Wednesday 20 Falgun, 2071 |
Menu

खेल

HUB

'डेब्यु'मै दुर्लभ कीर्तिमान

  • २१ बैशाख, २०७०
  • विक्रम गिरी
  • DISQUS_COMMENTS
(1 Vote)
'डेब्यु'मै दुर्लभ कीर्तिमान
मलेसिया– किनारा ओवल क्रिकेट मैदान प्रवेश गर्दा शुक्रबार पानी परिरहेको थियो। मैदानमा पुगेको आधा घन्टासम्म वर्षा नरोकिँदा युवा पेस बलर यज्ञमान कुमालको मन कुँडिँदै गएको थियो। कुवेतविरुद्धको खेलबाट अन्तर्राष्ट्रिय प्रतियोगितामा 'डेब्यु' गर्न पाउने–नपाउने द्विविधा पनि थियो उनमा।
कारण टिममा उनीभन्दा सिनियर अन्य दुई तीव्र गतिका बलर थिए। तर रामनरेश गिरी र राहुलप्रताप सिंहलाई अतिरिक्त खेलाडीका रूपमा पवेलियनमा राखिएपछि कुमालको मन प्रफुल्ल भयो। यज्ञमानको अन्तर्राष्ट्रिय 'डेब्यु' अविस्मरणीय रह्यो। यस्तो सुरुआत नेपाली खेलाडीले अहिलेसम्म न कसैले गरेका थिए, न कसैले कल्पनासमेत गर्नेछन्। कुवेतसँग उनले कुनै रन नखर्ची पहिलो ३ विकेट लिए। अछामबाट नेपालका लागि अन्तर्राष्ट्रिय क्रिकेट खेल्ने यज्ञमान पहिलो खेलाडी हुन्। उनी ७ महिनाअघि विश्व क्रिकेट लिग डिभिजन ४ जितेको नेपाली टोलीको वैकल्पिक सूचीमा थिए। शुक्रबार अन्तर्राष्ट्रिय क्रिकेटमा पहिलो खेल खेल्न पाउँदा उनले त्यसलाई विशेष बनाए। आठौं ओभरको बलिङ लिँदा उनले कुवेतका जाकरिया लिक्वात अलीको विकेट लिए। अली निश्चल पाण्डेबाट क्याचआउट भए। लगत्तै दसौं ओभरमा कप्तान भुवन कार्कीले यज्ञमानलाई बलिङको जिम्मा दिए। उनले मोहम्मद अली र अली जाहिरलाई पवेलियन पठाए। तीन विकेट लिँदासम्म उनले कुनै रन दिएनन्। अछाम रिडिकोट–६ का उनले कालिमाटी गाउँकै सूर्यचन्द्र माविमा ८ कक्षामा हुँदै क्रिकेट खेल्न थालेका थिए। गाउँमा न राम्रो क्रिकेट मैदान, न खेल सामग्री। साथीभाइको लहलहैमा यज्ञले बल र ब्याट समात्दै क्रिकेटसित साइनो जोडे। 'गाउँमा फुर्सदको समय काट्न क्रिकेट खेल्थ्यौं,' तीन विकेट लिएपछि यज्ञमानले नागरिकसित भने, 'ख्यालख्यालमै ब्याट र बल समातेको, देशको टिमबाट क्रिकेट खेलुँला भन्ने त सोचेकै थिइनँ।' चार वर्ष भयो, उनी क्रिकेटमा रम्न थालेको। त्यतिबेला कैलालीको धनगढीमा यु–१९ क्षेत्रीय प्रतियोगिता हुँदै थियो। प्रतियोगिताबारे उनले खबर पाए। लगत्तै जिल्लामा सम्पर्क राखे। टिममा राखेपछि उनी प्रतियोगिता खेल्न धनगढी झरे। त्यसबेला अछामले कुनै खेल जित्न सकेन। उनी निराश हुँदै घर फर्के। त्यसपछि बैतडीमा सिनियर क्षेत्रीय प्रतियोगिता खेले। 'दुवै खेलमा पराजित भयौं,' उनले भने। दुई वर्षअघि यज्ञमानले महेन्द्रनगरमा भएको यु–१९ क्षेत्रीय प्रतियोगितामा डडेल्धुराविरुद्ध अछामलाई विजयी बनाए। यस क्रममा उनले ४ विकेट लिनुका साथै ३५ रनको योगदान गरेका थिए। 'पहिलोपल्ट अछामले कुनै खेल जितेको थियो,' कुमाल सम्झन्छन्। त्यही खेल नै उनका लागि 'टर्निङ प्वाइन्ट' बन्यो। त्यसपछि उनी क्षेत्र नम्बर ६ बैतडीको टिममा परे। क्षेत्रको टिममा अछामबाट पर्ने उनी पहिलो खेलाडी हुन्। बैतडीबाट उनले गत वर्ष राजधानीमा सम्पन्न यु–१९ राष्ट्रिय प्रतियोगिता खेले। पहिलो खेलमा उनले अतिरिक्त खेलाडी हुँदै पवेलियनमै चित्त बुझाए। 'त्यसपछिका तीन खेलमा ६ विकेट लिएँ,' उनी भन्छन्, 'क्षेत्र नम्बर ६ बैतडी वीरगन्जलाई हराउँदै च्याम्पियन बन्यो।' गत मंसिरमा धनगढीमा भएको सिनियर टी–२० प्रतियोगितामा यज्ञमानले अछामलाई पहिलोपल्ट क्षेत्रीय च्याम्पियन बनाए। फाइनलमा अछामले बैतडीलाई एक विकेटले पराजित गर्योई। क्षेत्रीय च्याम्पियन भएपछि अछामका तीन खेलाडी टिममा परे। उनीसँगै शिवराज स्वाँर र रवि टमाटाले क्षेत्र नम्बर ६ बाट खेले। 'पोखराविरुद्ध पहिलो खेलमा नै ४ विकेट लिएँ,' उनले भने, 'उक्त प्रतियोगिताका सबै खेलमा विकेट लिएँ।' त्यही प्रतियोगिताबाट यज्ञमानले प्रशिक्षक पुबुदु दासानायके र अन्यको मन जिते। गत वर्ष नेपाली टोली यु–१९ विश्वकप खेल्न जानुअघि उनी क्याम्पमा परे। तर, उनी त्यतिबेला बुबालाई भेट्न भारतको मुम्बई गएका थिए। 'मेरो ब्याडलक रह्यो,' यज्ञमान सम्झन्छन्, 'खबर पाएर फर्किंदा ढिला भइसकेको थियो।' उनका बुबा मुम्बईमा मजदुरी गर्छन्। पोहोर नेपालले डिभिजन ४ खेल्दा यज्ञमान वैकल्पिकमा थिए। एसिसी एलिट कपका बेला उनी क्याम्पमा परे, टिममा परेनन्। राहदानी बनाउन समस्या परेकाले प्रतियोगिताबाट वञ्चित भए। 'टिममा परेर मलेसिया आउन पाउँदा निकै खुसी थिएँ,' उनी भन्छन्, 'त्योभन्दा बढी खुसी आज भएँ।' अन्तर्राष्ट्रिय प्रतियोगितामा डेब्यु गरेकै दिन दुर्लभ सफलता पाउँदा उनीसँग हर्षको सीमा छैन। प्रशिक्षक जगत टमाटा र कप्तान कार्की पनि यज्ञमानको प्रदर्शनबाट सन्तुष्ट छन्। 'विकेटको अवस्था हेरेर नै यज्ञलाई बलिङ गर्न लगाइएको हो,' कार्कीले भने, 'हामीलाई उनीजस्तै खेलाडी आवश्यक थियो।' पहिलोपल्ट नेपालका विकेटकिपरले ३० यार्डबाट किपिङ गरेको देख्न पाएको कप्तान कार्कीले बताए। 'यज्ञको बलिङबाट निकै प्रभावित भएँ,' उनले भने। प्रशिक्षक टमाटा यज्ञमानबाट सोचेजस्तो सफलता पाएकोमा हर्षित छन्। 'सुरुआत राम्रो गर्नु जरुरी थियो,' उनले भने, 'उनले आवश्यकता पूरा गरिदिए।' नेपाली क्रिकेटमा यज्ञमानसँगै नयाँ पुस्ताको प्रवेश भएको ठम्याइ उनको छ।
कीर्तिमानै कीर्तिमान

कीर्तिमानै कीर्तिमान

क्यानबेरा– क्रिस गेलले विश्वकपमा कीर्तिमानी २ सय १५ रन जोडेपछि मंगलबार वेस्ट इन्डिजले जिम्बावेमाथि ७३ रनको पाएको छ। पहिलो खेलमा आइसिसीको एसोसिएट्स टोली आयरल्यान्डसँग ४ विकेटले स्तब्ध वेस्ट इन्डिजले तत्काल...

क्रिस गेल विद्रोही ब्याट्सम्यान

क्रिस गेल विद्रोही ब्याट्सम्यान

सिड्नी– धेरै कारणले गर्दा उनी एक विद्रोही हुन्, वेस्ट इन्डिजका क्रिकेट अधिकारीसँग उनको टसल त्यत्तिकै छ। तर तमाम विद्रोहीपनाका बाबजुद क्रिस गेल क्रिकेटका सुपरस्टार हुन् भन्नेमा कसैले अस्वीकार गर्न सक्दैन।...

क्रिकेट बिवादको अर्को शृंखला : कोइराला कार्यवाहक अध्यक्ष

क्रिकेट बिवादको अर्को शृंखला : कोइराला कार्यवाहक अध्यक्ष

काठमाडौं– राष्ट्रिय टोलीले मैदानभित्र दिनानुदिन सफलताका नयाँ सिढी चढिरहेका बेला नेपालको क्रिकेट प्रशासन भने बिवादको दलदलमा थप जाकिँदै गएको छ। सरकारबाट निलम्बित नेपाल क्रिकेट संघ (क्यान) का कार्यवाहक अध्यक्ष तारिणीविक्रम...

तेन्दुल्करविनाको भारत

तेन्दुल्करविनाको भारत

नयाँ दिल्ली– तेइस वर्षयता पहिलो पटक भारतीय क्रिकेट टोलीमा ब्याटिङ सुपर स्टार सचिन तेन्दुल्कर छैनन्।  करिब दुई वर्षअघि तेन्दुल्करले क्रिकेटबाट सन्यास लिएपछि त्यसको प्रत्यक्ष फाइदा चिर प्रतिद्वन्द्वी पाकिस्तानलाई पुग्ने अनुमान...

नेपालगन्जको क्रिकेट संकट

नेपालगन्जको क्रिकेट संकट

काठमाडौं-नेपाली क्रिकेटको उर्वरभूमि मानिने नेपालगन्ज अहिले संकटमा गुजि्ररहेको छ। नेपालगन्जलाई महिला क्रिकेटको उद्गमथलो नै मानिन्छ। तथापि थुप्रै पुरुष खेलाडीले पनि राष्ट्रिय टोलीबाट महत्व‍पूर्ण उपलब्धी बटुलेका छन्। घरेलु क्रिकेटमा विशेष योगदान...

एसपिए कपमा लम्कँदै पेन्टागन

एसपिए कपमा लम्कँदै पेन्टागन

धनगढी-राष्ट्रिय खेलाडीले भरिपूर्ण काठमाडौंको पेन्टागन कलेजले मंगलबार कञ्चनपुरको सनराइज उच्चमाविमाथि १६ रनले हराउँदै होटल डिभोटी एसपिए कप क्रिकेट प्रतियोगिताको सेमिफाइनलपक्का गरेको छ। टस हारेर ब्याटिङ गर्न आएको पेन्टागनबाट राष्ट्रिय खेलाडीद्वय...

अस्ट्रेलियाले उपाधि उचालेको एसियन कपका केहि झलक

अस्ट्रेलियाले उपाधि उचालेको एसियन कपका केहि झलक

सिड्नी– वैकल्पिक खेलाडी जेम्स ट्रोसीले दक्षिण कोरियाविरुद्ध अतिरिक्त समयमा आकर्षक गोल गरी आयोजक राष्ट्र अस्ट्रेलियाले एसियन कप फुटबलको ट्रफी उचालेको छ। अस्ट्रेलियाले ५५ वर्षयता ठूलो प्रतियोगिताको उपाधि जित्न सकेको थिएन।

पुबुदु र प्रफुल्ल सम्मानित

पुबुदु र प्रफुल्ल सम्मानित

धनगढी- नेपाली क्रिकेटका दुई हस्ती पुबुदु दासानायके र प्रफुल्ल वैद्य शुक्रबार सुदूरपश्चिमाञ्चल एकेडेमी (एसपिए) बाट सम्मानित भएका छन्। दी होटल डिभोटी कपको चौथो संस्करणको उद्घाटनका अवसरमा सिंचाइमन्त्री एनपी साउदले राष्ट्रिय...