Wednesday 20 Falgun, 2071 |
Menu

खेल

HUB

विजयी सुरुआत

(0 votes)
क्वालालम्पुर– चारपल्टको च्याम्पियन नेपालले एसिसी यु–१९ एलिट कपमा विजयी सुरुआत गरेको छ। शुक्रबार ओवल मैदानमा नेपालले कुवेतलाई ८४ रनले हरायो।
टस जितेर नेपालले ४३ ओभरमा अलआउट हुँदा १ सय ९३ रन बनाएको थियो। 
कुवेत ३६.२ ओभरमा मात्र १ सय ९ रनमा समेटियो। नेपालको विजयमा तीब्र गतिका बलर यज्ञमान कुमालले महत्त्वपूर्ण भूमिका खेले। उनले ३ विकेट लिँदा कुनै रन खर्चेका थिएनन्। अन्तर्राष्ट्रिय 'डेब्यु' खेलमा यज्ञमानले ९ ओभरमा एक मेडन राख्दै १६ रन मात्र दिए। सुशान्त भारीले २ विकेट लिए।  
नेपालले चौथो ओभरमा निश्चल पाण्डे (१०)लाई पहिलो विकेटका रूपमा गुमाएको थियो। कुल स्कोर ८९ छँदा अमित श्रेष्ठ (४८) अब्दुल जबरको बलमा क्याचआउट भए। ५२ बल खेल्दा उनले ७ चौका प्रहार गरे। जबरले १९ औं ओभरमा नेपालको लगातार दुई विकेट लिए। कप्तान भुवन कार्की शून्य र निर्मल थापा एक रनमा पवेलियन फर्किए। हरिशंकर शाह (२३) जबरकै बलमा क्याचआउट भए। २३ औं ओभरमा प्रेम तामाङ (६) पवेलियन फर्कंदा नेपालको स्कोर १ सय ५ रन थियो।
त्यसपछि टोलीलाई उकास्ने क्रममा दुई चौका प्रहार गर्दै पवन श्रेष्ठले स्कोर १ सय १८ पुर्याूए। लगत्तै अविनाश कर्ण (३) बोल्ड भए। सुशान्त भारी र इर्शाद अहमदले नवौं विकेटका लागि ३८ रनको साझेदारी गरेपछि नेपालले १ सय ७३ रनको मध्यम स्कोर खडा गरेको थियो। सुशान्तले ३३ बलमा २८ रन जोडे। उनको इनिङ्समा एक छक्का र दुई चौका सामेल थियो। इर्शादले अविजित १८ रन बनाए। यज्ञमानले ९ रन जोडे।
नेपालविरुद्ध धारिलो बलिङ गरेका अब्दुल जबरले ४ विकेट लिए। अली जाहिर र शाहरुख कुद्दासले २–२ विकेट बाँडे।
नेपाली बलिङसामु कुवेती ब्याटिङमा जम्न सकेन। पाँचौं ओभर मेडन फाल्दै कप्तान भुवन कार्कीले कुवेतका कसिम सदाकतलाई पवेलियनको बाटो देखाए। त्यतिबेला कुवेतसँग १५ रन थियो। आठौं ओभरमा यज्ञमानको बलमा मोहम्मद अलीलाई निश्चल पाण्डेले क्याचआउट गरे। उनले त्यही ओभरमा कुवेतका अली जाहिरको विकेट लिए। कुवेतको स्कोर ३९ रन जोड्दा ७ विकेट गुमाइसकेको थियो। टोलीका लागि ठूलो स्कोर बनाउनेमा शाहरुख कुद्दास (अविजित ३६) र फैजान सिद्दिक (२१) थिए।
कीर्तिमानै कीर्तिमान

कीर्तिमानै कीर्तिमान

क्यानबेरा– क्रिस गेलले विश्वकपमा कीर्तिमानी २ सय १५ रन जोडेपछि मंगलबार वेस्ट इन्डिजले जिम्बावेमाथि ७३ रनको पाएको छ। पहिलो खेलमा आइसिसीको एसोसिएट्स टोली आयरल्यान्डसँग ४ विकेटले स्तब्ध वेस्ट इन्डिजले तत्काल...

क्रिस गेल विद्रोही ब्याट्सम्यान

क्रिस गेल विद्रोही ब्याट्सम्यान

सिड्नी– धेरै कारणले गर्दा उनी एक विद्रोही हुन्, वेस्ट इन्डिजका क्रिकेट अधिकारीसँग उनको टसल त्यत्तिकै छ। तर तमाम विद्रोहीपनाका बाबजुद क्रिस गेल क्रिकेटका सुपरस्टार हुन् भन्नेमा कसैले अस्वीकार गर्न सक्दैन।...

क्रिकेट बिवादको अर्को शृंखला : कोइराला कार्यवाहक अध्यक्ष

क्रिकेट बिवादको अर्को शृंखला : कोइराला कार्यवाहक अध्यक्ष

काठमाडौं– राष्ट्रिय टोलीले मैदानभित्र दिनानुदिन सफलताका नयाँ सिढी चढिरहेका बेला नेपालको क्रिकेट प्रशासन भने बिवादको दलदलमा थप जाकिँदै गएको छ। सरकारबाट निलम्बित नेपाल क्रिकेट संघ (क्यान) का कार्यवाहक अध्यक्ष तारिणीविक्रम...

तेन्दुल्करविनाको भारत

तेन्दुल्करविनाको भारत

नयाँ दिल्ली– तेइस वर्षयता पहिलो पटक भारतीय क्रिकेट टोलीमा ब्याटिङ सुपर स्टार सचिन तेन्दुल्कर छैनन्।  करिब दुई वर्षअघि तेन्दुल्करले क्रिकेटबाट सन्यास लिएपछि त्यसको प्रत्यक्ष फाइदा चिर प्रतिद्वन्द्वी पाकिस्तानलाई पुग्ने अनुमान...

नेपालगन्जको क्रिकेट संकट

नेपालगन्जको क्रिकेट संकट

काठमाडौं-नेपाली क्रिकेटको उर्वरभूमि मानिने नेपालगन्ज अहिले संकटमा गुजि्ररहेको छ। नेपालगन्जलाई महिला क्रिकेटको उद्गमथलो नै मानिन्छ। तथापि थुप्रै पुरुष खेलाडीले पनि राष्ट्रिय टोलीबाट महत्व‍पूर्ण उपलब्धी बटुलेका छन्। घरेलु क्रिकेटमा विशेष योगदान...

एसपिए कपमा लम्कँदै पेन्टागन

एसपिए कपमा लम्कँदै पेन्टागन

धनगढी-राष्ट्रिय खेलाडीले भरिपूर्ण काठमाडौंको पेन्टागन कलेजले मंगलबार कञ्चनपुरको सनराइज उच्चमाविमाथि १६ रनले हराउँदै होटल डिभोटी एसपिए कप क्रिकेट प्रतियोगिताको सेमिफाइनलपक्का गरेको छ। टस हारेर ब्याटिङ गर्न आएको पेन्टागनबाट राष्ट्रिय खेलाडीद्वय...

अस्ट्रेलियाले उपाधि उचालेको एसियन कपका केहि झलक

अस्ट्रेलियाले उपाधि उचालेको एसियन कपका केहि झलक

सिड्नी– वैकल्पिक खेलाडी जेम्स ट्रोसीले दक्षिण कोरियाविरुद्ध अतिरिक्त समयमा आकर्षक गोल गरी आयोजक राष्ट्र अस्ट्रेलियाले एसियन कप फुटबलको ट्रफी उचालेको छ। अस्ट्रेलियाले ५५ वर्षयता ठूलो प्रतियोगिताको उपाधि जित्न सकेको थिएन।

पुबुदु र प्रफुल्ल सम्मानित

पुबुदु र प्रफुल्ल सम्मानित

धनगढी- नेपाली क्रिकेटका दुई हस्ती पुबुदु दासानायके र प्रफुल्ल वैद्य शुक्रबार सुदूरपश्चिमाञ्चल एकेडेमी (एसपिए) बाट सम्मानित भएका छन्। दी होटल डिभोटी कपको चौथो संस्करणको उद्घाटनका अवसरमा सिंचाइमन्त्री एनपी साउदले राष्ट्रिय...