स्थानीय तहमा फ्रि इन्टरनेट

शनिबार, १६ मङि्सर २०७४, १८ : ५३ देवेन्द्र बस्नेत


दाङ– सरकारले प्रदेश नम्बर ५ अन्तर्गत २ जिल्लाका स्थानीय तहहरूमा निशुल्क इन्टरनेट सुविधा सञ्चालन गर्ने भएको छ । यो कामका लागि ठेक्का प्रक्रियामा समेत टुंगिसकेको सरकारका प्रवक्ता मोहनबहादुर बस्नेतले जानकारी दिए । 

पाँच नम्बर प्रदेशका दाङ र रोल्पाका स्थानीय तहका कार्यालयहरूमा निशुल्क इन्टरनेट सेवाको व्यवस्था गर्न लागिएको उनले बताए । ‘दाङ रोल्पासहित १४ जिल्लामा यो सेवा बिस्तार सरकारले गर्दैछ,’ प्रेस युनियन दाङले शनिबार घोराहीमा गरेको पत्रकार सम्मेलनमा सञ्चार मन्त्री बस्नेतले भने, ‘दुई वर्षको अवधिमा यो काम टुंग्याउने गरि ठेक्का सम्झौता भैसकेको छ ।’ 
उनका अनुसार स्थानीय तह नगरपालिका, गाउँपालिका, वडा कार्यालयहरूमा यो सेवाको बिस्तार हुने छ । यो निर्णयअनुसार दाङका दुई उपमहागरपालिका, एक नगरपालिका र ७ गाउँपालिकासहित कूल १ सय वडाहरूमा निशुल्क इन्टरनेटको व्यवस्था हुने छ । 

यसैगरी यहाँका स्वास्थ्य संस्था केन्द्र तथा सामुदायिक विद्यालयहरूमा समेत यो व्यवस्था गरिने भएको छ । निशुल्क इन्टर नेट सेवाका लागि सरकारले एक निकायलाई दुई थान कम्प्युटरसमेत वितरण गर्ने मन्त्री बस्नेतले जानकारी दिए । 
यसैगरी एकथान प्रिन्टर, एकथान युपिएस र विद्युत नभएको स्थानमा सोलारपावर सिस्टमको व्यवस्था गरिने पनि मन्त्री बस्नेतले जानकारी दिए । देशका सबै जिल्लाहरूमा यो व्यवस्था गर्ने सरकारको योजना रहेको र पहिलो चरणमा १४ जिल्लामा यो काम सुरु गरिने उनको भनाइ छ । 

यसैबीच अर्को एकप्रसँगमा सञ्चार मन्त्री बस्नेतले पत्रकारहरू हकहितका सबालमा काम गर्न खोज्दा पैस काउन्सिका सदस्यहरू बाधक बन्ने गरेको बताए । ‘सरकार पत्रकारहरूको हकहितका लागि गम्भीर छ,’ उनले भने, ‘तर कतिपय राम्रो कामका लागि पनि प्रेस काउन्सिका बोर्ड सदस्य नै बाधक बनेको भोगाई मसँग छ ।’ पत्रकारहरूलाई ६० प्रतिसत इन्टरनेट खर्च उपलब्ध गराउने आफ्नो प्रयासमा प्रेस काउन्सिलका एक सदस्यले अवरोध गरेको उनले सुनाए । ‘उहाँको नाम नलिउँ, ६० प्रतिसत इन्टरनेट खर्चको व्यवस्था राज्यले गर्ने व्यवस्थाका लागि मैले गरेको प्रस्तावलाई ती सदस्यले रोके,’ उनले सुनाए, ‘पत्रकारहरू गरिब छैनन् भनेर उहाँले मेरो प्रस्तावलाई गलत भन्नुभएको थियो ।’ तर आफूले उक्त निर्णय जबरजस्त गरेको पनि सुनाए ।

यस्तै उनले सरकारी सञ्चार माध्यमले जस्तो प्राइभट सञ्चार माध्यमले अभिभावकत्व भूमिका निर्वा गर्न नसक्ने भएकाले सरकारी सञ्चार माध्यम सञ्चालन अपरिहार्य रहेको समेत बताए । ‘राज्य संकटमा परेका बेला राज्यको अभिभावकको रुपमा बोल्नका लागि पनि सरकारी सञ्चार माध्यमको अति नै आवश्यक्ता देखिएको छ,’ उनले भने,  ‘यसर्थ पनि सरकार सरकारी सञ्चार माध्यम सञ्चालनका लागि सकारात्मक देखिएको हो ।’ तर उनले प्राइभेट सञ्चार माध्यमहरूलाई राज्यले कहिल्यै विभोद् नगरेको पनि बताए । ‘प्रभाइभेट सञ्चार माध्यमहरूलाई सरकारले कहिल्यै उपेक्षा गरेको छैन,’ उनले भने, ‘सरकारी सञ्चार माध्यम सरह सेवा सुविधाको प्रबन्ध राज्यले नै गर्ने छ ।’ 





यसमा तपाईको मत

अन्य समाचार

नयाँ सवारी दर्ता गर्ने प्रक्रिया

नयाँ सवारी दर्ता गर्ने प्रक्रिया

नयाँ सवारी खरिद गरिसके पछि सो सवारी सडकमा चलाउनु अगाडी नै दर्ता गरिसकेको हुनुपर्छ | ग्राहकलाइ सजिलो होस् भनेर दर्ता...

कस्तो किसिमको गाडी किन्नु ठीक होला त ?

कस्तो किसिमको गाडी किन्नु ठीक होला त ?

गाडीको बनावटमा आधारित गाइड ...

किन गर्ने गाडीको बिमा?

किन गर्ने गाडीको बिमा?

भविष्यमा हुन सक्ने दुर्घटनाको बारे हामी अनविज्ञ छौं । तेस्रो पक्षको सवारी विमा गरेर यस्तो दुर्घटनाको क्षति कसरी न्यूनीकरण गर्न...

जाडो मौसममा गाडीमा आउन सक्ने समस्याहरुको समाधान

जाडो मौसममा गाडीमा आउन सक्ने समस्याहरुको समाधान

जान्नुहोस् केहि रोचक जुक्ति र ह्याकहरु जसबाट तपाइले गाडीमा आइपर्ने जाडो सम्बन्धि समस्याहरुबाट छुटकारा पाउन सक्नुहुन्छ ...

दयाहाङ किराँत संग्रहालयको सद्भावना दूत

दयाहाङ किराँत संग्रहालयको सद्भावना दूत

अभिनेता दयाहाङ राईलाई खोटाङको ऐसेलुखर्क–५ रिब्दुङ महेश्वरीमा निर्माण सुरु गरिएको किराँत संग्रहालयको सद्भावना दूत बनाइएको छ। ...

सञ्जय दत्तको बायोपिक फिल्ममा विवाद

सञ्जय दत्तको बायोपिक फिल्ममा विवाद

बलिउडका अभिनेता सञ्जय दत्तको जीवनीमा आधारित बायोपिक फिल्मको नाममा विवाद भएको छ। निर्देशक राजकुमार हिरानी र निर्माता विनोद चोपडा फिल्मको नाम...

जोहारीको ‘याँ सम्झिने कोई भएन’ को भिडियो सार्वजनिक

जोहारीको ‘याँ सम्झिने कोई भएन’ को भिडियो सार्वजनिक

गायक वीरेन्द्र जोहारी नयाँ देउडा गीतका साथ दर्शकश्रोता समक्ष आएका छन्। पेशाले नेपाल प्रहरीको प्रहरी नायव निरीक्षक पदमा कार्यरत जोहारीले...

मिथिला माध्यमिकी परिक्रमा आज महोत्तरीमा

मिथिलाको महाकुम्भ भनिने मिथिला माध्यमिकी परिक्रमाका यात्री आज महोत्तरी जिल्ला प्रवेश गरेका छन्। ...