Friday 4 Poush, 2071 |
Menu

विश्व

बङ्गलादेशको तयारी पोसाक उद्योग आजबाट सुचारु

  • बिहीबार १९ बैशाख, २०७०
  • रासस/एपी
  • DISQUS_COMMENTS
(0 votes)
बङ्गलादेशको तयारी पोसाक उद्योग आजबाट सुचारु
ढाका - बङ्गलादेशको तयारी पोसाक उद्योग बिहीबारबाट पुनः सुचारु भएको छ। बङ्गलादेशको राजधानी ढाकामा एक भवन भत्किँदा भएको दुर्घटनापछि बन्द भएको सो उद्योग आजबाट पुनः सुचारु भएको हो। राजधानी ढाकामा रहेका विभिन्न पाँचवटा तयारी पोसाक कारखानाको एक भवन गत हप्ता बुधबार भत्किएपछि उक्त उद्योग नै नराम्ररी प्रभावित भएको थियो।
सो भवनमा परी आजसम्ममा कम्तीमा पनि ४ सय २७ जनाको ज्यान गएको छ। सो क्रममा त्यहाँ काम गरिरहेका विभिन्न गार्मेन्टका मजदुरहरु सो दुर्घटनामा परेका थिए।
उक्त दुर्घटनापछि बङ्गलादेशका व्यवसायीले पश्चिमा मुलुकका व्यापारीसँग आफ्ना औद्योगिक उत्पादनहरु किनिदिन केही दिन मात्रअघि आग्रह गरेका थिए। 
उक्त दुर्घटनापछि बङ्गलादेशको तयारी पोसाकसम्बन्धी व्यवसाय क्षेत्रको औद्योगिक सुरक्षाका विषयमा विभिन्न टीकाटिप्पणी आइरहेका बेला बङ्गलादेशका व्यापारीले यो आग्रह गरेका थिए।
बङ्गलादेशको तयारी पोसाक व्यवसायका क्षेत्रमा सुरक्षा मापदण्ड नअपनाउने गरेका तथा त्यहाँ मजदुरको असुरक्षाका कारण ज्यान जाने गरेका घटनाहरु भएकाले उनीहरुले पश्चिमा देशका लगानीकर्ता एवम् ग्राहकसमेतलाई यो अपिल गरेका बताइएको छ।
तयारी पोसाकका क्षेत्रमा बङ्गलादेश विश्वकै एक प्रमुख उत्पादक हो। उ चीन पछिको विश्वकै दोस्रो ठूलो निर्यातकर्ता पनि हो । 
हालैको एक तथ्याङ्अनुसार बङ्गलादेशमा हाल कम्तीमा पनि २० अर्ब अमेरिकी डलर बराबरको तयारी पोसाकको व्यवसाय रहेको छ। यो व्यवसाय बङ्गलादेशमा प्रतिदिन बढ्दो अवस्थामा रहेका पनि समाचारमा बताइएको छ।
बङ्गलादेशका तयारी पोसाक कारखानामा काम गर्ने दसौँ लाख मजदुर आजदेखि काममा फर्किएका छन् । सो भवनमा भएको उक्त दुर्घटनापछि त्यहाँ यो क्षेत्रको काम प्राय ठप्प रहेको थियो।
बङ्गलादेशको तयारी पोसाक उत्पादक सङ्घ एवम् तयारी पोसाक निर्यात सङ्घका उपाध्यक्ष सयिदुल्लाह अजिमले आजबाट यस उद्योग सुचारु भएको जानकारी दिएका छन् ।
राजधानी ढाकामा नै रहेको पाँचवटा तयारी पोसाकको कारखाना रहेको आठतल्ले भवन भत्किँदा यसलाई बङ्गलादेशको तयारी पोसाक व्यवसायको कमजोरीका रुपमा विश्वका विभिन्न देशमा टीकाटिप्पणीहरु गरिएको छ। 
सो भत्किएको भवनमा परी अझैपनि डेढसयजति नागरिक हराइरहेका छन्। भग्नावशेषबाट उद्धारको काम जारी नै रहेको भएपनि अब जीवितै निकाल्ने सम्भावना निकै कम रहेको बताएका छन्। 
उता सो दुर्घटनाको विरोधमा राजधानी ढाकामा हजारौँ नागरिक विरोधमा उत्रिएका छन्। उनीहरुले उक्त भवन बनाउने मालिक तथा इञ्जिनियर र तयारी पोसाक सञ्चालन गर्ने मालिकलाई मृत्युदण्डको कारबाही माग गरेका छन्।
अमेरिकी राष्ट्रपतिको दौडमा तेस्रा बुस

अमेरिकी राष्ट्रपतिको दौडमा तेस्रा बुस

वासिङटन– अमेरिकाका पूर्वराष्ट्रपति जर्ज डब्ल्यु बुसका भाइ जेब बुसले आफू पनि सन् २०१६ मा हुने चुनावमा राष्ट्रपतिको उम्मेदवार बन्ने आकांक्षा राखेका छन्। रिपब्लिकन पार्टीका बुस फ्लोरिडाका पूर्वगभर्नर हुन्। उनले आफ्नो प्रचार...

माछाको भाग नपाएपछि चार माझीको हत्या

पटना- भारतको गरिबीग्रस्त बिहार राज्यमा तल्लो जातका माझीले आफूले मारेको माछाको भाग दिन नमानेपछि माथिल्लो जातिका पुरुषले चार माझीलाई गोली हानी मारिदिएका छन्। यी माझीले आफ्नो गाउँमा एक पोखरीमा माछा...

सिड्नीको एउटा क्याफे बन्दुकधारीको कब्जामा, पाँच जना निस्किए

सिड्नीको एउटा क्याफे बन्दुकधारीको कब्जामा, पाँच जना निस्किए

सिड्नी- अष्ट्रेलियाको सिड्नीस्थित एक क्याफेमा आएका ग्राहकहरुलाई बन्दुकधारीले बन्धक बनाएका छन्। मार्टिन प्लेसको लिन्ड्ट क्याफेलाई बन्दुकधारीले कब्जा गरेको त्यहाँका सञ्चारमाध्यमले जनाएका छन्। बन्धक बनाएसँगै सशस्त्र प्रहरीले क्याफेलाई घेराबन्दी गर्नुका साथ...

प्रेमिकालाई विवाह प्रस्ताव राख्दा छिमेकीको छत भत्कियो

प्रेमिकालाई विवाह प्रस्ताव राख्दा छिमेकीको छत भत्कियो

आइजेल्सटाइन–प्रेमलाई सफल पार्न प्रेमीले आफ्नी प्रेमीकालाई आकाशको जुन तारा धर्तीमा खसाल्ने वाचा गरेको सुनिँदै आइएको हो। तर यस्तै काल्पनिक कुरा वास्तविक जीवनमा उत्रार्न खोज्दा एक प्रेमी घाइते भएका छन्।

भारतमा ‘जिहादी ट्विटर' पक्राउ

बङ्लोर (भारत)– भारतीय प्रहरीले शनिबार इस्लामिक स्टेट समूहलाई समर्थन गर्ने प्रभावशाली ट्विटर अकाउन्ट सञ्चालक २४ वर्षीय युवकलाई पक्रेको छ। दक्षिणी नगर बङ्लोरमा भारतीय खाद्य उत्पादकका लागि काम गर्ने मेहदी मसरुर...

‘इबोलाविरुद्ध सामूहिक प्रयास गरौं'

‘इबोलाविरुद्ध सामूहिक प्रयास गरौं'

जेनेभा– वर्षको सर्वाधिक चुनौतीपूर्ण स्वास्थ्य समस्या इबोलाविरुद्ध एकजुट भएर नियन्त्रणको प्रयास गर्न विश्वका नेताहरुले सबैसँग आग्रह गरेका छन्। उनीहरुले इबोला वर्षकै स्वास्थ्य संकट हो भन्दै अमेरिका र संयुक्त राष्ट्र संघसँग...

तानाशाहीतिर लम्कँदै मोदी

तानाशाहीतिर लम्कँदै मोदी

नयाँ दिल्ली– रोमन साम्राज्यका पहिला सम्राट अगस्टसले आफ्नो ४० वर्षे लामो शासनकालको सुरुका केही वर्ष रोमका शक्तिशाली सिनेटरलाई शक्तिहीन बनाउनु साटो उनीहरूलाई आफूसँगै समेट्ने नीति लिएका थिए। रोमको पुरानो प्रशासनिक...

मोदीको पशुपति दर्शनले भारतीय संसदमा हंगामा

मोदीको पशुपति दर्शनले भारतीय संसदमा हंगामा

नयाँदिल्ली– भारतीय प्रधानमन्त्री नरेन्द्र मोदीले नेपाल भ्रमण क्रममा पशुपतिनाथको दर्शन तथा पूजाअर्चना गरेको विषयमा मंगलबार भारतको तल्लो सदन लोकसभामा हंगामा भएको छ।