकर्मी र स्थानीय जनप्रतिनिधिका ६ वटा समुहलाई  गाउँगाउँमा स्वास्थ्य शिक्षा दिदै, औषधी र उपचार गर्दै परामर्श गर्न मोवाइल शिविर चलाउन व्यस्त रहेको जिल्ला जनस्वास्थ्य कार्यालय जाजरकोटका प्रमुख रामवहादुर नेपालीले वताए। उनले प्राथमिक  स्वास्थ्य केन्द्र गर्खाकोटका  प्रमुख डाक्टर पवन शाक्यले जुनीचाँदेको मजकोटस्थित भैरव मावि र जिल्ला अस्पतालका मेडिकल अधिकृत डाक्टर भुपेन्द्र प्रकाश मल्लले  डाडाकोट र स्वास्थ्य चौकी वड्कुलेवाट एच ए लक्ष्मण शाहले शिविर मार्फत विरामीको उपचार गरिरहेको वताए ।   
जाजरकोटका जनस्वास्थ्य कार्यालयका प्रमुख रामबहादुर नेपालीले वुधवारसम्म एक हजार २ सय ३९ जनाको उपचार भइसकेको र विहिवार पनि दुइ सय बढीको उपचार गरिएको वताए । गाउँमा प्रकोप नियन्त्रण गर्न  र  विरामीहरुको ज्यान वचाउनका लागि दुई जना चिकित्सकसहित १५ जना स्वास्थ्यकर्मीहरुलाई पुर्ण रुपमा परिचालन गरिएको प्रमुख नेपालीले वताए । 

गाउँमा जता गएपनि  विरामीहरु भेटिन गरेको र उनीहरुको उपचारका लागि आफुहरु वस्तीवस्तीमा पुग्ने गरेको  प्रभावित क्षेत्रमा  खटिएका  प्राथमिक स्वास्थ्य केन्द्रका  डाक्टर पवन शाक्यले वताए । पर्याप्त औषधी पुर्याउन नसके प्रकोप अझै बढ्न सक्ने शाक्यले बताए । त्यस्तै जिल्ला स्वास्थ्य कार्यालयवाट खटिएका  डाक्टर भुपेन्द्र मल्लले पनि  गाउँका जनतामा चेतनाको अभाव रहेका कारण भाइरलको प्रकोप बढेको वताए । 

प्रकोप प्रभावित क्षेत्रमा नेपाली सेना, नेपाल रेडक्रस र स्थानीय जनप्रतिनिधिहरुले विरामीको उपचार र भाइरलवाट वच्ने उपायाहरु सिकाउने अभियान चलाएको स्थानीय रेशमवहादुर खड्काले बताए। सुरुमा भाइरल नियन्त्रणका लागि खटिएका डाक्टर पवन र अन्य स्वास्थ्यकर्मीहरुलाइ काम गर्न समस्या परेपछि जिल्ला स्वास्थ्य कार्यालयवाट डाक्टर  मल्ल  रेडक्रसका स्वयंसेवकहरुसहित प्रभावित क्षेत्रमा खटिएका छन् । त्यस्तै  जाजरकोटको भाइरल प्रभावित क्षेत्रमा  विरामीको उपचारमा  सघाउन कर्णाली स्वास्थ्य विज्ञान प्रतिष्ठान जुम्लाका वालरोग विशेषज्ञ नम्रता सिन्दान र मेडिकल अधिकृत सुर्य चौधरी पनि जाजरकोट पुगेका छन् । उनीहरु शुक्रवार मात्र प्रभावित क्षेत्र जुनीचाँदेमा पुग्ने जिल्ला  स्वास्थ्य कार्यालयका ल्याव टेक्निसियन कृष्णवहादुर खत्रीले वताए । उनका अनुसार गाउँमा वालवालिका र वृद्धवृद्धाहरुमा भाइरलको प्रकोप देखिएपछि प्रतिष्ठानका विशेषज्ञहरु वोलाइएका हुन् । 

 

 





यसमा तपाईको मत

अन्य समाचार

नयाँ सवारी दर्ता गर्ने प्रक्रिया

नयाँ सवारी दर्ता गर्ने प्रक्रिया

नयाँ सवारी खरिद गरिसके पछि सो सवारी सडकमा चलाउनु अगाडी नै दर्ता गरिसकेको हुनुपर्छ | ग्राहकलाइ सजिलो होस् भनेर दर्ता...

कस्तो किसिमको गाडी किन्नु ठीक होला त ?

कस्तो किसिमको गाडी किन्नु ठीक होला त ?

गाडीको बनावटमा आधारित गाइड ...

किन गर्ने गाडीको बिमा?

किन गर्ने गाडीको बिमा?

भविष्यमा हुन सक्ने दुर्घटनाको बारे हामी अनविज्ञ छौं । तेस्रो पक्षको सवारी विमा गरेर यस्तो दुर्घटनाको क्षति कसरी न्यूनीकरण गर्न...

जाडो मौसममा गाडीमा आउन सक्ने समस्याहरुको समाधान

जाडो मौसममा गाडीमा आउन सक्ने समस्याहरुको समाधान

जान्नुहोस् केहि रोचक जुक्ति र ह्याकहरु जसबाट तपाइले गाडीमा आइपर्ने जाडो सम्बन्धि समस्याहरुबाट छुटकारा पाउन सक्नुहुन्छ ...

जब लाग्यो माण्डवीको मात...

जब लाग्यो माण्डवीको मात...

साँझ झमक्कै पर्नै आँटिसकेको थियो। दर्जन बढी कलाकारहरुको प्रस्तुती हेरी भ्याएका दर्शकहरुमा माण्डवी त्रिपाठीको प्रस्तुती हेर्ने हतारो देखिन्नथ्यो । झमक्कै...

लिम्बु साहित्यमा थपिए दश सिद्धान्तपरक पुस्तक

लिम्बु साहित्यमा थपिए दश सिद्धान्तपरक पुस्तक

लिम्बु साहित्यमा दश सिद्धान्तपरक पुस्तक थपिएका छन्। समस्या पूर्ती गर्ने भन्दै एक याक्थुङ प्रतिष्ठान नेपालले विभिन्न विषयका दश ओटा विधागत...

गीत गाएर जीविका चलाउँदै दृष्टिविहिन

गीत गाएर जीविका चलाउँदै दृष्टिविहिन

बुधबार जिल्ला सदरमुकाम सन्धिखर्कको शान्तिवगैंमा लुम्बिनी अपाङ्ग, दृष्टिविहिन तथा असाहय आश्रम वुटवलका दृष्टिविहिन कलाकारहरुले गाएका विभिन्न गीतले दर्शकहरुलाई भावुक बनायो।...

प्रिया प्रकाशलाई अदालतले दियो ‘न्याय’

प्रिया प्रकाशलाई अदालतले दियो ‘न्याय’

साउथ इण्डियनतर्फको मलयालम फिल्म उद्योगकी चर्चित युवा अभिनेत्री प्रिया प्रकाश वारियरलाई सर्वाेच्च अदालतले ‘न्याय’ दिएको छ। उनीविरुद्ध दर्ता भएका एफआईआरमा...