राजविराज, कात्तिक २९ – वैदेशिक रोजगारीका क्रममा मलेसिया पुगेका एक नेपालीको मृत्यु भएको छ । सप्तरी जिल्लाको तिलाठी कोइलाडी गाउँपालिका–१ का अन्जनीकुमार चौधरीको मलेसियामा मृत्यु भएको बुधबार उनको परिवारले जनाएका छन् ।

वैदेशिक रोजगारीका क्रममा मलेसिया पुगेका उनी मेमारा रेकाल एसडिआइभी बिएचडी कम्पनीमा कार्यरत थिए । 'मंगलबार राति खाना खाएर सुतेका उनी अाज बिहान अबेरसम्म नउठेपछि हामीहरूले उठाउन जाँदा मृत फेला परेको थिए ,'मृतक चौधरीका भान्जा बिटुकुमार मिश्रले भने । मृतक चाैधरी दुई वर्षअघि वैदेशिक रोजगारीका क्रममा मलेसिया पुगेका थिए ।

मृतक चाैधरीको शव मलेसियाबाट नेपाल  फर्काइदिन सम्बन्धित निकाय र नेपाल सरकारलाई उनका परिवारले आग्रह गरेका छन् । सप्तरीबाट वैदेशिक रोजगारीका क्रममा मलेसिया पुगेका उनीसँग मृत्यु हुनेकाे संख्या २९ पुगेको छ ।

प्रकाशित: २९ कार्तिक २०७४ ०५:४६ बुधबार