Wednesday 20 Falgun, 2071 |
Menu

विश्व

HUB

भारतीय रेलमन्त्री घुसकान्डमा, राजीनामाको प्रस्ताव

(0 votes)
भारतीय रेलमन्त्री घुसकान्डमा, राजीनामाको प्रस्ताव
नयाँ दिल्ली- भारतका रेलमन्त्री पवनकुमार बंसलले शनिबार दिउँसो प्रधानमन्त्री मनमोहन सिंहसँगको भेटमा राजीनामा दिन तयार रहेको बताएका छन्। रेलमन्त्री बंसलका भान्जा विजय सिंगलाले बढुवा गराइदिने भन्दै रेलवेका अधिकारीसँग ९० लाख भारतीय रुपैयाँ घुस लिँदै गरेका बेला शुक्रबार अरु तीन जनासहित चन्डिगढमा पक्राउ परेका थिए।
 भान्जा सिंगलालाई सेन्ट्रल ब्युरो अफ इन्भेस्टिगेसनले घुस लिँदालिँदै रंगेहात पक्राउ गरेपछि घुसकान्डमा सामेल भएको भन्दै विपक्षी भारतीय जनता पार्टीले शनिबार रेलमन्त्री बंसलको राजीनामा मागेको छ।

सिंगलालाई भने दिल्लीको अदालतले छानबिनका लागि चार दिन सिबिआई हिरासतमा राख्न शनिबार आदेश दिएको छ। रेलमन्त्री बंसलले भान्जासँग आफ्नो कुनै व्यापारिक सम्बन्ध नरहेको र उनले रकम लिएकोबारे आफूलाई कुनै जानकारी नभएको शनिबार बिहान स्पष्टिकरण दिएका थिए। यसैबीच रेलमन्त्री बंसलले शनिबार दिउँसो प्रधानमन्त्री सिंहसँग भेट गरी राजीनामा दिने प्रस्ताव राखेको भारतीय समाचार संस्था पिटिआईले जनाएको छ। पिटिआईका अनुसार रेलमन्त्री बंसल र प्रधानमन्त्री सिंहबीच २० मिनेट कुराकानी भएको थियो।

सिबिआईले घुसकान्डमा रेलमन्त्रीका भान्जा सिंगला र उनका साथी सन्जय गोयलसहित छ जना पक्राउ गरेको जनाएको छ। तीमध्ये सिंगलासहित चार जनालाई चन्डिगढमा शुक्रबार पक्राउ गरिएको थियो। बढुवाका लागि ९० लाख रुपैयाँ घुस दिने रेलवे अधिकारी महेशकुमार पश्चिम रेलवेका महाप्रबन्धक थिए। महेशकुमार बिहीबार मात्र रेलवे बोर्डका सदस्यमा नियुक्त गरिएको थियो।

रेलमन्त्री बंसलका भान्जा सिंगलालाई पक्राउ गरेलगत्तै उनलाई रकम दिने रेलवे अधिकारी महेशकुमारलाई समेत सिबिआईले शुक्रबार नै मुम्बईमा पक्राउ गरेको थियो। सिबिआईले घुसकान्डको सिलसिलामा राजधानी नयाँ दिल्ली, मुम्बई र बैंगलोरमा छापा मारेको थियो। सिबिआईले विजय सिंगलाविरुद्ध भ्रष्टाचारविरोधी कानुन अन्तर्गत मुद्दा दायर गरेको छ।

विपक्षी पार्टी भाजपाले भान्जा मुछिएको घुसकान्डमा रेलमन्त्रीले आफूलाई पानीमाथिको ओभानो बनेर पन्छीन नमिल्ने बताएको छ। घुसकान्डपछि भाजपाले मनमोहन सरकारमाथि दलाल र मध्यस्थकर्ताका लागि काम गरिरहेको आरोप लगाएको छ। भाजपाका वरिष्ठ नेता रविशंकर प्रसादले घुसकान्डबाट प्रधानमन्त्री सिंहको राजीनामा माग्ने भाजपाको माग सही प्रमाणित भएको बताए। नेता प्रसादले भने, 'कंग्रेसले सरकारलाई बजार बनाएको छ, जहाँ प्रत्येक निर्णयको मूल्य असुली गरिन्छ। यो अत्यन्त चिन्ताजनक स्थिति हो।'

कंग्रेस र सरकारका मन्त्री रेलमन्त्रीको बचाउमा उत्रिए पनि घुसकान्डबारे सत्तारुढ कंग्रेस पार्टीमा भने अनिश्चयको स्थिति छ। कंग्रेस प्रवक्ता रासिद अल्वीले बंसलको राजीनामा मागबारे भने, 'कानुनअनुसार हुन्छ। सिबिआई स्वतन्त्र संस्था हो र घुसकान्डबारे छानबिन गरिरहेको छ। घुसकान्डका लागि जिम्मेवार जो सुकै भए पनि कानुनअनुसार कारबाही गरिनेछ।' रेलमन्त्रीको राजीनामाको माग अस्विकार गर्दै कंग्रेस महासचिव जनार्दन द्विवेदीले भाजपा नेतातर्फ संकेत गर्दै भने, 'भाजपालाई राजीनामा माग्ने रोग लागेको छ।' द्विवेदीका अनुसार रेलमन्त्री बंसलले नैस्पष्टिकरण दिएर घुसकान्डबारे छानबिन हुनुपर्ने बताएपछि उनीबाट राजीनामाको अपेक्षा गर्न नहुने बताए।

मुम्बइमा पक्राउ परेका रेलवे अधिकारी महेशकुमारलाई राजधानी नयाँ दिल्ली लैजान मुम्बईको विशेष अदालतले शनिबार सिबिआईलाई ट्रान्जिट रिमान्ड दिएको छ।

यसैबीच परेका रेलमन्त्री बंसलका भान्जा घुसकान्डमा पक्राउ परेपछि उत्पन्न परिस्थितिबारे छलफल गर्न शनिबार साँझ कंग्रेस पार्टीको बैठक बसेको छ। कंग्रेस अध्यक्ष श्रीमती सोनिया गान्धीको अध्यक्षतामा कंग्रेसका वरिष्ठ नेताहरूको बैठक प्रधानमन्त्री निवासमा भएको थियो।
बच्चा साटिएपछि…

बच्चा साटिएपछि…

फ्रान्स – सोफी सेरानोले केही दिनको पर्खाइपश्चात् आफूले जन्म दिएको छोरी मेननलाई उचाल्ने मौका पाइन्। जन्मनेबित्तिकै जन्डिस देखा परेपछि मेननको आमासँग टाढा क्रृत्रिम प्रकाशमा छुट्टै राखेर उपचार भइरहेको थियो। तर,...

भ्रष्टाचारमुक्त दिल्लीको वाचा, को को भए मन्त्री?

भ्रष्टाचारमुक्त दिल्लीको वाचा, को को भए मन्त्री?

नयाँ दिल्ली– दोस्रोपल्ट दिल्लीको मुख्यमन्त्री बनेका आम आदमी पार्टी (आप) नेता अरबिन्द केजरिवालाले शनिबार पदको शपथ लिएका छन्। दिल्लीका उपराज्यपाल नजिब जंगले ऐतिहासिक रामलिला मैदानमा हजारौं सर्वसाधारणको उपस्थितिमा केजरिवाललाई पद तथा...

पूर्वी युक्रेनमा युद्धविराम घोषणा, के छ सम्झौतामा?

पूर्वी युक्रेनमा युद्धविराम घोषणा, के छ सम्झौतामा?

मिन्स्क– बेलारुसको राजधानी मिन्स्कमा १७ घन्टा चलेको वार्तापछि पूर्वी युक्रेनमा सरकार–रुससमर्थक पृथक्तावादीबीच युद्धविराम भएको छ। युक्रेन संकट समाधानका लागि बेलारुसमा भेला भएका रुस, जर्मनी, फ्रान्स र युक्रेनका नेताले लामो वार्तापछि बिहीबार...

लगानी नीतिबारे ओबामा–सीबीच छलफल

लगानी नीतिबारे ओबामा–सीबीच छलफल

वासिङ्टन– अमेरिकी राष्ट्रपति बाराक ओबामा र चिनियाँ राष्ट्रपति सी जिङपिङ बीच मंगलबार फोनवार्ता भएको छ। वार्ताका क्रममा उनीहरू दुवैले आगामी दिनमा अमेरिका–चीन आर्थिक सम्बन्ध कसरी सुदृढ र फलदायी बनाउन सकिन्छ...

भारतद्वारा लामो दूरीको अग्नि–५ मिसाइल परीक्षण

भारतद्वारा लामो दूरीको अग्नि–५ मिसाइल परीक्षण

नयाँ दिल्ली– भारतले लामो दूरीसम्म प्रहार गर्नसक्ने र आणविक हतियार बोक्न सक्षम अग्नि–५ मिसाइलको सफल परीक्षण गरेको छ। मोबाइल लन्चरबाट प्रहार गर्न सकिने अग्नि–५ को परीक्षण शनिबार उडिसाको समुद्रतटको ह्विलर...

मोदीको कसिलो अंकमालमा ओबामा

मोदीको कसिलो अंकमालमा ओबामा

नयाँ दिल्ली– अमेरिकी राष्ट्रपति बाराक ओबामा र भारतीय प्रधानमन्त्री नरेन्द्र मोदीले आइतबार गहिरो आत्मीयता दर्शाउँदै विभिन्न सम्झौता गरेका छन्। एयरफोर्स वनको जहाजबाट नयाँ दिल्लीस्थित इन्दिरा गान्धी अन्तर्राष्ट्रिय विमानस्थलमा स्थानीय समयअनुसार आइतबार...

अमेरिकी अर्थतन्त्र सुधार: ओबामा

अमेरिकी अर्थतन्त्र सुधार: ओबामा

वासिङटन– अमेरिकी राष्ट्रपति बाराक ओबामाले वर्षौं लम्बिएका इराक र अफगानिस्तान युद्ध र आर्थिक कठिनाइबाट अमेरिका बाहिर निस्केको दाबी गरेका छन्। ओबामाले मंगलबार अमेरिकी संसदको संयुक्त सभामा आफ्नो वार्षिक 'स्टेट अफ युनियन'...

चिनियाँ राष्ट्रपतिको तलब बढ्यो

चिनियाँ राष्ट्रपतिको तलब बढ्यो

बेइजिङ– चीनका राष्ट्रपति सी चिनफिङसहित सत्तारुढ चिनियाँ कम्युनिस्ट पार्टीको पोलिटब्यूरो स्थायी समितिका ६ जना विशिष्ट सदस्यको तलब ६२ प्रतिशत वृद्धि भएको छ। साथसाथै चीनका सरकारी कर्मचारीको पनि तलब वृद्धि भएको चिनियाँ...