Sunday 6 Baishak, 2072 |
Menu

विश्व

sagoon

सिबिआइमा राजनीतिक हस्तक्षेप नगर्न अदालतको आदेश

  • बुधबार १८ बैशाख, २०७०
  • एजेन्सी
  • DISQUS_COMMENTS
(0 votes)
नयाँ दिल्ली– भारतको सुप्रिम कोर्टले सरकारलाई सिबिआई(सेन्ट्रल ब्यूरो अफ इन्भेस्टिगेसन)माथि राजनीतिक हस्तक्षेप नगर्न मंगलबार आदेश दिएको छ।

अदालतले छानबिन निकाय सिबिआइ स्वतन्त्र रहेको समेत बताएको छ। साथै अदालतले सिबिआइमा लामो समयदेखि थाँती रहेका छानबिनका मुद्दा निगरानी गर्न सिविसी(सेन्ट्रल भिजिल्यान्स कमिसन)लाई आदेश दिएको छ। अदालतले भारतमा कोइला खानी वितरणमा भएको अनियमिततासम्बन्धि मुद्दाबारे मंगलबार भएको सुनुवाइमा सिबिआइसँग छ प्रश्नको जवाफ समेत मागेको छ।
सुप्रिम कोर्टले कोइला खानी वितरणमा भएको अनियमितता छानबिन गरेको सिबिआईको प्रतिवेदन केन्द्रीय कानुनमन्त्रीको दबाबमा फेरिएको मुद्दामा मंगलबार उक्त आदेश दिएको हो। कोर्टले कोइला खानी वितरणमा अनियमितताको छानबिनमा सरकारी दखलबारे अदालतमा मुद्दा दायर गर्नसमेत सिबिआईलाई आदेश दिएको छ।
तीन जना न्यायाधीशको बेन्चले सिबिआईसँग छ वटा बुँदाबारे जवाफ पेश गर्न सोमबारसम्म समय तोकेको छ। साथै सिबिआईको निर्देशिकाले छानबिन प्रतिवेदन कानुनमन्त्रीलाई देखाउन पाउने व्यवस्थाबारे जवाफ पेश गर्न कोर्टले सिबिआईलाई आदेश दिएको छ। कानुनमन्त्रीले सिबिआई छानबिन प्रतिवेदन हेर्न पाउनेबारे समेत सुप्रिम कोर्टले जानकारी मागेको छ। कोर्टले कानुनमन्त्रीको भनाइ बमोजिम सिबिआईको प्रतिवेदनमा फेरबदल गरेनगरेको जवाफ पेश गर्न सिबिआईलाई भनेको छ। कोर्टको आदेशपछि सिबिआईले आपतकालीन बैठक बोलाएको सञ्चारमाध्यमले उल्लेख गरेका छन्।
त्यसैगरी कोर्टले सिबिआईलाई राजनीतिक नेतृŒव वा कुनै नेताबाट आदेश लिनुपर्ने आवश्यकता नभएको निर्देश दिएको छ। सुनुवाईमा बेन्चले आफ्नो मुख्य प्राथमिकता सिबिआईलाई राजनीतिक हस्तक्षेपबाट मुक्त पार्नु भएको बतायो। कोइला खानी वितरणमा अनियमितताबारे सिबिआइ निर्देशक रन्जित सिन्हाद्वारा दायर मुद्दामा सुप्रिम कोर्टले छानबिन प्रतिवेदन कानुनमन्त्रीलाई देखाइनु र उनको दबाबमा फेरबदल गरिनुले सिबिआईको औचित्यमाथि नै प्रश्न उठेको टिप्पणी गर्योम।
सिबिआई निर्देशक सिन्हाले कोइला खानी वितरणकान्ड छानबिनको स्टाटस रिपोर्टको मस्यौदा कानुनमन्त्री अश्विनीकुमार, प्रधानमन्त्री कार्यालय र कोइला मन्त्रालयका वरिष्ठ अधिकारीलाई देखाएको जानकारी अदालतमा पेश गरेका थिए। अदालतले सिबिआईलाई कोइला खानी वितरणकान्डको छानबिन गरिरहेका अनुसन्धानकर्ताको नामावलीसमेत पेश गर्न आदेश दिएको छ। नामावलीबाट सिबिआईको कुनै भष्ट्र अधिकारी छानबिनमा सहभागी भएनभएको निश्चित हुने अदालतले जनायो।
भारतीय जनता पार्टीले कोइला खानी वितरणकान्डको जिम्मेवारी स्विकार्दै प्रधानमन्त्री मनमोहन सिंहको राजीनामा माग्दै आएको छ। भारतको विपक्षी भाजपाले कोइला खानीकान्डमा प्रधानमन्त्रीको राजीनामा माग्दै यसअघिको संसद अधिवेसन अवरुद्ध समेत गरेको थियो। लोकसभामा विपक्षी भाजपा नेता सुषमा स्वराजले कोइला खानी वितरणकान्डमा कंग्रेस नेतृŒवको युपिए गठबन्धन सरकार भष्ट्राचारका आफ्नै किर्तिमान भंग गरिरहेको आरोप लगाएकी छिन्।
विदेशमन्त्री सलमान खुर्सिदले भने कोइला खानी वितरणकान्डबारे अदालतको फैसला आएपछि मात्र केही भन्नु उचित हुने प्रतिक्रिया दिए। विपक्षी पार्टी भाजपा भने कोइला खानी वितरणकान्डमा कानुनमन्त्री अश्विनीकुमार र प्रधानमन्त्री सिंहले राजीनामा दिनुपर्ने अडानबाट टसमस भएको छैन। भाजपाले आर्थिक विधेयक रोक्न नचाहेको भन्दै कोइला खानी वितरणकान्डका कारण मंगलबार संसद बहिष्कार गरेको थियो। सरकारको बचाउ गर्दै संसदीय कार्यमन्त्री कमलनाथले खानी वितरणकान्डमा सरकार बहसका लागि तयार रहेको र सरकारले कुनै पनि जानकारी नलुकाएको दाबी गरे।
सुप्रिम कोर्टले मागेका जवाफ
– छानबिन प्रतिवेदन सरकारलाई देखाएको जानकारी सिबिआइले अदालतलाई किन नदिएको?
– सिबिआइका वकिलले प्रतिवेदन कसैलाई नदेखाएको भनी १२ मार्चमा अदालतमा किन भनेको?
– कानुनमन्त्री र दुईजना संयुक्त सचिवलाई बाहेक छानबिन प्रतिवेदन अरु क–कसलाई देखाइयो?
– स्टाटस रिपोर्टमा कुनै फेरबदल गरियो कि गरिएन?
– कसको आदेशमा प्रतिवेदनमा फेरबदल गरियो र फेरबदलको के असर पर्योद?
– कानुनमन्त्रीले सिबिआइको छानबिन प्रतिवेदन हेर्न पाउने अधिकार छ कि छैन?
अमेरिकी कालोसूचीबाट क्युबा हटाइने

अमेरिकी कालोसूचीबाट क्युबा हटाइने

वासिङटन– अमेरिकी राष्ट्रपति बराक ओबामाले क्युबालाई आतंक प्रायोजन गर्ने मुलुकको सूचीबाट हटाउन चालेको पाइलालाई हवानाले प्रशंसा गरेको छ। यसले दुई मुलुकबीच पाँच दशकदेखि चिसिएको सम्बन्ध पुनःस्थापन गर्नेतर्फ मार्ग खोल्ने अपेक्षा...

अमेरिका–क्युबा सम्बन्ध सुध्रने सं‌केत

अमेरिका–क्युबा सम्बन्ध सुध्रने सं‌केत

पानामा नगर– अमेरिकी राष्ट्रपति बराक ओबामा तथा क्युबाली नेता राउल क्यास्ट्रो शुक्रबार अमेरिकी शिखर बैठक ‘समिट अफ दी अमेरिकाज'मा हात मिलाउँदै सँगै बसेका छन्। यसलाई दुई मुलुकबीच दशकौंसम्मको शत्रुता कम...

घट्दो जन्मदरले तनाव

घट्दो जन्मदरले तनाव

कोपनहेगन—१३/१४ वर्षका २५ जना डेनिस बालबालिका एउटा कक्षाकोठामा एकत्रित भएर गोलो घेरामा बसेका छन्। उनीहरू त्यहाँ ‘यौन'का बारे छलफल गर्न भेला भएका हुन्।एक छात्रा आफूले लगाएको रातो नङपोलिस नियालिरहेकी छिन्...

बेलायतमा फेरि गठबन्धन सरकारको सम्भावना

बेलायतमा फेरि गठबन्धन सरकारको सम्भावना

लन्डन– विश्वमा सबैभन्दा पुरानो संसदीय व्यवस्था रहेको राष्ट्र बेलायतमा अर्को महिना हुने संसदीय चुनावको परिणामबाट कुनै एक दलको सरकार गठन नहुने बरु फेरि पनि गठबन्धन सरकार नै गठन हुने सम्भावना...

बंगलादेशमा बालविवाह बढ्दो

बंगलादेशमा बालविवाह बढ्दो

ढाका– बंगलादेशको ग्रामीण क्षेत्रमा बाल विवाह अझै पनि बढीरहेको छ। बंगलादेशको ग्रामीण क्षेत्रमा बाल विवाह बढीरहेको संख्याले त्यहाँको बालबालिका निकै जोखिमपूर्ण अवस्थामा रहेको सञ्चारमाध्यमले उल्लेख गरेका छन्। ग्रामीण भूभागमा सामाजिक...

जर्मन जहाज दुर्घटनामा १५० को मृत्यु, यस्तो छ दुर्घटनास्थल (भिडियो सहित)

जर्मन जहाज दुर्घटनामा १५० को मृत्यु, यस्तो छ दुर्घटनास्थल (भिडियो सहित)

रिस– जर्मनीको जर्मनविङ्स वायुसेवाको एयरबस ए–३२० मंगलबार फ्रान्सको दक्षिणी आल्प्स पर्वत शृंखलामा दुर्घटनाग्रस्त हुँदा जहाजमा रहेका सबै १ सय ५० जनाको मृत्यु भएको आशंका गरिएको छ।१ सय ४४ यात्रु र...

लन्डनमा चर्चिलसँगै गान्धीको मूर्ति

लन्डनमा चर्चिलसँगै गान्धीको मूर्ति

लन्डन– भारतीय स्वतन्त्रताका नेता महात्मा गान्धीको सालिक शनिबार बेलायतको राजधानी लन्डनमा अनावरण गरिएको छ। गान्धीको सालिक विख्यात घडि बिग बेन र हाउस अफ कमन्स अगाडि पार्लियामेन्ट स्क्वायरमा दोस्रो विश्वयुद्धकालिन बेलायती नेता...

बच्चा साटिएपछि…

बच्चा साटिएपछि…

फ्रान्स – सोफी सेरानोले केही दिनको पर्खाइपश्चात् आफूले जन्म दिएको छोरी मेननलाई उचाल्ने मौका पाइन्। जन्मनेबित्तिकै जन्डिस देखा परेपछि मेननको आमासँग टाढा क्रृत्रिम प्रकाशमा छुट्टै राखेर उपचार भइरहेको थियो। तर,...