Tuesday 13 Magh, 2071 |
Menu

विश्व

HUB

१२३ वर्षपछि राजा

  • बुधबार १८ बैशाख, २०७०
  • एएफपी
  • DISQUS_COMMENTS
(0 votes)
१२३ वर्षपछि राजा
एम्सटरडाम – विलेम अलेक्सान्डर क्लाउस जर्ज फर्डिनेन्ड मंगलबार नेदरल्यान्ड्सको राजगद्दीमा १२३ वर्षपछि राजा आएका छन्। नेदरल्यान्ड्सको राजगद्दीमा सन् १८९० यता महिला मात्र थिए। राजकुमार विलेम उनकी आमा रानी बिटि्रक्सले मंगलबार नै गद्दी परित्याग गरेपछि भव्य समारोहबीच विलेमको राज्यारोहण भएको थियो।
४६ वर्षे विलेम युरोपमा २१औं शताब्दीका सबैभन्दा कान्छा राजा भएका छन् भने राजधानी एम्सटरडाममा सुन्तला रंगमा सजिएर उर्लिएका २५ हजार डच सर्वसाधारणले विलेमको राज्यारोहणपछि जयजयकार गरेका थिए।
राजदरबारनजिकको डाम चोकस्थित १५औं शताब्दिमा निर्मित 'निवे कर्क' चर्चमा गरिएको भव्य समारोहमा विलेमको राज्यारोहण भएको थियो। विलेमको राज्यारोहणअघि दरबारमा रानी बिटि्रक्सले गद्दी त्यागपत्रमा हस्ताक्षर गरेकी थिइन्। ४१ वर्षीया पत्नी म्याक्सिमासहित उपस्थित विलेम र मन्त्रिपरिषदसामु त्यागपत्रमा हस्ताक्षर गर्दा रानी बिटि्रक्सका आँखाबाट आँशु खसेको थियो। ७५ वर्षीया रानी बिटि्रक्स ३३ वर्षयता राजगद्दीमा थिइन्।
निवर्तमान रानी बिटि्रक्ससँगै राजा विलेमकी ९ वर्षीया जेठी छोरी 'प्रिन्सेस अफ अरेन्ज' क्याथरिना एमेलियासहित तीन छोरी राज्यारोहण समारोहमा उपस्थित थिए। विलेम दम्पतीले संसद र चर्चको संयुक्त समारोहमा सपथ लिएका थिए। विलेम दम्पतीले समारोहमा मुकुट भने पहिरिएनन्।
सपथ लिनुअघि विलेमले आमा बिटि्रक्सलाई 'स्नेहमयी आमा' सम्बोधन गर्दै रानीले शासन गरेका असल वर्षहरूका लागि धन्यवाद दिएका थिए। विलेमले आफ्नी आमाका पदचिन्ह पछ्याउने र राजाका कामबारे आफूसँग स्पष्ट मार्गचित्र रहेको भन्दै कसैले पनि भविष्यबारे केही भन्न नसक्ने बताए। राजा विलेमले 'राष्ट्रको स्वतन्त्रता र राज्यको संरक्षण गर्न आफ्नो क्षमताले सकेसम्म गर्ने प्रयासमा इश्वरले मलाई सहायता गरुन्' भन्दै शपथ लिए।
तर विलेमको राज्यारोहण विवादमुक्त भने रहन सकेन। एम्सटरडामका छ ठाउँमा राजतन्त्रविरोधीले प्रदर्शन गरेका थिए। समारोहमा विलेमले पहिरिएको पोशाकमा जनावरको छालासमेत प्रयुक्त भएकाले वन्यजन्तु संरक्षणकर्ताले उनको आलोचना गरेका छन्। तर विलेमले उक्त पोशाक पुरानो भएको र पोशाक तयार पार्न अहिले कुनै जनावर नमारिएको आफ्नो जानकारीमा भएको जनाएका छन्। विलेमको शपथपछि सांसद र सिनेटरले राजासामु सपथ लिएका थिए। तर १६ सांसदले भने यसअघि नै संविधानप्रति शपथ लिइसकेकाले राजासामु शपथ लिन अस्विकार गरेका थिए।
विलेमको राज्यारोहणमा संयुक्त राष्ट्र संघका पूर्वमहासचिव कोफी अन्नान, अन्तर्राष्ट्रिय ओलम्पिक समितिका अध्यक्ष ज्याक्स रोक, बेलायती राजकुमार चार्ल्स, स्पेनका राजकुमार फिलिपे, जापानका राजकुमार नारुहितोसहित नर्वे, डेनमार्क, स्वीडेन राजकुमार पत्नीसहित उपस्थित थिए।
मोदीको कसिलो अंकमालमा ओबामा

मोदीको कसिलो अंकमालमा ओबामा

नयाँ दिल्ली– अमेरिकी राष्ट्रपति बाराक ओबामा र भारतीय प्रधानमन्त्री नरेन्द्र मोदीले आइतबार गहिरो आत्मीयता दर्शाउँदै विभिन्न सम्झौता गरेका छन्। एयरफोर्स वनको जहाजबाट नयाँ दिल्लीस्थित इन्दिरा गान्धी अन्तर्राष्ट्रिय विमानस्थलमा स्थानीय समयअनुसार आइतबार...

अमेरिकी अर्थतन्त्र सुधार: ओबामा

अमेरिकी अर्थतन्त्र सुधार: ओबामा

वासिङटन– अमेरिकी राष्ट्रपति बाराक ओबामाले वर्षौं लम्बिएका इराक र अफगानिस्तान युद्ध र आर्थिक कठिनाइबाट अमेरिका बाहिर निस्केको दाबी गरेका छन्। ओबामाले मंगलबार अमेरिकी संसदको संयुक्त सभामा आफ्नो वार्षिक 'स्टेट अफ युनियन'...

चिनियाँ राष्ट्रपतिको तलब बढ्यो

चिनियाँ राष्ट्रपतिको तलब बढ्यो

बेइजिङ– चीनका राष्ट्रपति सी चिनफिङसहित सत्तारुढ चिनियाँ कम्युनिस्ट पार्टीको पोलिटब्यूरो स्थायी समितिका ६ जना विशिष्ट सदस्यको तलब ६२ प्रतिशत वृद्धि भएको छ। साथसाथै चीनका सरकारी कर्मचारीको पनि तलब वृद्धि भएको चिनियाँ...

किन भयो राजापाक्षेको पराजय?

किन भयो राजापाक्षेको पराजय?

कोलम्बो– पृथक्तावादी तमिल टाइगर्स लडाकु संगठन लिट्टेलाई पराजित गरी २५ वर्षभन्दा लामो द्वन्द्व अन्त्य गरेका श्रीलंकाली राष्ट्रपति महिन्दा राजापाक्षेको एक दशक लामो शासन समाप्त भएको छ। पदावधि सकिनुअघि नै तेस्रोपल्ट...

पाक संसद सैनिक अदालतको पक्षमा

पाक संसद सैनिक अदालतको पक्षमा

इस्लामाबाद– पाकिस्तानको संसदले संदिग्ध उग्रवादी लडाकुमाथि मुद्दा चलाउन मंगलबार सैनिक अदालत गठनको पक्षमा मतदान गरेको छ। संसदका दुवै सदन तल्लो र माथिल्लोबाट सैनिक अदालत गठनसम्बन्धी विधेयक दुई तिहाई मतबाट पारित...

कारखानामा भएको विस्फोटमा सत्रको मृत्यु

कारखानामा भएको विस्फोटमा सत्रको मृत्यु

गुआङ्गजोउ- दक्षिणी चीनको गुआङ्गडोङ्ग प्रान्तमा बुधबार बिहान एक कारखानामा भएको ग्यास विस्फोटमा परी १७ व्यक्तिको मृत्यु भएको छ। सो घटनामा अन्य ३३ जना कामदार घाइते भएका स्थानीय अधिकारीले जनाए।

जहाज समुद्रमा खसेको आशंका

जहाज समुद्रमा खसेको आशंका

जकार्ता– इन्डोनेसियाली अधिकारीले एयर एसियाको आइतबार बेपत्ता जहाज समुद्रमा खसेको आशंका गरेका छन्। उडान क्युजेड८५०१ को बेपत्ता जहाजको खोजीमा संलग्न वरिष्ठ अधिकारी बेमबेङ सोलिस्तियोले सोमबार प्रारम्भिक जानकारीका आधारमा जहाज समुद्रमा खसेको...

१२ सय किलोमिटर टाढाबाट बेइजिङमा पानी

१२ सय किलोमिटर टाढाबाट बेइजिङमा पानी

बेइजिङ– चीनको राजधानी बेइजिङमा शनिबार १२ सय किलोमिटर टाढाबाट खानेपानी आपूर्ति हुन थालेको छ। मध्यचीनमा निर्माण गरिएको विशाल बाँधमा पानी जम्मा गरी बेइजिङसम्म खानेपानी आपूर्ति गर्न थालिएको हो। राजधानी बेइजिङले शनिबार...