16 Shrawn, 2072 |
Menu

विश्व

ist-cc

उच्च सैनिक अधिकारीलाई सिपाहीसरह काम गर्न आदेश

  • मङ्गलबार १० बैशाख, २०७०
  • रोयटर्स
  • DISQUS_COMMENTS
(4 votes)
उच्च सैनिक अधिकारीलाई सिपाहीसरह काम गर्न आदेश
बेइजिङ – चीनका राष्ट्रपति सि चिनफिङले सेना प्रमुखलगायत लेफ्िटनेन्ट कर्णेलभन्दा माथिका उच्च सैनिक अधिकारीलाई वर्षेनी दुई साता सिपाहीसरह काम गर्न आदेश दिएका छन्। राष्ट्रपतिमा नियुक्त भएलगत्तै जिनपिङले राष्ट्र सेवकले राष्ट्रका लागि इमान्दारीपूर्वक काम गर्नुपर्ने बताउँदै सैनिक अधिकारीहरूलाई मात्ने गरी रक्सी खान प्रतिबन्ध लगाएका
चीनको रक्षा मन्त्रालयले मंगलबार सार्वजनिक गरेको निर्देशिकामा राष्ट्रपति सिको आदेशबारे उल्लेख छ। चीनको सैन्य परिषदका अध्यक्षसमेत रहेका राष्ट्रपति सिले उच्च सैनिक अधिकारीले दुई साता सिपाहीसरह काम गरे तल्लो तहका सैनिकको मनोबल उच्च हुने भन्दै आदेश दिएका हुन्। तर ५५ वर्षमुनिका र तल्लो तहबाट क्रमशः बढुवा नभई एकैपटक माथिल्लो तहमा नियुक्त सेनाका लेफ्िटनेन्ट कर्णेलसम्मले मात्र वर्षको दुई साता सिपाहीसरह काम गर्नुपर्नेछ।

पिपुल्स लिबरेसन आर्मी(पिएलए) दैनिकले दुई साता सिपाहीसरह काम गर्दाको फाइदाका रुपमा अनुशासन बढ्ने, उच्चाधिकारीको दम्भलगायत अल्छीपना हराएर फूर्तिलो हुने मंगलबार जनाएको छ। आधुनिक चीनका संस्थापक र पहिलो पुस्ताका चिनियाँ नेता माओत्सेतुङले सन् १९५८ मा सेनाका उच्च अधिकारीलाई यस्तै आदेश दिएको समेत पिएलए दैनिकले उल्लेख गरेको छ।

राजनीतिक विश्लेषकले राष्ट्रपति सिको आदेशलाई भ्रष्टाचार उन्मुलन गर्ने सरकारको अभियानको एउटा कदमका रुपमा व्याख्या गरेका छन्। चिनियाँ जनकंग्रेसमा निवर्तमान राष्ट्रपति हु जिन्ताओ र सैन्य परिषद प्रमुख जियाङ जेमिनले चीनमा व्याप्त भ्रष्टाचार उन्मुलन सरकारको पहिलो प्राथमिकता हुनुपर्नेमा जोड दिएका थिए। राष्ट्रपति सिले भ्रष्टाचारलाई चिनियाँ कम्युनिस्ट पार्टीको जरो उखाल्ने तŒव भएको चेतावनी दिएका छन्। सन् १९९० पछि चिनियाँ सेनाभित्र समेत भ्रष्टाचार व्याप्त रहेको सञ्चारमाध्यमले बेलाबेला आरोप लगाउने गरेका छन्।

हङकङस्थित लेखक तथा स्वतन्त्र राजनीतिक विश्लेषक जोनी लाउले राष्ट्रपति सि भ्रष्टाचार निर्मूल गर्ने नेताका रुपमा चिनियाँबीच आफ्नो छवि निर्माण गर्न प्रयासरत रहेको बताए। तर लाउका अनुसार भ्रष्टाचारको प्रभावकारी नियन्त्रणका लागि सैनिक कानुनमा कुनै फेरबदल भने अहिलेसम्म गरिएको छैन। सैनिक कानुनमा कुनै फेरबदल नगर्नुले राष्ट्रपति सि भ्रष्टाचार नियन्त्रणका लागि झिनामसिना काम मात्र गर्न अग्रसर हुने लक्षण देखिएको लाउले बताए।

निर्देशिकाले चीनको सशस्त्र प्रहरीलगायत आन्तरिक सुरक्षा बलसमेत समेट्छ। निर्देशिका बमोजिम सिपाहीसरह काम गर्दा भोजनलगायत आफैंले व्यवस्था गर्नुपर्ने उल्लेख छ। साथै त्यसबेला उनीहरूले भव्य डिनरको आमन्त्रण स्विकार्न नपाउने र कुनै किसिमका उपहार समेत लिन नपाउने निर्देशिकामा उल्लेख छ। उनीहरू १५ दिन सिपाहीसँगै भोजन गर्नुपर्ने र सुत्नुपर्नेछ। केन्द्रीय कार्यालय र जिल्लाका सैनिक नेताले भने पाँच वर्षमा एकपल्ट मात्र सिपाहीसरह दुई साता काम गर्नुपर्नेछ। लेफ्िटनेन्ट कर्णेलभन्दा मुनिका सैनिक अधिकारीले भने तीन वा चार वर्षमा एकपल्ट सिपाहीसरह काम गर्नुपर्ने निर्देशिकामा उल्लेख छ।

राष्ट्रपति सि चिनियाँ कम्युनिस्ट पार्टीको महासचिव र केन्द्रीय सैन्य परिषदमा अध्यक्ष भएपछि भ्रष्टाचार उन्मुलन अभियानमा लागेका छन्। पाँचौ पुस्ताका नेता सि नोभेम्बर २०१२ मा सम्पन्न चीनको राष्ट्रिय जनकंग्रेसबाट राष्ट्रपति र सैन्य परिषद अध्यक्ष चुनिएका हुन्। चीनमा कम्युनिस्ट पार्टी र सैन्य परिषदलाई सर्वोच्च मानिन्छ।

प्रतिक्रिया

भारत–बंगलादेश ऐतिहासिक सम्झौता

भारत–बंगलादेश ऐतिहासिक सम्झौता

ढाका– बंगलादेशको दुईदिने भ्रमणमा गएका भारतीय प्रधानमन्त्री नरेन्द्र मोदी शनिबार ढाका पुगेलगत्तै दुई देशबीच सीमा सम्झौता ‘ल्यान्ड बाउन्ड्री एग्रिमेन्ट' भएको छ। दुवै देशबीचको प्रमुख सम्झौता मानिएको ‘ल्यान्ड बाउन्ड्री एग्रिमेन्ट'मा दुवै देशको...

सिसा पाइएपछि बजारबाट म्यागी हटाउन आदेश

सिसा पाइएपछि बजारबाट म्यागी हटाउन आदेश

नयाँ दिल्ली– म्यागी चाउचाउमा सिसाको मात्रा फेला परेपछि नेस्लेको तयारी चाउचाउ म्यागी भारतीय बजारबाट हटाउन आदेश दिइएको छ। बहुराष्ट्रिय कम्पनी नेस्लेको उत्पादन म्यागी भारतका राज्यले म्यागी बिक्री वितरण नगर्न आदेश...

मोदीमाथि कंग्रेसका योजना नक्कल गरेको आरोप

मोदीमाथि कंग्रेसका योजना नक्कल गरेको आरोप

नयाँ दिल्ली– भारतका पूर्वप्रधानमन्त्री मनमोहन सिंहले मोदी सरकारको भारतलाई औद्योगिक उत्पादन केन्द्र बनाउने महत्वाकांक्षी योजना ‘मेक इन इन्डिया' कंग्रेसद्वारा तयार योजनाको नक्कल भएको आरोप लगाएका छन्।

‘मिसाइल परीक्षण ऐतिहासिक उपलब्धि'

‘मिसाइल परीक्षण ऐतिहासिक उपलब्धि'

सोल– उत्तर कोरियाली नेता किम जोङ उनले केही दिनअघि आफ्नो देशले गरेको पनडुब्बीबाट प्रहार गर्न सकिने ब्यालेस्टिक मिसाइलको सफल परीक्षण ऐतिहासिक भएको बताएका छन्। नेता उनले परीक्षण उत्तर कोरियाको साहसिक कामका...

अवैध प्रवेश रोक्न युरोपेली संघको नयाँ कदम

अवैध प्रवेश रोक्न युरोपेली संघको नयाँ कदम

लक्जमबर्ग–युरोपेली संघले भूमध्यसागरमा अफ्रिकी आप्रवासी अवैध तरिकाबाट युरोप पस्न डुंगा चढेर आउँदा बढीरहेका पछिल्ला दुर्घटनासम्बन्धी समस्या समाधान गर्न प्याकेज घोषणा गरेको छ।

अमेरिकी कालोसूचीबाट क्युबा हटाइने

अमेरिकी कालोसूचीबाट क्युबा हटाइने

वासिङटन– अमेरिकी राष्ट्रपति बराक ओबामाले क्युबालाई आतंक प्रायोजन गर्ने मुलुकको सूचीबाट हटाउन चालेको पाइलालाई हवानाले प्रशंसा गरेको छ। यसले दुई मुलुकबीच पाँच दशकदेखि चिसिएको सम्बन्ध पुनःस्थापन गर्नेतर्फ मार्ग खोल्ने अपेक्षा...

अमेरिका–क्युबा सम्बन्ध सुध्रने सं‌केत

अमेरिका–क्युबा सम्बन्ध सुध्रने सं‌केत

पानामा नगर– अमेरिकी राष्ट्रपति बराक ओबामा तथा क्युबाली नेता राउल क्यास्ट्रो शुक्रबार अमेरिकी शिखर बैठक ‘समिट अफ दी अमेरिकाज'मा हात मिलाउँदै सँगै बसेका छन्। यसलाई दुई मुलुकबीच दशकौंसम्मको शत्रुता कम...

घट्दो जन्मदरले तनाव

घट्दो जन्मदरले तनाव

कोपनहेगन—१३/१४ वर्षका २५ जना डेनिस बालबालिका एउटा कक्षाकोठामा एकत्रित भएर गोलो घेरामा बसेका छन्। उनीहरू त्यहाँ ‘यौन'का बारे छलफल गर्न भेला भएका हुन्।एक छात्रा आफूले लगाएको रातो नङपोलिस नियालिरहेकी छिन्...