Thursday 12 Bhadra, 2071 |
Menu

खेल

अन्तिम प्रतिद्वन्द्वी इटाली

(0 votes)
काठमाडौं– नेपालले विश्व क्रिकेट लिग डिभिजन ३ को समूह चरणको अन्तिम खेलमा शनिबार इटालीसँग खेल्नेछ। नेपालले इटालीलाई ठूलो अन्तरमा पराजित गरेमा र बर्मुडाले अमेरिकामाथि विजय हात पारे नेपाल डिभिजन २ मा उक्लने सम्भावना रहनेछ। 

नेपालले ४ मध्ये २ खेल जितेको छ। इटाली सबै खेल हारेर रेलिगेसनमा परेको छ। यसअघि दुईपल्ट भेट्दा नेपालले इटालीलाई पराजित गरेको छ। सन् २००५ मा विश्वकप छनोट शृंखला डिभिजन २ मा शक्ति गौचनको शतकमा नेपालले इटालीलाई मलेसियामा ८८ रनले पराजित गरेको थियो। तीन वर्षअघि बोलोनियामा डिभिजन ४ मा नेपालले इटालीमाथि ५ विकेटको विजय पाएको थियो।
बर्मुडामा बिहीबार नेपालले ओमानमाथि २८ रनको विजय पायो। टस हारेको नेपालले ९ विकेट गुमाई १ सय ६० रन बनायो। ज्ञानेन्द्र मल्लले ३४, विनोद भण्डारीले ३२, कप्तान पारस खड्काले २८, शरद भेषावकरले २७ रन बनाए। सुवास खकुरेल १, अनिल मण्डल ७, वसन्त रेग्मी ५, पृथु बाँस्कोटा ६, शक्ति गौचन १ रनमा आउट भए। चन्द्र साउद ६ र सञ्जम रेग्मी ४ रनमा अविजित रहे। ओमानका मुनिस अन्सारीले ३ विकेट लिए।
नेपालले जवाफमा ओमानलाई ४६.४ ओभरमा १ सय ३२ रनमा समेट्यो। ओपनर अजय लालचेटाले २४, कप्तान वैभव वाटेगोनाकरले २७ र सुल्तान अहमदले १९ रन बनाए। वसन्त र सञ्जमले २–२ तथा पारस, पृथु र शक्तिले १–१ विकेट लिए। खेलमा सर्वाधिक रन बनाउनुका साथै ३ क्याच पनि लिएका ज्ञानेन्द्र म्यान अफ द म्याचमा चुनिए।
अन्य खेलमा अमेरिकालाई ८२ रनले पराजित गरी युगान्डा डिभिजन २ मा बढुवा भएको छ। युगान्डाले सबै ४ खेल जितेको छ। अर्को खेलमा बर्मुडाले इटालीलाई ६० रनले पराजित गर्यो।
एसियाडलाई कोरियाको व्यस्तता

एसियाडलाई कोरियाको व्यस्तता

इन्चोन- तेस्रोपटक एसियाली खेलकुद गर्न लागेको दक्षिण कोरियाली प्रशासनलाई अहिले भ्याइनभ्याई छ। एसियाली खेलकुदको ठूलो खेलमेलाको १७औं संस्करण इन्चोनमा सेप्टेम्बर १९ बाट हुँदैछ। एसियाका ४५ देशबाट खेलाडी र खेलकर्मी गरी...

फुटबलको नयाँ सिजन सुरु गर्दै एन्फा

फुटबलको नयाँ सिजन सुरु गर्दै एन्फा

काठमाडौं- अखिल नेपाल फुटबल संघ (एन्फा)ले सहमत क्लबको साथ लिएर फुटबलको नयाँ सिजन अघि बढाउने तयारी सुरु गरेको छ। अन्यौलबीच एन्फाले यसै महिना आयोजना गर्ने भनिएको नकआउटसहित अन्य फुटबल प्रतियोगिताको...

'फुच्चे' को करामत

'फुच्चे' को करामत

काठमाडौं- 'यो फुच्चेले नेपाली क्रिकेट टोलीको नाक राख्छ।'नेपाली यु–१६ क्रिकेट टोलीका सहायक प्रशिक्षक राजु बस्न्यातले केही समयअघि १३ वर्षीय 'स्पिनर' अनिल खरेलको खेल कौशलबारे प्रतिक्रिया दिँदै भनेका थिए।

एसिसी युु–१६ मा नेपालको जितको ह्‍याट्रिक

एसिसी युु–१६ मा नेपालको जितको ह्‍याट्रिक

नेपालले एसिसी यु–१६ प्रिमियर क्रिकेटमा जितको ह्याट्रिक गरेको छ। मलेसियामा भइरहेको प्रतियोगितामा नेपालले आइतबार ओमानलाई १ सय २ रनले पराजित गर्‍यो। जितेन्द्रसिंह ठकुरीले प्रतियोगितामा आफ्नो उत्कृष्ट प्रदर्शनलाई जारी राख्दा नेपालले...

एसिसी यु–१६ मा सिंगापुरसँग नेपालको बदला

एसिसी यु–१६ मा सिंगापुरसँग नेपालको बदला

काठमाडौं– नेपालले एसिसी यु–१६ प्रिमियर क्रिकेटमा लगातार दोस्रो खेल जितेको छ। मलेसियामा भइरहेको प्रतियोगितामा नेपालले शुक्रबार सिंगापुरलाई ४९ रनले पराजित गर्‍यो।

लिभरपुलको ठूलो अपेक्षा

लिभरपुलको ठूलो अपेक्षा

लन्डन- एभर्टन एफसीका पदाधिकारीसँग विवाद भएपछि जोहन होल्डिङले सन् १८९२ मा आफ्नै अध्यक्षता र स्वामित्वमा एनफिल्ड अवस्थित जग्गामा लिभरपुल एफसीको स्थापना गरे। त्यसको एक वर्षपछि उनीहरू फुटबल लिगमा आबद्ध भए।...

युथ ओलम्पिकमा दुई खेलाडी

युथ ओलम्पिकमा दुई खेलाडी

काठमाडौं– दुई खेलाडीसहित चार सदस्यीय नेपाली टोली दोस्रो युथ ओलम्पिक खेलकुदमा भाग लिन मंगलबार चीनको नान्जिङ प्रस्थान गरेको छ। साउन ३१ बाट हुने युथ ओलम्पिकमा ब्याडमिन्टनका दिपेश धामी र एथलेटिक्सकी...

धोनीको सुरक्षामा कटौती,समर्थक आक्रोसित

धोनीको सुरक्षामा कटौती,समर्थक आक्रोसित

नयाँ दिल्ली-ट्वान्टी-२० विश्वकप जितेपछि भारतीय क्रिकेट टीमका कप्तान महेन्द्र सिंह धोनीको सुरक्षाको ९ जना कमान्डो खटाईएको थियो। तर अहिले भने राज्य सरकारले उनको सुरक्षामा कटौति गरेको छ।