Monday 7 Poush, 2071 |
Menu

खेल

शक्तिको १०० विकेट

  • आइतबार २२ बैशाख, २०७०
  • विनोद पाण्डे
  • DISQUS_COMMENTS
(0 votes)
शक्तिको १०० विकेट
काठमाडौं- शक्ति गौचन एकदिवसीयमा १ सय विकेट लिने नेपालका दोस्रो खेलाडी बनेका छन्। बर्मुडामा भइरहेको विश्व क्रिकेट लिग डिभिजन ३ मा शनिबार २ विकेट लिँदै शक्तिले यो सफलताको कोसेढुंगा पार गरेका हुन्। शक्ति नेपालबाट एकदिवसीयमा १ हजार रन बनाउने पनि पहिलो खेलाडी हुन्।


शनिबार इटालीसँग खेलेको उनको ७७ खेल थियो। शक्तिले बर्मुडाको लर्डसको सेन्ट डेविड्स क्रिकेट क्लबमा गायसन मुनासिंघेलाई ४७औं ओभरमा एलबिडब्लु आउट गरी यो सफलता पाएका हुन्। महबुब आलम १ सय विकेट लिने पहिलो खेलाडी हुन्। उनले ६३ खेलमा यो सफलता पाएका थिए।

शक्तिको खेलजीवनमा सबैभन्दा कठिन बनेको प्रतियोगितामै उनले १ सय विकेटको कोसेढुंगा भेट्टाए। यसै प्रतियोगितामा अमेरिकासँग खेल्दा देब्रेहाते स्पिनर शक्तिले ९ ओभरमा ८१ रन खर्चन पुगेका थिए, जुन नेपाली खेलाडीको अहिलेसम्मकै खर्चिलो बलिङ थियो। जबकि शक्ति विश्व क्रिकेट लिगको सम्पूर्ण संरचनामा सबैभन्दा किफायती बलर हुन्। यस प्रतियोगितामा ५ विकेट मात्र लिन सकेका छन्।

शक्ति एकदिवसीयमा नेपालबाट सबैभन्दा बढी खेल खेल्ने खेलाडी पनि हुन्। सन् २००२ मा सिंगापुरमा भएको एसिसी ट्रफीमा ओमानसँगको खेलबाट शक्तिले राष्ट्रिय टोलीमा 'डेब्यु गरेका थिए। एक समय नेपालका भरपर्दा ब्याट्सम्यान पनि रहेका शक्ति पछिल्ला केही वर्षमा तल्लोक्रमबाट ब्याटिङ गर्छन्।

२०१० को ग्वान्झाउ एसियाली खेलकुद र दुई वर्षअघि काठमाडौंमै भएको प्रतियोगितामा शक्तिलाई नेपाली टोेलीबाट हटाइएको थियो। त्यसयता शक्तिले १७ एकदिवसीय खेलमा ३० विकेट लिइसकेका छन्। गत वर्ष युएईमा भएको विश्व ट्वान्टी–२० छनोटबाट उनले पुनरागमन गरे, नेपाली टोलीमा। डेनमार्कसँग दुबईमा शक्तिले ह्याटि्रक गरे। पहिलोपल्ट नेपाली पुरुष खेलाडीले अन्तर्राष्ट्रिय क्रिकेटमा ह्याटि्रक गर्ने सफलता शक्तिले आफ्नो नाममा लेखाए। पूरै प्रतियोगितामा शक्तिले १६ विकेट लिए। यो प्रदर्शनले उनलाई इन्डियन प्रिमियर लिगको टोली राजस्थान रोयल्ससँग ट्रायलमा पनि पुर्यालयो।

खेल ओभर रन उत्कृष्ट इकोनोमी औसत विकेट

७७ ५१६.४ १३३४ १/५ २.५८ १३.३४ १००
नेपालको पहिलो हार

नेपालको पहिलो हार

काठमाडौं- प्रथम दक्षिण एसियाली आमन्त्रित महिला भलिबलमा लगातार जित हासिल गरेको नेपाल भारतसँग पराजित भएको छ। दक्षिण एसियाको शिर्ष टोली भारतले नेपाललाई लगातार हराउने क्रममा आइतबार सोझो सेटमा २५–१७, २५–१६,...

नेपालको रजत जित्ने लक्ष्य

नेपालको रजत जित्ने लक्ष्य

काठमाडौं-प्रथम दक्षिण एसियाली आमन्त्रित महिला भलिबल च्याम्पिनयसिपमा नेपालले शुक्रबार माल्दिभ्ससँग खेल्दैछ। च्याम्पियनसिपमा रजत पदक जित्ने लक्ष्य लिएको नेपालका लागि माल्दिभ्ससँग सजिलो प्रतिद्वन्द्वी हो। दुई टोलीले पाँचपल्ट आमनेसामने भएका छन्। सबैमा...

पाकिस्तानको उच्च स्कोर

पाकिस्तानको उच्च स्कोर

शारजहाँ– ओपनर अहमद सेहजादले सानदार शतक र शहिद अफ्रिदीले तीब्र गतिमा ५५ रन बनाउनुका साथै ३ विकेट लिएपछि पाकिस्तानले आइतबार तेस्रो एकदिवसीयमा न्युजिल्यान्डलाई १ सय ४७ रनले पराजित गरेको छ।

अस्ट्रेलियाली टेस्ट कप्तानमा स्मिथ

अस्ट्रेलियाली टेस्ट कप्तानमा स्मिथ

ब्रिसवेन– आक्रामक क्रिकेट खेल्ने बाचा गर्दै २५ वर्षे स्टेभन स्मिथले बुधबार गाबामा सुरु हुने भारतविरुद्धको दोस्रो टेस्टबाट अस्ट्रेलियाको कप्तानी जिम्मेवारी लिएका छन्। नियमित कप्तान माइकल क्लार्कले चोटका कारण चार टेस्टको...

लाम्पार्ड रिलिज गरेको पश्चाताप छैन : माउरिन्हो

लाम्पार्ड रिलिज गरेको पश्चाताप छैन : माउरिन्हो

लन्डन– फ्रान्क लाम्पार्डले म्यानचेस्टर सिटीको मैदानमा प्रभावकारी प्रदर्शन गरिरहे पनि उनलाई रिलिज गर्ने निर्णयमा कुनै पश्चाताप नभएको चेल्सीका प्रशिक्षक जोजे माउरिन्होले बताएका छन्।

लायनको बलले मोडियो नतिजा

लायनको बलले मोडियो नतिजा

एडिलेड- बलले लागेर निधन भएका फिलिप ह्युजको सम्झनामा भारत र अस्ट्रेलियाबीचको पहिलो टेस्ट सुरुआती दिनदेखि नै भावनात्मक बनेको थियो। शनिबार यसको अन्त पनि त्यहीअनुरुप भयो।

विश्वकपका अनुभवी बन्लान्?

विश्वकपका अनुभवी बन्लान्?

लन्डन- श्रीलंकाका माहेला जयवर्द्धने र पाकिस्तानका शहिद अफ्रिदी विश्वकप क्रिकेटको अनुभवी खेलाडी बन्ने सूचीमा उभिएका छन्। फेब्रुअरी १४ बाट अस्ट्रेलिया र न्युजिल्यान्डमा सुरु हुने प्रतियोगिताका लागि यी दुवैलाई आफ्नो राष्ट्रको...

कोहलीको शतकमा भारतीय रवाफ

कोहलीको शतकमा भारतीय रवाफ

एडिलेड- कार्यवाहक कप्तान विराट कोहलीले मिचेल जोन्सनको बाउन्सर झेल्दै बनाएको शतकमा भारतले अस्ट्रेलियाविरुद्धको पहिलो टेस्टमा राम्रो जवाफ फर्काएको छ। जोन्सनको पहिलो बल सामना गर्दा कोहलीको हेलमेटमा नराम्रोसँग लागेको थियो। यसले...